انا طولي 170 وماشفت احد سجل اقل من كذا والله اعلم

مساء الخير

في احد باقي له مقابله شخصيه او قبول مبدئي ؟؟

يالربع اليوم اتصلت ع واحد شغال بالقوات في ام الحمام واستفسر عن الدوره متي ؟

قالي بأذن رايح تخشون الدوره في بدايه شهر ثلاثه .

قلت له كم مده الدوره؟ قالي الدوره لا تقل عن 6شهور وبعدها ع حسب ان عطوكم دوره ارهاب

او دوره صاعقه لازم تكمل سنه وشهرين بالميدان وان ماعطوكم اقل شي للدوره 9شهور

والرجال رقيب فالقوات في ام الحمام


هذا اللي جاني من الرجال ... والله اعلم ..

الله يوفقكم ويكتب لكم اللي فيه خير

شائت الصدفة اني ارجع للمنتدى بعد سبع سنوات الحمدلله
احب افيدكم اخواني وزملائنا الجدد في القوات ونقول فالكم التوفيق يارب ...
بالنسبة للدورات عادة تكون دورتين متلاحقة يعني تاخذ استجداد 3 اشهروتاخذ دورة بعدها 3 أو 4 أشهر بمجمل 8 أشهر إلى 9 وعلى حسب تميزك في الدورات السابقة يمكن يفرزون المميزين ويعقدون لهم كمان دورات لأجل الحاقهم في وحدات معينة ..
الدورات اللاحقه بعد الأستجداد اما تكون أعمال قوات خاصة وهي الأغلب وهذي عليها بدل واما تكون قفز وحواجز هذي الدورتين متكررة دايم وأي استفسار ان شاء الله اكون معاكم وحاضرين

اكيد هذا اخر اسبوع في المقابلات عشان لهم اسبوعين يستقبلون المتاخرين والي فاته موعده
يعني ان شا ءالله على اخر شهر واحد يخلصوون من الجميع

الله يجزاك خير ويرحم والدينا ووالديك
هالمنتدى منور بنوركم
خبرتي على قدي بحكم خدمتي في القوات ولازلت الحمدلله


اذا تسأل يالغالي اش نوع الدورات وش فيها وكذا باختصرها لعلي افيدكم بشئ ان شاءالله .... وأي تفاصيل زيادة ماعندي مانع لكن احيان بعض الأمور لازم تكون سرية خخخخ
بالنسبة للدورات الأستجداد أو الفرد الأساسي وقطاعنا تكون فيها 45 يوم واغلب القطاعات العسكرية كذا ...هذي اعتبرها اختبار قدراتك كعسكري تتحمل أو لا ومن المعلوم عن القوات دوراتها شديده شوي ال45 يوم ماتخرج فيها ابداً وكثير ناس تطلع منها لهذا السبب ومسموح فيها زيارات طبعا بعدها تبدأ الأجازات الأسبوعية كل جمعه وسبت يخرجون الطلبة من المعسكر واحيان يوم طالب لكن اللي كثير ملاحظات راح يخلونه عندهم وهذي النفسية الصح الله يعين اخوياه يخرجون وهو يجلس ....بعدين تمتد لثلاثة أشهر في نفس الدورة من ضمنها ال45 يوم(فرد أساسي أو استجداد) كلهم نفس الشئ .....بعدها اجازة مابين الدورتين والدورات المتلاحقة تكون أما اعمال قوات خاصة أو قفز ولياقة وحواجز أو مشاة مشتركة أو امن وحماية مواقع وعلى حسب البرنامج المعد هذي اغلب الدورات ...
بالنسبة للدورات اذا سؤالك نفس الدورة الواحدة تكون 6 أشهر فهذا بعدين فيه دورات لثمان اشهر مثل مكافحة ارهاب أو صاعقة وغيرها كثير لكن هذي بعدين مو للمستجدين
واذا سؤالك الدورات كلها تعقد للمستجدين مدتها 6 اشهر ماعتقد اقل شي 8 اشهر واذا فيه تغيير ل6 اشهر تقليصها احسن لكم
وفالكم التوفيق يارب

^^

ما قصرت وجزاك الله خير

استفسار لاهنت : الحينن حنا سلمنا خطاب الاحوال والبصمات والدفتر حق القبول والفحص الطبي

وطلبو صوره شهاده مصدقه من وزارة التربيه والتعليم

راح يطلبو الشهاده الاصل ولا يكفى المصدقه ؟

وش باقي لنا كذا في تحليل سموم ولا لا ؟؟ وفي اختبار لياقه ؟

وتوقعك موعد الدوره متي ؟ وانا اخترت الدوره في ذهبان كيف احسن ولا صلبوخ احسن ؟


ويعطيك الف عافيه وجعلها في ميزان حسنات والديك يارب