السلام عليكم ورحمة الله وبركاته


مبروووووووووووووووكـ لكل الاخوان المترشحين للمقابلة والتعيين

هذا التجمع عشان نفيد بعض بالنسبة لموقع المقابلة و السكن والخ

وياريت اهل المنطقة يفيدونا اكثر

وكل واحد من خارج المنطقة يقول من وين جاااي



انا جاي من الدمام

عليكم السلام

الف مبروك يامحمد قبل شوي نزلت موضوع بالتجمع عن جازان وصبيا

الله يكتب الي فيه الخير تبي نكمل هنا او بموضوعي كله واحد ترى .

الله يبارك فيك



الحين اهم شي نحاول ننسق مع بعض على موعد المقابلة عشان نروح مع بعض

واللي مايدل بالمنطقة ممكن ينسق معنا

انا ساكن وعايش بالدمام

بس ارجع بالاصل لمحافظة العارضة التابعة لمنطقة جازان

بفيدكم باللي اقدر عليه من ناحية الطريق والخ

جزاك الله خير

مانسنتغني عنك , لكن الحين سو نفسك ميت لين يجون المتعينين في صبيا

ماعليكم

صبيا وجيزان متطورة جدا وكذالك ابو عريش والدرب وبيش وصامطة وأحد المسارحة

ويتوفر فيها كل شي


ربما يكون هناك بعض الصعوبة لو جاء تعيينكم جهة فيفا وبني مالك لانها جبال وطبعا هذي تابعه لادارة صبيا

سمعت ان ادارة جازن وصبيا ماتدخل الرغبات يتم التوجية مباشرة لكن ماعندي معلومة دقيقة للأسف

وبالنسبة لمنطقة جازان انا من الرياض والحمد لله انها في جازان لي زملاء هناك ومن المعروف في أهل جازان العلم والأخلاق , نحسبهم كذلك والله حسيبهم

انا معكم في جيزان تخصص رياضيات

ولا ادري عن اي شي فيها يعني لا تبخلو علينا باي معلومه والله يعطيكم العافيه

اولا الف مبروك
ثانيا لو حابين تاخذون معلومات اكثر ممكن تدخلون موقع التربية والتعليم في منطقة الي متعينين فيها وكمان تكتبوا في قوقل منتدى التربية والتعليم في ----- بيطلع خيارات كثيرة

دعواتكم