17-07-2013, 11:29 AM
|
|
Guest
|
|
تاريخ التسجيل: Jun 2010
المشاركات: 194
معدل تقييم المستوى: 0
|
|
اقتباس:
المشاركة الأصلية كتبت بواسطة إضطرابات نطق
قلنا اللي صار معك في المقابله بالشرح الممل لا هنت  . |
ابشررر ...
مشيت من القصيم الساعه 7 مساءا وصلت للدمام الساعه 3 الفجرر استأجرت اول الدمام
وبعدها رحت للمدرسة علشان اشوف الوصف ومااتأخر اذا جاء الموعد عرفنا الوصف
ورجعت للشقة وارتحت الى الموعد المرتقب 😅
والقلب يلعب سامري من الربكة هههههههه وصلت للمدرسة الساعه تقريبا 4.40 دخلنا للمدرسة
استقبلنا رجل اول المدرسة وسأل اوراقكم جاهزة قلنا نعم قال طيب شوفوا اسماءكم على يمينك وبأي لجنة انتم
طبعا كنت باللجنة الاولى قال خلاص الحين اقرأ التعليمات على يدك اليسار حسيت نفسي بدرس قراءه😅
المهم رحنا للجنة الاولى وجلسنا ننتضر الاسماء جاء اسمي ورحت طلب مني البطاقة الاصل والوثيقة والسجل الاكاديمي علشان يطابقها مع الصوور بعدها اخذ الصور وقال توكل على الله ورح للانتضار بالقاعه الثانية رحت للقاعه الثانية
وجلسنا كانوا ينادون على 5 اشخاص من جميع التخصصات ونادوا علي ورحنا وجلسنا بصالة عطونا ورقة فيها
بيانات نعبيها ( الاسم - الرقم المدني - الخبرات العملية اذا عندك بأهليه خبرة - وين طبقت بأي مدرسة - تربوي او غير تربوي - بعدها وقع وسلمها ) وانتضر ينادون اسمك للمقابلة هنا يجي اللعب بالاعصاب عادي تنسى اسمك قبل لاتدخل هههه امزح 😅
نادوا ودخلنا طبعا جميع اللجان تتكون من ثلاث اشخاص يقابلونك ويسألونك
دخلت وسلمت جلست اول شي واحد منهم قعد يسولف معي منين جاي ومتى وصلت
وثم قال يلا تحدث عن نفسك تحدثت وخلصت قال يابو فلان اسأله يقصد الي بجنبه
سألني بتخصصي اسأله سهله ثلاث اسأله تقريبا جاوبت اثنين وماعرفت واحد قال خلصت
باقي واحد قال موفق وماودنا نعطلك عن الفطور عطوني ورقه اوقع عليها مشهد حضور مقابلة
وعليها اسم رئيس اللجنه واحد المقابلين وقعت عليها وقالوا خلاص رح لشؤون الموضفيين بنفس المبنى
رحت لهم وقالوا اجلس لين تجي اوراقك جت اوراقي من نموذج توضيف وقالوا عبوها عبيناها وسلمتها لشخص المخختص وسلمني الكشف طبعا سألني قال وين تبي الكشف قلت ابيه بالقصيم قال خلاص طلب صور شخصية ودبسها على الكشف وختم الكشف لازم تجيبه لمده اقصاها شهر
وبعدها توكلنا على الله ومشينا ورجعنا للقصيم ووصلنا الحمدلله 😊
الملاحضات :
1- الاستقبال والمراجعين للاوراق والمقابلين كانوا في قمة الذوق والابتسامه ماتفارق محياهم جدا جدا استقبالهم ممتاز
2- المقابله جدا سهله ومااستغرقت معي 8 دقايق
3- الاوراق اخذوا الاصول للمطابقة ورجعوها واخذوا الصور فقط
التعديل الأخير تم بواسطة فزاع العتيبي ; 17-07-2013 الساعة 11:35 AM
|
[/align]
العرض العادي
