السلام عليكم اعظاء وعظوات منتدانا الغالي ومبارك عليكم الشهر الفظيل اعاده الله علينا وعليكم ،،

بقولكم وش صار معي اليوم رحت مقابله شخصيه عن طريق شركة مشغله وطبعا مرا مدحو لي الوظيفة لدرجة خلتني اقول وش هالفرصه النادره ارامكو ولا سابك على غفله ،، ومن زود فرحتي سحبت قريبتي معي ولا نمنا حتى من الليل وحنا نجهز ونقرا عن الشركة وطبعا لمن رحت الشركة المشغله واخذو شهاداتي وعطوني خطاب توجيه وبسرعة البرق توجهنا على الشركة الي حطينا املنا فيها بعد الله طبعا وبعد انتظار دام قرابة الساعه الا وتجينا مديرة الموارد البشريه وطبعا تحكيلنا عن الشركة و و و ،، وتحكي ان راتبنا ممتاز طبعا جاني الفضول اسال كم الا واتفاجئ باجابتها تقول 3 الاف و 30 بالميه بيروح للشركة المشغله طيب معليه الراتب قليل نمشيها نبي خبرررررررررره ياناس والوظيفه مسماها مساعده لمديرة للموارد البشريه خصوصا وهالمجال كثير احبه وعندي خبره فيه وابي ادعم خبرتي امثر واستفيد قلت طيب ماشي قالت حبيبتي انتي مساعده لي و ( معقبه ) !! قلت ليه ماعندكم معقب بالشركه ؟! قالت الا عندنا بس تعرفين البنات بسرعه يمشون معاملاتهم انا وجهي وقتها صار كذا وكله كوم وتقول انها تستلم 3 الاف ولها 12 سنه خبره بالبنوك وهي بكالوريس ادارة اعمال وسعوديه وش صار بالناس ياجماعه احد يخبرني ؟!

هلا وغلا وعليكم السلام
ومبارك عليج الشهر يا
تدرين اذا بنكتب القصص للي تصير ويانا بيصير مسلسل تركي واجزاء بعد هههههههههههه
وانا بعد يا الغاليه مو فاهمه شنو صار < مافيش حد بقى فاهم اي حاقه بالزمن ده ههههه
اما معقبه عجيـــــــب !! ههههههههههههه
الله يكتب لي ولج ولكل العاطلين الوظايف اللي يستاهلونها
مع ان انا قربت اوصل لمرحلة ان خلاص مابي شي عرفتي < طابت نفسها

ههههه الله يسعدك فشي خلقك معي الموضوع اوبن ،،، بالمنسابه وش تخصصك ادورلك معي

تحبين التدريس ولا مثلي هاجه منه ؟

عبري بالاهلي الين الله يفرجها اذا انك تحبين مجال التدريس وخذي بنفس الوقت دبلوم تربوي

اميــــــــــــــن الله يفرجها علينا

الله يرزقكم ويحقق امانيكم
تخصصكم حلو ومطلوب ان شاء الله تلقون لاتيأسون

ابحثوا في المعاهد والمدارس الاهلية كخبرة
وبيعوضكم ربي بالحكومية بإذن الله

الله يعوضكن بوظيفة تريح بالكن فعلاً هذا اللي حاصل يخلون النساء بالشغله هاذي عشان الشغل يمشي انا قبل كم سنه خبرتني احدى الصديقات عن وظيفة نسائيه اخذت والدي الله يشافيه معايه وقابلت مديرالتوظيف وتجاوزت المقابله لكن تفاجئت ان الوظيفه اختلاط واللي فاجئني اكثر نصيحة مديرالتوظيف قالي يابنتي انتي ماراح تتحملين الوظيفه والمضايقات وحكى لي عن شغالات انا والوالد والله ماتوقعت تصير سبحان الله ربي سخره وكان صادق ولليوم ادعي له لمااسمع عن المصايب اللي تصير هناك اوقات لماكنت اسمع اقول مبالغة لكن لما سمعتها منه صدقت لان هو ادري بهذا الشي فقلت له طيب ليش تعرضون الوظائف فقال لها شروط معينه في المتقدمة وتكون بعمر35سنه ,,