السلام عليكم ورحمة الله وبركاته
اسعد الله اوقاتكم

بصراحـــــــــــــهـ
خاطري اتكلم عن هالظاهره وابي تناقشوني
كثير كنت اسمع ان بهالزمن صاروا البنات هم اللي يرقمون وان الايه انقلبت
وانا ما اصدق كل شي ينقال وخاصه بهالشي اصدق ان بنت تكلم بس ما اصدق ان هي اللي تبادر وترقم كنت اقول معقـــــــــــول?
واللي خلاني اصدق قبل امس كنت مع مرت اخوي واخوي بالمول
دشيت انا وياها بمحل وهو قعد بكافي واحنى رادين له شفنا وحده كانت واقفه عنده وراحت
طبعا مرت اخوي لو قاسوا الضغط عندها بهاللحظه شوي وتموت
وانا اقولها يمكن مضيعه بس لوك البنت ولبسها كلش ما يساعد الله يستر علينا وعليهم
تالي طلعت الاخت مرقمه حطت الرقم ع الطاوله ومشت وتسببت بمشكله بين الرجال ومرته
مع ان اول ما وصلنا لاخوي لقيناه مشقق الورقه بس تعرفون غيرة الحريم

ابي اعرف ليش وصلنا هالمرحله
ليش البنات صاروا يرقمون
شنو السبب وين الغلط مافي اهل قاعد يربون ولا البنات فيهم البلا
هل صحيح ان بنات هالوقت البعض طبعا صاروا هم السبب بانحراف الشباب
وهل المسلسلات التافه هي السبب

بالنهايه اقول الله يهدي الجميع

ودمتم بود

عليكم وسلام ورحمة الله وبركاته

والله ياختي وطن

ترا ما كل بنات يرقمون وبس غاالبة غالبة غالبة اهم شباب يرقمون ع بنات ناس ولا يستحون ع اشكالهم
وقل حيا ومسخرره

مو بس في خارج وحتى منتديات وشات وفيس وتويتر ووووالخ


الله يستر على بنات المسلمين ياارب

اعوذ بالله من شر فيهم

اختي وطن الحلم،،، اول شي يعافيك ربي على الطرح،، من وجهة نظري اشوفها مو ظاهرة يعني نسبة وتناسب،،
في كل فئة صالح وطالح،،سواء بنات او شباب،، وانا دايما اشوف البنت الطرف المظلوم،،لعدة اسباب
1-سوء التربية واهمال الاهل والتربية التقليدية العديمة الفائدة
2-النقص العاطفي
3-النقص المادي احيانا
4-الموضة في اعتقاد بعض البنات البعض مو الكل وهاذي سببها المسلسلات الهابطة والوهمية
5-الايمان عند بعض الفتيات بالزواج عن طريق الحب
6-التفكك الاسري كالطلاق او خلافات الاسرة الكثيرة

بوجهة نظري هاذي اغلب الاسباب اللتي تؤدي الى سلوك الفتاة لهذه الطرق وليس معنى ذالك انني مؤيد لما تفعله الفتاة ولكن لو وجدت الفتاة عند ابيها واخيها وزوجها الحب والاهتمام لما بحثت عنه عند غيرهم،،

صراحة اغلب البنات يوم يكلمون الشباب بنية الحب والزواج وبداية احلام وردية ولكن هل الطرف الاخر نفس الشي؟؟!! هنا نضع الف خط،، غالبا احلامهن وردية وافكارنا سوداوية!! يحبوننا بصدق ونستغلهم بابشع واحقر استغلال،،والنهاية تكون بشكلين الشكل الاول:: تصحو الفتاة من احلامها ولكن تظل تنزف لفترة وتعيش حياتها التقليدية بشكل طبيعي والشكل الثاني: تعيش الفتاة حياة مؤلمة هدفها فقط الاستغلال والانتقام من كل شاب تصادفه لانها بحسب نظرها هم من سلبوا حياتها وقطفوا وردة عمرها،،وهذا الشكل نهايته مأساوية ،،يعني تصبح نظرتها للرجال سوداوية ومهشمة ،،،،وبس بحكي موقف لفتاة بدافع الانتقام على السريع،، قبل فترة بتويتر،، كانت اتصفح ولقيت حساب فتاة وصراحة حسابها كان مخل بالادب من ناحية الاسم والمحتوى ولاحظت محادثة بينها وبين احد الشباب ينصحها وكانها ندمانة وناوية ترجع للحق والطريق الصحيح بس مالقت من يوجهها وياخذ بيدها للحين فيها خير،، المهم قصتها على عجالة بقولها لكم هي متزوجة وعاشت مع زوجها حياة سعيدة،، لفترة قرابة السنتين وزوجها رجل عسكري ونقلوه لاحد مدن المملكة وسكنوا لفترة وتعرفت على جارتها وصارت بينهم علاقة ود ومحبة،، اقصد المتزوجة والجارة،،
المهم بعد فترة اكتشفت الزوجة ان زوجها يخونها مع جارتها اللي فتحت لها قلبها بيتها ووثقت فيها،،الزوجة مسكينة طار عقلها
وبغت تموت قهر وحسرة وانهدمت الثقة بينها وبين زوجها،، حلفت ما تقعد دقيقة بالحي ذا ونقلوا،، المهم المسكينة ذي متالمة
واستشارت وحدة من صحباتها اللي تفكيرها يهبل ويجنن وجابت العيد وقالت لها بختصار ردي الصاع صاعين!!! شفتوا اصحاب السوء وتفكيرهم؟؟ مستحيل يعطونكم شي مفيد الا يبون يخربون حياتكم ويدمرونها وتصيرون مثلهم بالحضيض!! المهم قامت تاخذها للاسواق والمولات وتعرفها على شباب وترقيم وطلعات وحفلات واستراحات وكم مرة تطب الهيئة وربي يسهلها لهم وينحاشون،، تحلف بالله تقول اطلع للسوق من المغرب ماارجع غير 11 او 12 فليل وفرفرة بالاسواق وتحرش وترقيم بالخلق،،خاصتن المتزوجين اترصدهم واستمتع لاسبب مشاكل بينهم والله هذا الصدق ياجماعة بالحرف الواحد
تقول حياتي ضاعت وتدمرت ماعاد لها قيمة،، تلعب بهذا وتخرفن هذا وتشحن بطاقة من هذا وهدية من هذا وجهاز من هذا،،لدرجة انه مو عارفة الاسماء من كثرتهم وقعدت فترة على هالموال،، وزوجها يدري بس هو نفس الشي ضايع وغبي دمرها وقتل مشاعرها،،
وهو بعد لعاب ونفس الموال،، وهو مستحي وخايف من اهله واهلها خايف ينفضح عشان كذا مخلين علاقتهم ببعض مثل عزاب بشقة كل واحد بشغله وطلعاته!!! استغفرالله العظيم،، المهم الشاهد بالموضوع انه الفتاة مظلومة غالبا!! الله يسامحني على ذكر القصة ولكن حبيت اذكرها للفائدة والعبرة والله يسهل امر الفتاة هاذي ويعوضها ويثبتها على الحق،،



اتمنى من كل واب وزوج واخ انه يصادق بناته ويغرقهم بعطفه وحبه واهتمامه،، صدقوني لو كل اب وزوج و واخ يجلس مع بناته ويسولف معهن ويصاحبهن ويشاركهن همومهن ساعتها راح تشوف اهلها ملوك ولاراح تسمح لنفسها تسوي شي يهز كيانهم وكيانها وسمعتهم وسمعتها،، حتى الاخوان المفروض يكون قريب من اخته يراعيها ويسولف معها ويقعد معها لو نص ساعة كل يوم،، ويفرحها بهدية لو بسيطة نتيجتها عظيمة!! لانها لو لقت منك الاهتمام ماراح تشوفه وتبحث عنه عند غيرك ،، لان الانسان بطبيعته اذا لقى الشي ماراح يبحث عنه وراح يكتفي بالشي اللي معاه ،، لاتكون رسمي ومتشدد مع اختك ولاتكون ايضا سلبي خلك ماسك الحبل من النص،، ترى مو عيب انك تمدح اختك حتى لو مجاملة ،، راح تسعدها،، مثلا طبخك زين ذوقك حلو،، ماشالله اليوم كاشخة ومن هالكلام الحلو والمحبب للنفس،،وعادي امزح معها وناقشها بامور الحياه والسياسة والرياضة وكل شي،استشيرها بشي يخصك راح تنبسط من هالشي راح تحس انها مهمة بالبيت وان لها ثقلها ووزنها، لاتحسسها بالنقص وقلة العقل والتفكير،،خلك مرح مع اهلك بصفة عامة،، حسسها بالثقة والمسؤولية اصحى تعذبها وتجرحها وتقلل من شأنها بالشك الغير مبرر،،،،احيانا الشدة تؤدي الى الانحراف،، الاخت اذا حست بالحب من اخوها والاهتمام ،،، راح تعيش كامل ادوات الحياة،، ولاراح تبحث عنها من الابواب الخلفية،،

مشكلتنا بالسعودية الرسميات بالتعامل مع الاهل صراحة لدرحة الواحد يدخل البيت مايسلم على اهله!! ترى عادي تدخل البيت وتشوفهم قاعدين بالصالة وتقول السلام عليكم ترى كلها كلمتين مو تقل داخل حوش غنم هواش وصراخ والف طلب بالثانية وين شاحني وين ثوبي وليه كذا وليه كذا،،،

حدد يوم بالاسبوع واخذ اهلك وروح تمشى معهم وفرحهم بتمشية لو ساعتين،، ترى ماتكلفك 40 ريال،،،
مع انك تصرف دبل مع اصحابك ،،،

ترى موعيب تسوي قروب واتس اب انت واهلك وتجتمعون فيه وتسولفون وتستانسون وتقون علاقاتكم وضحك ووناسة وتعليقات،، وراح تكسر الروتين والرسمية بينك وبين خواتك،،ترى عادي هذاني صاك 26 سنة والعب مع خواتي جماد نبات حيوان انسان احيانا وهن ماشالله فيه اللي اصغر مني بسنة وفيه اللي اكبر مني بسنة وساحبين على الاجهزة والالكترونيات،،تختلف طرق التواصل والافكار بس المهم النتيجة السليمة،، اتمنى وصلت فكرتي واعذروني على الاطالة،،،

وعليكم السلام ورحمة الله وبركاته
موضوعك حاصل الله يهدي بنات المسلمين لكن مانقول عنها ظاهره لإنها قليل تسمعين بها
وياليته ع الترقيم بعض البنات بنفسها تستعرض قدام الشاب بدون حياء ونشوفهم بعيونا
وابقولك على موقف لكم بنت مو بس وحده .. من كم يوم أخوي راح المستشفى يقول طلعت من العياده
مادريت الا 3 بنات وراي يتابعوني من قرنه لقرنه لين طلعت من باب المستشفى بلا حياء قلت كان وريتهم
الورقه اللي معك <~ ورقة توافق الزواج

.
يمكن من الأسباب البيت بعض الأهل تحرم البنت من كل شيء فتسوي حيل حتى تقدر تجيب اللي تبيه
باللعب ع الشاب تعيشه بقصة ح.... وتسحب منه بطاقات جوالات الخ....
وكذلك الخواء العاطفي يعني البيت مافيه حنيه ولا حب وترابط كل فرد عايش بعالمه الخاص
البنت محتاجه من يسمعها .. ومافيه خوف من العقوبه واستشعار وخوف من مراقبة الله لها
أنه محاسبه على كل فعل وقول تعمله..
.

الله يعطيك العافيه
وربي يستر على المسلمين والمسلمات

__________________
"لله دُر أمي إذا ابتسمت
تهادت جروح قلبي والتئمت"

يسسلمو على الطرح اختي وطن



انا بوجة نظرى الشخصية الحين بعض البنات بالمررة مدلوقين على الشباب وصلت مرحلة ماعاد فيه كرامة

البنت صايرة تخووف ما ينحط عندها شباب ,, يعني وصلنا مرحلة بدل ما اخوي يخاف علي صرت انا اخاف على اخواني

وبدل ما الناس تخطبني انا البنت صارو والله العظيم البنات هم الي يخطبون والامهات تدق تقول الوووو ابي اخطب ولدك لبنتي كذا علني وبصراحة يعني الحين العيال هم الي ينخطبون

صارت الام وبنتها قاعدين يلفون على العيال ماخلو شباب شياب عزاب متزوجين كله عادي يتزوجون اي احد لاقيتة بالشارع عند المحطة واقف يشحد عند اشارة هندي سوري لبناني برضو عادي


الشباب الحين احسهم ما يبون يتزوجون كثر ما البنات يبون يتزوجون

وتلاقين في بنات ماعندها كرامة يجي ولد يقولها انقلعي وتلحق وراه شفتي وشلون وصلت الامور

وهذه الفئة صارت كثيرة وخربت على الباقيات الي ما يسون كذا

والي صار مع مرت اخوك يصير كثير مع كل المتزوجات اذا دخلو السوق تلاقينها متعلقة بزوجها وناسية عيالها تلقين عيالها يضيعون مية مرة ما تدرى الام

واكتشفت ان البنات كذا بكل مكاان روحي اي بلد تلاقين البنت هي المدلوقة والله العظيم والي ماهي مدلوقة تلاقينها تكابر تكذب من جوى مدلوقة

يعني الوضع مو زين ابد لا بد يتحسن والبنات حظهم ضايع من هذه الاساليب والغيرة الزايدة الي مالها داعي ,, الي يبك يجيك ونصيبك هو الي راح يجيك ماله داعي الركض ورا العيال وتخطبهم وتذل نفسها لهم

الكرامة حلوة

وشكرا لك وظن

بعض الكلام هنا مبالغ فيه جدا

^^^اي كلام؟؟؟؟

حدد؟؟؟ عشان نقدر نجاوب؟؟

شعب ذبحته العشوائية،،،