14-07-2013, 01:04 PM
|
 |
عضو مهم
|
|
تاريخ التسجيل: Sep 2012
المشاركات: 297
معدل تقييم المستوى: 39831
|
|
السلام عليكم يا معلمين المستقبل .. يا فخر هذا الوطن
يا موسوسين < كني اخربتها هههههه
المهم يا شباب ..
ودي ألخص لكم الزبده للناس اللي عندهم مقابله بكره
أهم نقطه نذكرها هي :
مقابلتك يا صديقي راح تكون في ( الادارة التي وجهوك عليها )
وقبل تطلع من بيتكم وتروح لديرة لادارة اللي وجهوك لها
اتأكد من التالي :
- بطاقتك + (صورتين منها )
- شهادتك الاصليه + (صورتين منها )
- سجلك الاكاديمي الاصلي + ( صوره منه )
- اربعة صور شمسه .. مقاس ( 4*6 )
- جوالك ومحفظتك ههههه
شيّكت على هذه الأشياء الي تخصك خلاص ؟
نروح الحين نشيّك على الاشياء اللي طلبوها منك بالموقع تطبعها
ايش هي ؟
- موعد وكروكي المقابله
- موقع وكروكي مكان المقابله
- نموذج الكشف الطبي
- مسوغات التعيين
لنفرض واحد من الرياض ووجهوه لادارة تعليم تبوك وحدد موعد مقابلته الساعه 10
الافضل يوصل قبل المقابله بيوم لجل يرتاح جسديا وذهنيا
ثم ينظر للكروكي لمكان المقابله علشان ما يضيّع ويحدد مكان المقابله بالكروكي
واللي ما يعرف او خربط يسأل الناس هناك يدلونه .. وكل ما وصل بدري كان احسن
اليوم الي وصل فيه لتبوك يروح يرمي ثوبه وشماغه عند ( المكوى ) عشان لا جا رايح للمقابله يكون جاهز
وشي حلو تسوي امورك بدري بدري وتتعلم التنظيم يا عشوائي انت وياه هههههه
خلاص شيّكت على اوراقك وحطيتها بملف كلها ؟
انت خطير واحسن واحد الحين هههههه
الحين انت جاهز وكل شي تمام عندك
يبقالك بس تقابل الناس واتوقع تعبي كم ورقها من اللي معاك
بس الافضل تعبيها عندهم لان كذا اضمن .. ايضا راح يخلوك توقع وراح توقع كثيييييير
< هوايتي التوقيع عز الله بوريهم الابداع ههههههه
نجي الحين لأهم خطوه .. وهي لحظة ما تدخل على دراكولا هع هع هع
امزح امزح
شباب اغلبكم خايفين .. ومحد يلومكم وهذا شيء طبيعي
تدرون ليش ؟
لأن هذا مستقبلك واذا ما كنت خايف معناته فيك خلل وانت مو طبيعي
اتفقنا ؟ شي مر على ألاف المعلمين من قبلنا وشي طبيعي اوك ؟
لو كان في انتظار .. وكان الدخول بالدور
انتهزها فرصه تهيء نفسك فيها ذهنيا .. انت مو داخل اختبار وزارة
انت داخل تدردش وتطلع ويمكن مقابلتك ما تاخذ دقيقه على بعضها
ضبط الشماغ واتشخّص ( يفضّل وضع قلم بالجيب الامامي ههههه )
اذا شفت احد طالع من عندهم مكشّر .. طنّش ولا كأنك شفته ههههه
اذا شفت واحد يبتسم .. هذا ركّز عليه واقعد اتخيل اشياء حلوه صارت جوا هههههه
( فلان بن فلان الفلاني ) او ( رقم 343242 ) يتفضل < عباره ممكن تسمعها عشان تشرّف تدخل عليهم هع
و حط احتمال انك تدخل مع مجموعه كل شيء متوقع
المهم اكثر من الاستغفار وذكر الله لأن كل شيء بدون فائده بدون ارادة الله عز وجل
اهم شي تكون واثق من نفسك ومركّز وحاط ببالك انك متكل على الله سبحانه
وبالاخير فالك التوفيق وألف مبروك مقدما الوظيفه يا أستاذ ( ...... )
( كل واحد يحط اسمه مكان الفراغ ) ههههه
وبسسسسسسسسسسسس
أحبكم 
|
العرض العادي
