السلام عليكم ورحمة الله

اخواني تكفون طالبه مشورتكم
انا ساكنه في منطقه عدد سكانها 200 الف تقريبا والمنطقه في تطور مستمر
المنطقه مافيها الا مدرسه اهليه واحده فقط للبنات
المشكله ماعندي دراسة جدوى لها ولا عندي راس مال ولا عندي تفاصيل لها
سمعة انهم يتدرجون في فتح المراحل الدراسيه اول سنه يفتح ابتدائي وروضه ثاني سنه يفتحون
متوسط وثالث سنه الثانوي
وانتم عارفين ان اغلب الناس يدخلون بناتهم من الثانوي عشان النسبه ..
يعني احتمال اجلس 3 سنوات اجمع راس المال بعدين الارباح
لو افترضنا ان اول سنه بيكون عندي 100 طالبه
الطالبه ب 8 الاف ريال
المعلمات 10 معلمات لعدد 100 طالبه
رواتبهم 2500 ريال
خلال 10 شهور يبغالهم 250الف ريال
الطالبات الميه خلال عام كامل راح يجيبون لي 800 الف ريال
800 الف ناقص 250 الف = 650 الف
اجار المدرسه اقل شي 150 الف ريال
مصروفات المدرسه من كهرب وعاملات نظافه 150 الف ريال
وش باقي بعد نسيت احسب حسابه ؟؟؟
المهم الباقي اقل شي لي ..
350 الف ريال .. وهذي بجلس اسدد فيها القرض الي اخذته من البنك
..
مره كثير بنسبه لي اجلس بدون مصروف 3 سنوات
هل اقبل وظيفه واجمع راس مال وثم استقيل وافتح مدرسه او افتحها على طول
خصوصا ان بنك التسليف مسار التميز مقفل الحين .. مراح احد يعطيني قرض فوق 500 الف ريال
تكفون ي اخوان وربي انه قرار مصيري لازم احد يوقف معي خصوصا ان عايلتي مالهم بتجاره ابد
ماحد يعرف لها ..

تكفون ارفعو لي الموضوع

الله يوفقك ان شاء الله
وأكيد أصحاب الخبرة ماراح يقصرون

بالتوفيق ان شاء الله
حاولي تعملي بحث عن دراسة الجدوي بشكل دقيق

جزاكم الله خير على الردود ..

ولكن مازلت اطمح من اهل الخبره الافاده

وارفعو الموضوع لي جزاكم الله خير

الله يوفقك وخليها في بالك "اذا كان همك الوحيد جني المال من هذا المشروع فـ راح يفشل تمام"

لازم تفكيرك يكون تحسين مستوى التعليم وتخريج جيل متعلم تعليم صح !

ما أحبطك ولا شيء , هذا زوج عمتي عنده مدرسة أهلية والرجال شريف وجالس يطور في المدرسة ويجيب احسن المدرسين كله عشان يطلع جيل ممتاز , والطلاب يجوه ! , لكن للأسف الخيانة من المعلمين يبيعوا الأسئلة للطلاب

[align=center]أختي الفاضلة .. عندي نصيحة وتقبليها بصدر رحب

كنت دائم افكر في مشروع المدارس الاهلية لكن كان يمنعني عنها شيء واحد
ان اموالها في ظني والله اعلم " محرمة " لأن ما فيه فرق بينها وبين الرشوة
يعطينا الطالب فلوس و ننجحه .. صح ؟؟

طبعا انا اتكلم عن المدارس الاهلية البسيطة اللي بالاساس مهمتها تنجح الطالب
والا المدارس الفخمة غير داخلة في ما قلت ..

تقبلي مروري ..[/align]

أختي العزيزة اذا كان لديك رغبة بالمشاركة انا جاهز

ي اخوان اكيد مراح اهمل الجانب التعليمي لكن بالمقابل انا المفروض يكون معي فلوس
عشان اقدر انجح المشروع

غير كذا ماحد فينا مايفكر في ارباح المشروع اكيد بفكر في الارباح بس انا ما اهملت الجانب التعليمني

ياليت احصل من يفيدني جزاكم ربي كل خير على ردودكم مشكورين
واكيد نصائحكم اخذتها بعين الاعتبار..

السلام عليكم ...
عزيزتي ربي يوفقك .. حبيت أرفع الموضوع لان للاسف ما عندي خلفية كافية بمسألة المدارس الأهلية