لاحياة بدون صلاة،،ولاسعادة بدون صلاة،،ولاراحة بال بدون صلاة،،،ولا رزق مبارك بدون صلاة،،
ولانفس مطمئنة بدون صلاة،
،والله ياجماعة الخير ما اسوي نفسي مطوع ولااسوي نفسي ذاك الشخص الملتزم المحافظ،،ولكن ولله الحمد عرفت قيمة وحلاوة الحياة الا بالصلاة الا بعد ما تمسكت بها،،والله كنت تحصل لي امور قبل شهور قليلة كانت تبكيني قهرا وحسرة على قلة حظي وضياع الفرص والاشياء اللتي اتمناها من امامي بدون سبب،، والله كانت اموري متعقدة،، كنت اطيح من مشكلة بمشكلة،، ياسيارة تخرب يا وظيفة اتمناها مني تروح وكنت ادخل فيها واسطات كبيرة،،،، ورب البيت كانت تروح من يدي بسبب تافه وغير معروف،،والله ياجماعة الخير اتكلم لكم والله يشهد على مااقول،،كنت اروح اخلص معاملة تتعقد بدون سبب،،، اروح ابي شي متاح قدامي وسهل خلاص يعني مضمون يكون لي فجاة يروح من يدي ،،،كنت مرة يأس محطم متسخط،، كثير العتب والندب،،
والله كنت كارهه حياتي وكنت فاقد الامل بعيش حياة هادية جميلة مثلي مثل اي شاب بالكون ذا،،ورب البيت كنت اشبه بحطام سفينة،،، يعني عدم ،، وكأني تحت الارض وانا فوقها،،جسد بلا روح،،
ملل طفش زهق قلق خوف رهبة سقم سخط هوجاس وسوسة
الالام جسدية لااعرف سببها ضيقة قاتلة،، وغيرها الكثير،،نحاسة حظ تلازمني بكل شي لدرحة لو امامي صندوق كنز راح يتحول الى تراب لو لمسته،،، رغم اني ماكنت مسرف ورب البيت،، مو براعي دخان ولا شيشة ولامعسل ومخدرات
مو براعي مغازل واذية وتحرش ووووو،،حالي حال نفسي ورب البيت كل اللي كنت فيه اني طايح في الاغاني ومهمل بالصلاة الصلاة،،ورغم ذا ماشفع لي التزامي عن تلك الامور،، لان الصلاة اساس كل شي،، والحمدلله من تمسكي بالصلاة بس كم يوم ورب البيت احس صخور تفجرت امامي،،، احس اني صحراء قاحلة فجاة هطلت عليها امطار غزيرة،،كل شي تغير،، نفسيتي
تعاملي،،،اوضاعي،، اموري،، مشكلاتي،، اختفت واحدة تلو الاخرى،، بدون سبب ورب البيت بدون سبب،،
تقدمت سابقا لوظايف اقل وعادية وبواسطات قوية وماكتب لي فيها نصيب،، وقبل فترة تقدمت لوظيفة فاقد الامل فيها ورب البيت واقول بنفسي ماظنتي يقبلوني يبون جامعيين ولغة انقلش قوية وووووو،،، والله رحت وتقدمت وقبل المقابلة كان على لساني اللهم صل وسلم على نبينا محمد ارددها لين جا دوري بالمقابلة،، ورب البيت ياناس دخلت المكتب ولقيت ثلاث اشخاص يسالوني،، من ضمنهم احد مديرين الاقسام ،، سالني سوالين الاول
عرفني بنفسك الثاني فين اشتغلت قبل كذا،، والله ما خلصت كلامي الا وقالي انا حبيبتك ومتفائل فيك،،اخذ نسخة من ملفي ابو اربع ورقات شهادة ثانوي وخبرتين عمليتين وسيرة وسلوك،،بس،،ومبتسم بوجهي كانه يعرفني من سنين ،،،، وقالي اوكي نتصل عليك بعدين،، والله قلت بنفسي قدر الله وماشاء فعل،، حسيت انه يصرفني كالعادة الكلمة المعتادة: نتصل فيك،،، لفيت ظهري وقلت قدر الله وماشاء فعل انا لله وان اليه لراجعون،، الحمدلله على كل حال ،،، ومشيت خطوة خطوتين ثلاث خطوات الرابعة وصلت للمصعد ضغطت الزر انتظر المصعد الا اسمع صوت احمد الحربي احمد الحربي،، كنت سرحان وقتها ومضايق،،لفيت وجههي الا القى شخص من الثلاثة يقولي: عندك شي الان؟ قلت : هاه!!! اذا ماعندك مشكلة فيه دورة في نفس مجال خدمة العملاء مدتها اسبوع ويوم اذا حاب ترى فيه دورة راح تبدا بعد ربع ساعة ،، والله مدري ايش اقول او اصلا مافهمت،،،المهم قلت طيب،، اخذني معاه دخلني المكتب جلست لقيت كم واحد سلمت،، وافكر ايش فيه،،، بدت لحظة التعارف والشرح وووو، انتهت الدورة تقريبا على اذان العصر،، وانا عندهم من تسعه الصبح،، اعطوني اوراق واعطوني نماذج،،وقالي الفني : بكرة نروح احد الفروع نتعرف على نظام العمل وكيف العمل،،،المهم هزيت راسي اوكي،،ابشر،، وانا للحين مو فاهم شي،، احترت ورب البيت وش اللي صار،، ؟؟؟؟ رحت لحد الاشخاص الموظفين بالادارة ،، لوسمحت انا ايش وضعي،، نظر فيني نظرة غريبة وعجيبة،،، قالي كيف؟؟ قلت وضعي هنا كيف،، دورة بكرة تطبيق وانا اليوم مقدم وش القصة؟ قال انت توظفت عندنا وقاعد تاخذ دورة عشان تباشر عملك على نهاية الاسبوع القادم،،!!! سكت كذا صمت رهيب،، اليوم قدمت اليوم انقبلت اليوم اتدربت اليوم اتوظفت،، حلم علم،،حقيقة خيال!!! المهم اخذت مدة كذا احس نفسي بغيبوبة بالبيت ،، ابشر امي افرحها؟؟ اخاف يكون مقلب،، حلم مثلا؟؟!! يسكتوني بس،، ومافي توظيف،، والله اسبوع ويوم وانا على نار ،،،لين قسمونا على الفروع وجلست على مكتبي واستقبلت اول عميل وقتها حسيت ان الامر جد،، وصار،، واخلص دوام واطير على البيت ،، وبشر امي ترى توظفت،، امي استغربت ،، امس بدوام واليوم بدوام؟؟! سبحان من له الدوام بيده الرزق يرزق من يشاء بغير حساب،، والله الكثير والكثير من المواقف اللي قبل صلاتي وبعد صلاتي،،
اللهم لك الحمد والشكر حتى ترضى ولك الحمد والشكر اذا رضيت ولك الحمد اولشكر بعد الرضى