السلام عليكم جميعا

يااخوان تعبت وانا ادور جواب وافي, انا خريج هندسة تصالات والكترونيات وابي انضم للسلك العسكري, انا عندي فقر دم ولكن ماعمره ابدا ظهر علي اي تأثير او تعب او اي شيء ولله الحمد العب كوره وتنس وكمال اجسام شبه يومي . وش افضل قطاع عسكري لي, اصلا انا ماعرفت ان عندي فقر دم الا يوم ما سويت الفحص الطبي حق ارامكو وقبلوني ولله الحمد ولكن انا ما ابيهم!! انا افضل اني اصير بالمنقطة الشرقيه + افضل الميداني على المكتبي + الراتب مو مهم عندي, طبعا مهم ولكن فرق 2000 او ثلاث الاف ماتهمني مقابل اني ادخل قطاع احبه.
وش رايكم ياجماعه , طبعا الشروط الباقيه منطبقه علي 100% طول ووزن ومعدل .

اتركم بحفظ الرحمن

علمونا ياجماعة لاتستحون
وشهر مبارك على الجميع

طيب ياشباب انا عارف الاجابه مسبقا ولكن حبيت اسأل اذا فيه قطاع متساهل بهالامور

طيب وش وضع الواسطه ياعيال انا عندي ناس يقربون لي ورتبات عاليه لكن مالهم علاقه بالمستشفيات اللي يصير فيها الفحص. هل لازم اكون اعرف احد بالمستشفى اللي اسوي فيه الفحص? لو قلت اني عندي عميد بنفس القطاع اللي بقدم فيه وامون عليه وبرضو عندي لواء متقاعد قديم, يقدرون يسوون لي شي. انا والله ياشباب هدفي اني اصير ضابط وبدون واسطه وخربطه ولكن مالنا عن المكتوب.

اذا فيك شي مرض مثل فقر الدم وغيره لاتروح
هم ماحطوا الفحص عبث ، سمعت كثير فيه ناس قد دخلوا العسكرية وماتوا والسبب انه دخل وهو مب سليم
يعني دخل بواسطة وعدا الفحص ، لكن يوم دخل جسمه ماتحمل كل ذا الكرف ومات انتبه اخوي

هم ماحطوا الشروط عبث
فيه شروط صح نستخدم فيها واسطة زي الطول النظر المعدل
اما الفحص لا

وانت ماشاء الله مهندس منت منحد على العسكرية اصلاً المهندس احسن من الضابط
والله يحفظك من كل شر ويوفقك للي فيه الخير لك

الله يعطيك العافيه عزيزي على الرد ... واسأل الله ان يوفقك والجميع لما يحب ويرضى... واحب انتهز هالفرصه بالمباركه لك ولجيع الزوار بهالشهر الفضيل وان يمدنا بالطاعه والمحبه

كلامك حقيقه ولا غبار عليه ... فقر الدم اللي عندي بسبب نقص الحديد لا اكثر ... وامور اللياقه والجهد مخلوص منه ان شاء الله, انا العب حديد من سنين وحاليا العب salmon ladder واللي اعرفه ان هالتدريب اصعب تدريب للجسم جسمانيا وعقليا ... بحيث انه يسبب رعب غير معقول بالبدايه والحمد لله وصلت لحاله اني اطبق التمرين صعودا ونزولا! ! وانا اجزم لك جب لي اطلق ضابط بالقوات الخاصه<< اللي مفترض ان تدريبهم اصعب تدريب , وانا اتحداه باللياقه والقوه الجسمانيه والعقليه << مو هياط ولا شي لا والله بس تعبت وانا احاول وابحث باني اثبت هالشي<< للقطاعات العسكريه

اللي ابي اوصل له انه لياقه وجهد مخلوص منه ولله الحمد!!

انا ما ابي احد يتفضل علي بواسطه او غيره لذلك حطيت تساؤلي ....اللي فهمته منك اني اغسل يدي باني القى قطاع عسكري يدخلني بدون واسطه!

واما بخصوص موضوع مهندس او ضابط هذا موضوع اخر وليس نقاشنا!!