المشاركة الأصلية كتبت بواسطة جيلانا

اذا مدااكي ترووحي روحي ﻻ تضيعي الفرصه كلها سنه وتنقلين
الوظيفه بالزماان صعبه

المشاركة الأصلية كتبت بواسطة الدميسه

انا مثلك والله فيني خوف احس كاني رايحه اسوي عمليه وفيها موت او حياه
بس وش نسوي وانا اختك الله يصبرنا ويربط على قلوبنا
وان شاءالله تتيسر
واذا ماطلع اسمي ماراح ازعل احس انه شر وربي ابعده عني

المشاركة الأصلية كتبت بواسطة تاآآلين

امنيات استخيري ربك وتوكلي على الله

انا ثنتين من صديقاتي كانوا معي في الدوام لما كنت اشتغل بأهليه

كلهم لهم عشر سنين وكلهم متزوجات وعندهم عيال وازواجهم وظايفهم حلوه ورواتبهم عاليه

للمعلوميه عيالهم كبار يعني في المتوسط

عشر سنين وهم مايهتمون بالتقديم ولايعرفون اصلا مواعيد المفاضله وحتى لو قدموا كانوا يحطون الرياض فقط

بحكم انهم ساكنين فيها وكانوا يقولون نفس كلامك مايقدرون يروحون برا الرياض

في المفاضله اللي فاتت اللي بشهر 2

كان احتياج تخصصنا في القصيم كثييييرفي القصيم وفي الدوادمي

وانا اللي علمتهم عن موعد التقديم ونصحتهم قلت لو بتجلسون عمركم كله تقدمون بالرياض ماراح تجيكم

ووريتهم جدول الاحتياج لانهم ماكنوا يعرفون ان فيه شي اسمه جدول احتياج خخخخخ

قدموا في القصيم وفي الدوادمي

والله ياامنيات ان ازواجهم من كلامهم شديدين وكانوا حاطين هالرغبتين ولاشاوروهم تخيلي !!!!! لانهم يقولون لو قلنالهم بيقولون لا

انا كنت اقولهم غلط لازم تشاورونهم حرام لو جتكم ولارحتوا تحرمون غيركم

قالوا لا بنحطهم قدام الامر الواقع خخخخخ

انا هنا مااحرضك لا والله بس لأنه ماكنت متوقعه ان هالثنتين بيطلعون برا الرياض ولا حتى 1 %

وفعلا نزلت اساميهم وحده بالقصيم ووحده بالدوادمي

اللي بالقصيم اخذت لها شقه وسكنت هي وعيالها ماعدا واحد خلته عند ابوه وكل ويكند تجي للرياض او زوجها يروح لها

قسم بالله ولاتوقعتها بتتأقلم بالعكس تقول عاااااااادي ومبسوطه

والثانيه اللي بالدوادمي تروح يوميا وترجع ونفس الشي مرتاحه

لاحظي ان ازواجهم كانوا رافضين الفكره تمااااااما

انا اقول استخيري وتوكلي على رب العالمين اذا ماتقدرين تروحين بعيد مره شوفي الاقرب لك وقدمي فيها

انتي قديمه واكيد نقاطك عاليه لاتفوتينها عليك

المشاركة الأصلية كتبت بواسطة امنيات ستتحقق

حبيبتي اشكرك على النصيحه الغاليه الي ماتصدر الا من انسانه رائعه قلبها ابيض الله يوفقك وين ماكنتي ويرزقك من حيث لاتحتسبين
انا بالنسبه لزوجي الله يخليه لي ويسعده الحمدلله ماعنده اي مانع اروح بالرغم ارتباطاته بعمله
لكن فيه ضروف ثانيه اقوى مني ومنه تمنعني لكن اسال الله العظيم ان يفرج همومنا وييسر لي ولك ولجميع بنات هالمنتدى الوضايف الي تسرنا ويجعلها سهله ميسره
انا طول سنوات المفاضله عمري ماقدمت برا منطقتي وفعلا انا قديمه والحمدلله نقاطي عاليه لكن الى الان لم ياتي رزقي وسوف استخير واسال الله الخيره والفرج .

المشاركة الأصلية كتبت بواسطة معلمه بالانتظار

انا ايضا قديمه وعمري ماقدمت خارج منطقتي بس هالمره قلت بجرب حضي خاصه ان منطقتي الاحتياج فيها صفر من كم سنه واخواتي شجعوني والبنات هنا وتجاربهم فقلت يابنت جربي وش بتخسرين وكتبت مناطق ثانيه قلت ان شاء الله سنه او سنتين وارجع خاصه ان سنيين العمر تمشي مو منتظره مثلنا على الرغم ان عندي بنت صغيره مدري ايش اسوي فيها اذا رحت مكان بعيد وما عندي خلفيه عن كل شي من الى مثل السكن ومع من بروح ومع من برجع كلها تركتها لوقتها وان كتب لي الله شي بتتيسر ان شاء الله ...
اكتبي الاقرب لك مثلي وان شاء الله نكون في منطقه قريبه نقدر نروح لها مانحتاج نسكن فيها

الله يكتب لي ولك ولكل بنات المنتدى الوظيفه وييسرها لنا واذا كان مالنا خير فيها يصرفها عنا ..

المشاركة الأصلية كتبت بواسطة حجابي عزتي

الله يووفقكم ياابنات ويرزقكم يااارب الوظايف اللي تسركم وتسعدكم وتعينكم على طاعته يااارب

ياليت ماتنسووني من دعاؤكم اني ربي يعووضني بوظيفه ادارية في مكه ونفس حارتنا اللي ساكنه فيهاا

وعقبال ماافرح بنزول اسمائكم يالغاليات

ماتدرون متى نحدث للوظائف الاداريه ؟

المشاركة الأصلية كتبت بواسطة جيلانا

كلاهما صحيح