السلام عليكم ورحمة الله

كيف حالكم ؟


مثل ماهو واضح بالعنوان تكفون تكفون افيدونا بتجاربكم

احتياج بمناطقنا صفر والحمد لله على كل حال


لابد من الاغتراب واكيد انه صعب لكن نبي نسالكم كيف عشتوا هناك من ناحية السكن والنقل والخدمات كيف في المناطق النائيه

والي سكنت مع معلمات ياليت تفيدنا كيف كان الوضع معها


مادري وش اكتب ولا ادري وش ابي

المهم انا تعبت جدا يارب نسالك الفرج

والله يا اختي القرى هم وشي ما ينوصف.. تعب ومدارس متهالكه
وانا مو زي باقي البشر انام لمن اسافر بالسيارة .. ولا تغمض عيني
واحس بكل عناء الطريق وادوخ .. لكن مع كثرة الدعاء والاستغفار
ربنا ييسر لك انتداب لمكان او قرية اقرب قليلا حتى لو لزم الامر انك تقبلي بتدريس غير تخصصك او مرحلتك في سبيل القليل من الراحه
ولو ما قدرتي تتقبلي حاولي فيهم يعطوك اجازة استثنائية
والله يصبرنا جميعا

حبيبتي انا لسى ماتعينت بس ناويه احط رغبات في قرى نائية
الله يفرجها علينا

مافيه احد يبي يساعدنا

أختي القرى كله نفس بعض سيئئئئه ممكن تسكنين باقرب محافظة للقرية او الهجرة.حتى تتتسهل عليك

موضوعك رائع اختي كان في بالي ابغى اعرف كيف البنات يدبروا امورهم

ياعزيزتي لاتبني مستقبلك على تجارب سابقة لك
فما بالك بتجارب غيرك
الشخصيات تختلف الظروف من قرية لقرية تختلف
المدارس تختلف
ممكن لو قلتي تجاربهم من الناحية الايجابية فقط عشان تكون دافع لك
اكيد في سلبيات وايجابيات لكن السلبيات هي اللي دائم تذكر مادري ليش ؟
من اهم ايجابيات القرى العدد قليل
وبيكون لك امان وظيفي.
اي بتكوني مستقلة ذاتيا بنفسك وهالشيء مهم لاي شخص

بالشكر كلامك صحيح دائم تندكر السلبيات
واكثر الناس تحب الشكوى
يمكن فيه ايجابيات بس ما اندكرت
والناس تختلف طباعهم وشخصياتهم وردود افعالهم
فيه ناس تتحمل وناس حساسة ماتتحمل

ياحبيتي انا مابني تجربتي على غيري

لكن مهم جدا ادرس الموضوع زين ربما كلمه من وحده من الاخوات المجربات تفتح لي امر اكون ناسيته

ايه نعم محتاجه الوظيفه لكن لازم ناخذ الموضوع على محمل الجد كذلك ونترك الاندفاع ونشوف تجربة غيرنا تفيدنا
اسمع كلامهم واقرر ماخاب من استشار

وعليكم السلام

موضوعك جدا مهم للكل . جزاك الله خيرا .

نبغى كل وحده متعينه تكتب لنا الايجابيات و السلبيات الي واجهتها

نستفيد من بعضنا نشوف وش الي ممكن يواجهنا

. وبإذن الله الي تقدم بعيد ربي ييسر لها امورها

وابغى اعرف نلاقي شقق نظيفة للايجار في القرى ؟ ! اهم شيء السكن والباقي ان شاء الله يتسهل .

لا تقولون خيمه ^_^ .