صباحكم أمل وتفاؤل أحبتي
.. ابارك لكم قدوم شهر رمضان .. تقبل الله منا ومنكم الصيام والقيام وجعلنا من عتقاءه من النار يارب ..

ابغي اقتراحاتكم وافكاركم اللي ما نستغني عنها يا الطيبين



أفكر جديا بفتح محل للآيسكريم والمثلجات + سلاش + بوب كورن + حلاوة القطن او شعر البنات .. الخ من الخفايف لفصل الصيف .. وراح اضيف مستقبلا مشروبات ساخنة لفصل الشتاء ..

سؤالي كم احتاج راس مال من الصفر لي الافتتاح ؟؟؟؟ وشلون عن معدات صنع الآيسكريم ؟؟؟ هل تتوفر هالمعدات في الشرقية ( الدمام - الخبر ) ؟؟ ممكن اسامي شركات احصل فيها ع هالمعدات ؟ او تفضلون اني استورد من الخارج واشحنها ؟؟!!

ماهي افضل المعدات ( مكاين صنع الايسكريم ( ( مكاين سلاش ) ( براد ) اللي ممكن تمشي الشغل صح ؟؟! امريكية - كورية - ولا صينية ؟؟؟؟ ولا ايش ؟؟

من وين احصل على المواد الخام ؟؟ من بودرة آيسكريم - منكهات بالفواكه - سائل السموثي او السلاش ؟؟ الخ

اي اقتراح وافكار راح تسعدني جدا ..

وهالصورة اهداء مني لكم جميعا ( حياك اختار نكهتك وعلى حسابي )



سؤال اضافي ( مثلا استوردت معدات من امريكا ) هل اقدر بسهولة اخلص البضاعة من الميناء والجمارك واستخرجها بنفسي عن طريق سجلي التجاري حق محل الايسكريم ؟! هل يحق لي ؟؟ او يلزم شركة خاصة لتخليص هالنوع من المعدات ؟!!

قبل كان المنتدى انشط من كذا والكل كان يحب يساعد ويقدم المشورة أو على الأقل يدعو بالتوفيق او يرفع من المعنويات !!!! أما اللحين اشوف الوضع تغير يا ترى وش الأسباب ؟!!

الأهل ما لهم غير التحبيط .. والأصحاب يا حسد او سخرية اما المنتدى ما كتبت فيه إلا للمؤازرة والاستفادة من الخبرات والآراء !! على العموم الله يوفق الجميع ..

الله يوفقك عزيزي
يجي من يفيدك ان شاء الله

وفقك الله ويسر أمرك

السلام عليكم ورحمة الله وبركاته
اولا الله يوفقك ويوفق كل مسلم لما يحب ويرضى
والله ندعي للجميع حتى وان لم نرد على المواضيع
ثانيا المنتدى لازال وسيبقى ان شاء الله نشيط ومحل ثقة باعضائه - وانت واحد منهم -وكذلك بادارته
هل تفضل الرد لمجرد الرد ام تفضل رد واحد يفيدك في مشروعك من الالف الى الياء
سيأتي من يفيدك بحول والله , وانت اتعب على مشروعك في البداية وابحث في الانترنت عن كل شيء يهمك من مكائن واسعار وافضل طريقة للشراء حتى تستطيع ان تكون فكرة اساسية عمن حولك ممن يمارسون نفس نشاطك
مرة اخرى اتمنى لك ولجميع المسلمين التوفيق وان يغنينا الله بفضله عمن سواه

والله فكره الآيس كريم ممتازه خصوصا في اجوائنا الحلوه

وشوف سوق باسكن روبنز و كونزون والله اخذ منها كثير وما فيه ذاك الفرق الشاسع بينها وبين الايس كريم الثاني بس فتحوا محلات و تخصصوا في هالمجال وذخلوا ذذذذهب

الزبده شوف الديكور المميز وحتى لو يكون بسيط بس فيه لمسات مميزه وقول بسم الله

والاسعار حاول في البدايه تكسب زبائن لان المنافسين اسعارهم غاليه وهذي من صالحك

وممكن تضيف معاها سلاش بس نصيحتي تميز في صنف واحد وبتلاقي خير

انا عندي فكرة وعندي راس مال بسيط

وش رايك نتعاون ؟ بس هل عندك موقع ممتاز ؟