السلام عليكم
بدينا وسوسه ؟ رجعنا للوسوسه ؟
شباب مع احترامي الشديد للبعض هنا
بس ايش هذا الكلام ؟
في ناس قاعده تدخل على تكامل من يوم نزول الاسماء !
قالوا لكم يوم 2 رمضان .. يعني قبل هاليوم اكيد مو شغال وما في بيانات لك
مدري الحين هي تفتح الاربعاء ولا الخميس ..
لان مثل ما تعرفون شهر شعبان كامل 30 يوم والاربعاء صار يوافق اول ايام رمضان
يعني 2 رمضان = الخميس
المهم .. احنا نشيك بكره ونشيك يوم الخميس على بوابة تكامل
...
الشي الثاني
المقابله الشخصيه
المقابله الشخصيه ما ترسب فيها الا اذا كنت واحد منتهي
وبكلام كل الناس الي اعرفهم ان هالشيء روتين
واذا سألوك شي بتخصصك ما عرفته قول لهم يا اخي لي سنتين عاطل ونسيت بعض المعلومات بسسسس
اقولها واجري على الله
اهم شي مظهرك وهيئتك وثقتك بنفسك وروحك المرحه
ادخل عليهم بابتسامه خفيفه وسلم عليهم وإجلس
بارك لهم بدخول الشهر الفضيل وانسى انهم لجنة مقابله واعتبرهم ناس عاديين
وخذ راحتك بالكلام وبردود افعالك وخلك طبيعي لان الموضوع ما فيه اي تعقيد
اهم شي اهم شي لا تجيب طاري اي افكار متطرفه او عنيفه
واذا عندك اراء سياسيه في المشاهد السياسيه الحاليه احتفظ فيها لنفسك
( وكلامي خصوصا للي تخصصهم دين وشريعه ولعامة التخصصات )
وبالنسبه للتعامل التربوي اذا ما جاك سؤال تربوي عن كيفية التعامل مع طالب سوا مشكله
عندك حلول تربويه كثيره
منها انك توجهه تربويا بمخالفته واخذ تعهد شفهي بعدم تكرارها
او تبلغ الاداره عن تصرفاته لتتخذ اللازم معه من تعهد خطي وغيره
او تستدعي ولي امره ومناقشة امر الطالب والبحث عن حل
وكل مشكله ولها طريقة حل ( الضرب ليس منها ) اللي يجيب سيرة الضرب عندهم راح اضربه انا هنا
بالنسبه اذا جاك سؤال عن تخصصك
حط في بالك ان الي يقابلوك مو معقول ملمين بكل التخصصات
اهم شي اذا سألوك شي بتخصصك لا تبلّم وتسكت
تكلم وتفلسف بأي شيء قريب للسؤال
اذا دققوا عليك وحشروك .. قول يا استاذي انا متخرج لي كذا سنه وشيء طبيعي اكون ناسي بعض المعلومات
...
بالاخير يا اخوان ترا المقابله روتييييييييييييين روتيييييييييييين
يعني شي ما له داعي بس لابد منه نظاميا
لا تخافوا والله مافي شي يخوف انت تجاوزت كل عقبات قياس وجداره و و و و
وما احد قاطع رزقك ارتاااااااح
09-07-2013, 09:08 PM
العرض العادي
