يا الربع المقابله الثانيه وش طلبو منا .. نسيت ي ليت احد يرد مقابتي بكره ..

والي راحو اليوم ي ليت يلعمونا وش صار معهم

اي والله يااخوان الي راح للمقابله يعلمنا وش صار عليه ان شاء الله انه توفق وش قالو ا وش طلبوا ووش عطوه

السلام عليكم
انا اليوم رحت المقابله اهم شي دفار العايله اصل وبطاقه الاحوال اصل وكل وحده معها صوره
اول شي تدخل بكل ثقه لا تشبك يدينك او تحك راسك
خلك عادي وانت داخل رافع راسك
ثاني شي بيسالونك اسأله عاديه
وبيقولك اقراء الكوثر واقراء جريده بعدين يقولك سو بشم
طبعن الي يقابلونك 4
من ضمنهم دكتور نفسي
والامور سهلات والله يوفق الجميع يارب ودعواتكم

السلام عليكم ..

مساء الخير / صباح الخير

موعد المقابله الشخصيه كانت يوم الاثنين 26 / 10

حضرت الساعه 5 الصباح وما دخلنا الي الساعه 6 وركبونا الباصات ودخلنا جو القياده وقعدنا في المصلي زي العاده وسحبو علينا ودخلو الي عندهم كشف طبي اول مره وعلى الساعه 7 الصباح دخلونا مجموعات بارقام الطلبات الي في الكرت الاخضر يعني مثال من 350 الي 450 وبين كل مجموعه ومجموعه تقريبا ساعه الي ربع الله يكون في عونه الي رقم بعيد المهم انا كان رقمي 488 وما دخلت الى الساعه 8 ونص تقريبا طلعت فوق الدور الثاني وقعدت ساعه او اكثر وبعد كذا جاء العسكري وياخد مجموعات بالارقام ويسلمك ملفك االي اول مره اخذوه منك وتدخل على الجنه
طبعا الجنه كانت مكونه من اربع اشخاص من اليسار الي اليمين ملازم ول - عميد - دكتور نفساني - عميد - ترقع السروال الي الركبه وتدخل وتسلم الملف للملازم وترجع وراء الخط ويسالك الملازم وش اسمك ؟ وين ساكن ؟ وش معاك شهاده ؟ وبعد كذا ترجع على العميد يسألك مين وين انا من المدينه قلي من امير المدينه ؟ مين رئيس الوزراء ؟ مين وزير الداخليه ؟ مين وزير التربيه والتعليم ؟ مين وزير الماليه ؟ هذا الاسئله ايل سألني هيا وطبعا تختلف من احد لواحد انا مسوي حركه في دقني قلي هذا وش تسمونه بالمدينه خنجر ولا السهم المهم .. بعد كذا رجعت على الكتور النفسي سألني وش معاك شهاده وش تشجع بس طبعا انا اهلاوي خخخخخخ وبعدين رجعت على العميد واخر واحد قال لي قرب تعال عشان يشوف مشيتك وارفع الفنيله وشاف يدين وبعدين قال اقراء سورة الكوثر وعنوان في الجريده وبعدين قال سوي بشم تقريبا من 6 الي 8 مرات وبعد كذا طلعت بره وقعدت انتظر الي ما دخل العسكري عند الجنه وجاب الملفات ويزهم عليك ويسألك وين تبي الكشف اذا من الرياض يعطيك موعد على المستشفي اذا من خارج الرياض مثلي يعطيني اوراق الكشف وخطاب لمستوصف قوى الامن للمنطقه الي تبيها وورقه للحوال سحب برنت +ورقه للادله الجنائيه بصمات + استمارة القبول


وهذ الصور للأوراق بس نسيت الصور ورقة البصمات لأني سلمتها الادله الجنائيه ..


استمارة القبول ..

خطاب للاحوال ..


الكشف الطبي وما يسلموه الى الي من خارج الرياض ..

طبعا الي خارج الرياض معاه 15 يوم يخلص اموره ويرجع يسملهم هيا

اي استفسار ؟؟ ومعليش على التأخير ..

اناا عندي استفسار ياخوك


اناا من الرياض وسلمت اوراق الادله الجنائيه بس باقي استمارة القبول والاحوال

وابي اعرف متى اسلم لهم الاوراق ذي علما بان الادله الجنائيه ستذهب لهم تلقايا

شباب انا فني وش رايكم حلو ولا لا وهل يمكن يغيرونه ولا ابي رد سريع انا ابرج لهم