11-07-2013, 05:52 PM
|
 |
عضو ماسي
|
|
تاريخ التسجيل: Dec 2010
المشاركات: 1,580
معدل تقييم المستوى: 822793
|
|
انا من اهل الشرقيه واتمنى افيدكم بعض الشي باللي قد تحتاجونه واعلم فيه
-الدمام -الخبر ( مخلوطين وكل شي متوفر واللي تبيه بتلقاه )
القطيف ( 10 دقايق وانت بنص الدمام واقرب لشرق الدمام من غربها سيده مع خط الكورنيش ( شارع الخليج ) وانت واصل كوريش الدمام ) اهلها مذهبهم شيعي
بس يتبع لها تعليميا منطقه بني خالد ( عنك ) يعني يمكن يجيك فيها مو بالقطيف
سيهات ( برضو واقرب من القطيف البيت هذا بالدمام واللي مقابله بسيهات يعني الدمام تعتبر ) اهاها مذهبهم شيعي
دارين ( بعد القطيف مباشره وتقريبا 15 دقيقه بالسياره للدمام ) اغلبيتهم سنه
رأس تنوره ( 20 دقيقه هي بجنب صفوى وصفوى اقرب بخمس دقايق منها لكن افضل منها من ناحية الخدمات المطاعم السكن السوبرماركتات والبحر والكورنيشات والتنظيم ) ( ماسكتها ارامكو هالمنطقه تقريبا) تقريبا بنص خط الدمام الجبيل اهلها مختلطين من جميع القبايل
صفوى ( 20 دقيقه بالسياره مع خط الدمام الجبيل السريع الا انتب الدمام وهي قريبه من رأس تنوره ) تقريبا بنص خط الدمام الجبيل اهلها غالبيتهم من المذهب الشيعي
الجبيل ( فيها جميع الخدمات من والى وتقدر تسكن فيها ومن الجبيل الى الدمام 80 كيلو ) وفيها الجبيل الصناعيه منطقه راقيه والجبيل البلد كويس لللسكن وكل الخدمات فيها
بقيق ( على خط الخبر هافمون ( شاطيء نصف القمر ) بينها وبين الخبر تقريبا حوالي 20 او 25 دقيقه بالسياره وتقريبا كويسه فيها اغلبية الخدمات بس مو مثل اللي قبلها وتقدر تسكن الظهران او الخبر وتروح وتجي مثل كل اهل الخبر والدمام يداومون يوميا في بقيق
عين دار ( قريه يسكنونها بني هاجر اغلبيتهم وهي تقع بالقرب من بقيق بس بعكسها هذي يمين الخط وذيك يسار الخط ومافيها اي شي بتسكن في بقيق او بالظهران وتروح وتجي
النعيريه ( ولبى النعيريه وربيعها *_^) طبعا النعيريه مبتدأ بالخدمات يعني مابتقلى مثلا مطاعم سريعه ولا سوبرماكتات مثل بنده وغيره حدها الارنب الجائع فقط وميزتها انها قريب من الجبيل تقدر تسكن بالجبيل وتروح وتجي ابو ساعه طريق بينها وبين الجبيل
الخفجي الخفجي اكثر تطور من النعيريه وتبعد عن الجبيل تقريبا ساعتين وهي منفذ الكويت وفيها سكن وكل ابو شي بس ماراح تلقى مثل الدمام والخبر والجبيل فيها
-قرية العليا ( قبل الحفر بحوالي الساعه يعني بينها وبين النعيريه ابو ساعتين وقريه مبتدأه جدا جدا )
الصرار ( برضو نفس الحكي وقريه مبتدأه جدا جدا )
الرفيعه
-دعبلوتن ( هذي حدود عمان مع السعوديه واهلها اصلا لهم لهجه خاصه غير مفهومه وهذي اسكن بعمان اصرف لك )
وبس وسلامتكم
اللي بيسكن اما بالدمام بالجلويه او 71
او الخبر الثقبه او الخبر القديمه جهة سوق السويكت وكورنيش الخبر
او الجبيل في الجبيل البلد
او رأس تنوره
هذا كل اللي عندي
ويارب توفقكم
واتمنى لكم اقامه ممتعه في ربوع ديرتي
التعديل الأخير تم بواسطة ام بروكي ; 11-07-2013 الساعة 05:56 PM
|
العرض العادي
