17-07-2013, 08:49 PM
|
عضو نشيط
|
|
تاريخ التسجيل: Jul 2013
المشاركات: 117
معدل تقييم المستوى: 24
|
|
اقتباس:
المشاركة الأصلية كتبت بواسطة عضو جديد جداّ
السلام عليكم.. المعذرة يا شباب على التأخير , موعدي 10 ولا رجعت من عندهم إلا الساعة 3 والمغرب تعرفون وقت فطور وهذا الوقت اللي قدرت أكتب لكم فيه
ايه هذا المقصود .. يختمونه لك وتاخذه لديرك بس لازم يكتبون لك اسم المستشفى اللي تختاره ويختمون على الاستمارة
أول ما تدخل عندهم تسلمهم بطاقة الأحوال والموظف يطبع لك مسوغات التعيين والكشف الطبي واذا معك الأوراق هذي مطبوعة طلعها لهم أسرع للوقت .. المطلوب منك تعبي المسوغات كلها 3 أوراق لغير الموظفين اذا ما كنت موظف والمتوظف حاليا يعبي أول ورقتين حقت الموظفين ويعطيك تعهد بتسليم الكشف الطبي خلال 15 يوم بعده تدخل للمطابقة وياخذ منك الموظف بالمكتب الداخلي لشؤون المعلمين الأصول لبطاقة الأحوال والوثيقة والسجل الأكاديمي ويطلب منك نسخة لكل وحدة منها وياخذ منك صورتين شخصية للكشف الطبي ولإستمارة طلب التوظيف بعده تروح للمقابلة سهلة جدا أهم شي ما ترتبك فيها ويكون صوتك واضح وجلستك محترمة ومخارج الحروف تكون سليمة عندك اذا قريت لهم مع مراعاة حركات الحروف وبس بعدها توقع على مشهد الحضور وتوقع على الكشف اللي برا يكون فيه اساميكم وتاخذ ورقة الكشف وعلى ديرتكم بحفظ الله
المطلوب منك صورتين لبطاقة الأحوال صورة للوثيقة وصورة للسجل (ويفضل انه يكون عليهم ختم طبق الأصل) عدد 3 صور شخصية.. وان شاء الله اني اكون افدتكم ولا نسيت شي
اعذرون على ضعف التنسيق حاولت اسرد اللي صار بدون ما انسى شي 
الله يوفقنا وياكم |
مبرووووووك التعيين يالغالي ومبروك الوظيفة
يوم تكتب كلامك هذا وانا بالرياض ولاحولي نت 
مشيت من ديرتي بعد صلاة التراويح رحت للرياض قضيت كم شغلة انا وواحد من اخوياي وخلصنا حول 2 بالليل تسحرنا وبعدها مسكنا خط للحوطة
وصلنا الفجر واخذنا شقة
خويي ماشاءالله ولأن ماعندهم هم شايله مثلي فنام ع طول ماشاءالله
انا وبالرغم اني صاحي بدري وسهران وسفر وتعب الا اني من الوسوسة اتقلب ماجاني نوم 
ابي انام ياولد ماحولك شي
يالحبيب ياللبيب ياهوه ابي انام ع الاقل لو 3 ساعات قبل الموعد لاتوهقنا معك يالنوم وتغلى
ههههههههههههههههههههههههههه
انواع اللحسة والوسوسة
نمت 7 الا ربع يمكن وصحيت 10
وبعدها تجهزت ورحت بدري قبل موعدي عشان استكشف الوضع وكذا والحمدلله اني رحت
لأنهم طولوا صراحة وكثير الشباب الموجودين
صارلي مثل ماتفضلت بالضبط
والمقابلة مافيها اي سؤال عن تخصصك اللهم اشياء عامة
الله يوفقنا جميعاً في مجالنا الوظيفي ويسهل أمرنا
خلنا نشوفك هناك عاد لاتخلينا 
التعديل الأخير تم بواسطة السديراوي ; 17-07-2013 الساعة 08:51 PM
|
العرض العادي
