السلام عليكم ورحمة الله وبركاته

الحمدلله ان هنالك مفاضلة فتحت اليوم ، للوظائف التعليمية النسوية

انا تخصصي انجليزي.
لكن للاسف الشديد مناطق القصيم القريبة مني ماطلبت هالتخصص
فقلت اتوسع شوي بالرغبات
وحابة اضيف الغاط والمجمعة والقويعية

لكن خايفه من تبعات هالاختيار
ماعندي احد يروح معي الوالد لسى موظف وامي تقول ماقدر اروح معك واخلي اخوانك وخواتك

وقريت تجمعات سابقة لبنات بالقويعية وكذا
الي تقول نتجمع بسكن ، والي بتاخذ نقل ، لكن شايفه الموضوع انا انو صعب

فهل هو بهذي الصعوبة يعني او انا مضخمة المساله لاني ماجربت منها شي؟
سكن الرياض ممكن اسكن ، لكن نقل بعيد علي للثلاث مناطق الي ذكرتها،
دفمن رأيكن كمدرسات ، هل البعد مسائلة صعبة لدرجة لاتطاق؟

وارائكن وتجاربكن مع مدرسات عاشن البعد، هل الامور كانت معقده بالبداية ومن ثم صار الموضوع سهل؟
طانا ماسجلت لسى بس حبيت اخذ خلفيه وارا قبل لا اسجل بالمفاضلة

وجزاكم الله كل خير

اختي الكريمة
انا عني سابقا تعيينت بالقويعيه ولله الحمد كانت الأمور ميسرة واغلب المجمعات السكية هناك معلمات
ولا خوف عليهم

الله يوفقك

ليت نلقئ تفاعل تجاربكم يامعلمات في البعد لك منطقه بذات الي عندها اطفال

انا جربت البعد وعندي اطفال،، متقطع قلبي،، الله يصبرني ويسهل اموري وامور المسلمين،، بالبدايه إذا مافيه أحد يسكن معكخلاص لاتبعدين مررره حطي كل المناطق اللي بيكون المشوار من ساعه إلى ساعه ونص ، استحملي سنه وباذن الله يجيك نقل
بالبدايه راح يكون صعب ومع الايام بتتعودين وتتسهل،، اذا بتبعدين فكري بسكن مع مجموعه طيبه والله يعينك ويعيننا يارب

شوفي عمري حسب قدرتك انتي انا بالاحساء اطفالي الصغار معي والكبار في الرياض
ولان بديت اتأقلم الحمد لله
وفيه مدرسات ساكنين مع بعض وماشيه امورهم

القويعيه صاحبتي متعينه فيها مره مرتاحه فيها ومتوفر فيها كل شي
انا ابيك تفيديني عن القصيم وقراها وابعد قريه عن المطار وهل فيها سكن ومواصلات

والله يابعدي مجودك،
القصيم به محافظات
الرس عنيزه بريدة البكيرية البدائع الخبرا رياض الخبرا
عنيزه

وعاد فيه مناطق تتبعهن

اما بالنسبة للقرى هذي الخريطة ممكن تساعد






القرى تقريبا اغلبها تقدرين تسكنين به

مثلا عندك ضرية كونها بعيدة عن منطقة الرس لكن تقدرين تسكنين فيها لان مشالله كل شي به حتى الكلية

وان شالله اكون افدتك

للمعلوميه المحافظات كلها جميلة ومتقدمة ، وان كانت القرية الي بيتعين به احد قريبه من احدها انصح بالسكن في المحافظات افضل

انا رتبت رغباتي ب الاحتياج السابق بناء على جدول الاحتياج
بس بديت ب اقرب المناطق لي وبعدين الابعد
وجا تعييني على الرغبه 36 بمنطقه نجران
وكان هالشي صدمه لي خصوصآ لبعد المنطقه
بس يوم رحت وشفت متزوجات ومعلمات ظروفهم اقوى منا ومع هذا كله عندهم قوة اراده وتحمل
وجايينا للمنطقه هالشي زاد من قوة تحملي
وكل المعلمات مغتربات ب اغلب المناطق والشي الحلو انه يتوفر سكن معلمات ب اغلب المناطق ب المملكه
دون الحاجه لوجود محرم دائم معك لآن الكل عايش بنفس هالوضع
لاتشيلين هم البعد وتوكلي على الله ورتبي رغباتك بناء على الاحتياج لتخصصك
ولاجاء التعيين اهلك ماراح يخلونك وبيساعدونك ان شاء الله ^_^

الله يجزاك خير طال عمرها

فكرت فيها عدل ولا قدرت احط القويعية بسبب البعد وان ماعندي احد اصلا يروح يرتب لي الوضع ويرجع معاي
وشفت الاريح لي القريب مني بمسافة معقوله

حسب ظروفك اذا فيه احد يروح معاك في المناطق البعيده ليش لا بس أذا ما فيه انا اشوفها صعبه