[gdwl]لي صاحبي من يومه عاطل المهم جاته وظيفه بشركة راح للتامينات الاجتماعيه يطلع برنت تفاجا انه شغال الى شهر 8 الى الان عدد مجموع الشهور 19 شهر
وهو ليس لديه علم بذلك
المشورة يالربع وش السواة [/gdwl]

شف يا اخي العزيز

اول شي يروح للشركة اللي اضافته بدون وجه حق ويطالبها بتعويضه عن ال19 شهر واذا ما استجابوا يرفع شكوى رسمية للتأمينات الاجتماعية ومكتب العمل منها يشيلون اسمه من التأمينات ومنها يحصل على تعويض من جراء استغلال اسمه بدون وجه حق

وبكذا يرتدع اللصوص اللي يعيثون في الارض فساد مستغلين ابناء الوطن

والله الموفق

طيب يعوضون ولا يسحبون ؟

[align=center]انا رفعت شكوى قبل على مؤسسه مسجله اسمي وتم التعامل معهم بحزم ،
رفعت شكوى انو انا موظف بدون مادري يعني سعوده وهميه
الكلام هذا الله واعلم كان يوم اربعاء ابد اخذو يومين او ثلاث بالكثير اتصلوا علي
السلام عليكم اخوي انت رافع شكوى معاك فلان بن فلان تعالي بالتامينات يوم السبت
جيته قالي وش تامر فيه اخوي نرفع شكوى عليهم وتاخذ حقك ولا تنزل اسمك بس ؟
قلت لا بنزل اسمي بس لان ماكانت تسوى شهرين يمكن ،

كان تجاوبهم مره سريع وقل لخويك يرفع شكوى يعوضونه مبلغ حلو ويغرمون الشركه
وبنفس الوقت خله ياخذ برنت من التامينات اهم شي عشان يقدم على وظيفه اخرى
[/align]

اسمع يا خوي قدمت شكوى لمكتب العمل من جهة وقدمت شكوى للتامينات الاجتماعية من جهة ثانية

1- مكتب العمل :
اذا قدمت شكوى يعطونك ورقة شكوى حضورم توديه الشركة لكي تتقابل معهم عند المحقق العمالي في مكتبه
ويقوم الهوشه انت مع صاحب الشركة انت تطالب بحقك وصاحب الشركة يدافع والمحقق العمالي يكون معك بنسبة 80 بالمئة ومع صاحب الشركة بنسبة 20 بالمئة سواء انت غلطان ولا هو غلطان اللي يشتكي اول يكون معه الحق
ومن ثم يعطيك موعد اخر على شيخ مكتب العمل وسوف يتم فيه الحلف باليمين قدام الشيخ انت تحلف انت لم توقع عقد من الشركة اطلاقا وانه استخدمو اسمي كسعودية
وصاحب الشركة يحلف اذا كان هو على حق يحلف باليمن بانك قدمت على شركته ووقعت عقد معهم ودامت شهر ومن ثم سحبت عليهم
هذا مثال يعني
المهم اذا حلفت انت ياليمن قدام الشيخ
يعرف الشيخ امر تعويضي خلال الشهور جميعها التي لم تعمل مع الشركة
وتشوف صاحب الشركة يصيح يصوت والله ما ادفع له ولا ريال والله ما ادفع طز فيكم يا مكتب العمل
وتنزل له غرامه ثانيه التلفظ بالشيخ وهي 10000 ريال وهكذا انت اخذت حقك منهم وغرمتهم بالغرامة



2- التامينات الاجتماعية :
تقدم شكوى عندهم والتامينات الاجتماعية والعياذ بالله ما يرحمون ابد لا رحمة لهم اللي يستغيل اسم سعودي بسعودة وهو لا علم له
والله لو تقدم شكوى احتمال يتم ايقاف الحاسب الالي حق الشركة يعني ولا عامل تجيب من بره
ويسحبون مدير الشركة زي الكلب من بيتهم بالدورية
ويتم امر تعويضك حالا بعد التحقيق