اليوم رحت موعدي في تبوك وكلعاده الطول النكبه هاذ طلع طولي 167.7ومدري كم يعني حول الربع والله وقلت قيس مره 2 قاس ونفس الحكايه قلت له الله يخليك ويرزقك الجنه حاول تعديني قال مافي مجال وشرحت لهم وضعي قالو مافي مجال والله تعبت رزقي ينقطع على نص وربع المهم قلبتها عليهم وقلت اتقوو الله ربع سانتي تقطعون رزقي فيه قام العسكري وقال لايكثر هرجك قلت طيب حط نفسك مكاني انت بالله ياخي النص والربع هاذ قاطع رزقي قال تعال قلت بالي ياحضي شكله بيمشيني قال شوف انا اقدر امشيك من هنا بس المستشفى مالي دخل فيه وفي لجنه تعاقبني على ربع لو مشيتك فيه قال والله انا اكلها واخر شي قال تسهل قلت الله الرازق وطلعت الله يوفقنا بافضل منهاااااااااااااااااااا يارب
الى متى على هذ1 الحال سانتي ونص سانتي وربع سانتي يعلم الله انا بحاجته انا ما اجي اشتكي بس ابيكم تجطون انفسكم بمكاني والشكوى لغير الله مذله وادري ان في ناس مثلي واردى مني وبحجتها اكثر مني لو ابو متعب ينزل بطول الى 165 والله غير تفرج علينا بس نطلب الرزق من الله والله اني صليت الفجر ودعيت ربي الى متى الواحد على هلحال عمره كله يطلب ابوه والله ماهم مقصرين بس حنا نحس لما تطلب شي والواحد يبي سياره يبي يبي بيت يبي يعيش زيه زي خلق الله يبي يتزوج يحس انه ادامي استغفر الله بس واتوب اليه اللهم يارب ارزقني وارزق ك عاطل يارب وافرج كل هم مسلم بهدنيا وارحم اموتنا واجعلهم من اهل الجنه يارب ................. يارب ارزقني بلوضيفه الي تغييرر حياتي تعبت والله تعبت ياربي استغفر الله واتوب اليه .......بالله من كل يقرا موضوعي يدعيلي ويدعي الاخونا كلهم معاد بقاء فينا صبر يالله المستعان بس

ان شاء الله انها شر وربي ابعدها عن طريقك .. اصبر وانا اخوك وخل املك بربك كبير ولاتتحطم الي جااي اكثر من الي رااح .. وان شاء الله ان ربي رازقك بوظيفة ابرك منها .. الله يعينك .. موفق ان شاء الله

المفروض أخوي أنهم يعيدون النظر في الطول والوزن يعني حتى 1 سم يتكلمون فيه

وبعضهم بالكيلو او كيلوين يتكلمون


ما قول الا الله يعينك اخوي وأعلم ان الرزق بيد رب العالمين وان شاء الله تحصل احسن منها

وتذكر قوله تعالى:

وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ

[align=center]ان شاء الله الله انها خيره لك ولا تيأس من رحمت الله
وان شاء الله ان الجاي افضل ((ابتسم تبستسم لك الحياة))[/align]

يارجال الله يعين انا رفضني الدفاع عشان والله شي تافهه يقول ليه خشمك كذا بس وارد عليه قلت انا بمسك الرشاش بخشمي ولابيدي واكلمهم اغديهم يمشوني سحبوو علي

الله يرزقك يا اخوي وان شاء الله تحصل احسن منها تفال بالخير وان شاء الله تمشي امورك ولا تنساء قول الله تعالى

وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ

الله يرزقك بأحسن منها

وان شاء الله كان خيره لك كل ما حصل

لا تعلم لعل الله يحدث بعد ذلك امرا

أسال الله ان يرزقك بالوظيفه الي تسعدك بحياتك ويسهل أمورك

اي والله الغبنه
ياخي المفروض يكون فيه استثناء للي ناقصهم 1 سم او نص سم
تصبر وانا اخوك وخلك متفائل ولاتيأس
وانصحك تبحث عن اي وظيفه لاتجلس عاطل
العطاله تلعب في النفسية
من واااقع تجربه
الله يوفقنا وياك

العسكري ما فعل شيء غلط
طبق النظام وواضح انه وده يمشيك
بس مثل ما قالك فوقه من يحاسبه ويعاتبه .

بعدين بشرح لك إفترض أنهم يبون 200 شخص
والمتقدمين 500 , أكيد بيأخذون اللي تنطبق عليهم الشروط
وبيحاولون يأخذون أفضل من 200 من 500 .

الله يرزقك ياخويُ ، والي قاس طولك ترآ مابيده شيَ _صحيح لو يعرف احد بالمستشفى يمكن يخليه يمشيك كمآن ، بس انت فكر فيهآ لأتقرب له ولأ يعرفكء آكيد ماراح يمشيك ويخلي الضباط من ورآه يدققون عليه عشآنكُ


على العموم الرزق بيد الله وانت عليك الفعل بالاسباب ، انا اقولك نصيحة اذا انك محتآج الوظيفة روح قدم بالحرس الوطني والله يقبلونك بالراحة ، طالبين طول +165 ومآعندهم تعقيد ورواتبهم مثل الامن العام ويمكن تتحسن بعد مآحولوهم وزارة ، بس عيبهآ اذا قدمت بالمركز الي بالرياض غير تمسك سرا بالرقم اعرف واحد سنتين عاطل بعدين قبلوه والحين فيهآ ، بس اهم شيُ تقدم ولأ يروح عليك العمر

واتوقع والعلم عند الله فيه تقديمات قريبه ، للمباحث _ والدفاع المدني _ وآمن المنشآت "لدفعة الثانية"

الله يرزقنا ويرزقكم آجمعين بكل خير