السلام عليكم ورحمة الله وبركاتة

مبروك على الجميع حلول شهر رمضان المبارك .
واعاننا الله واياكم على صيامه وقيامه


يا اخوان

بخصوص القرض...انا عندي حساب ببنك الجزيرة ...

وناوي اخذ قرض بملبغ (100000) مائة الف ريال..

من اجل شراء سيارة العمر ^__^

طبعا حسبتها على اساس اني رح اقسطها لمدة 5 سنوات

الي ابي اعرفه الان ...هل يسمح النظام لي باني اقترض مبلغ اخر (اثناء الخمس سنوات الي قاعد اسدد فيها قرضي)
ويكون اعلى من المبلغ السابق (180000) مائة وثمانين الف ..للزواج مثلا اذا نويت ان شاء الله

ولا مافيه قرض ثاني الين ما انتهي من الاول ؟؟ والله يكون بعونا وعونكم

الشي الاخير...في فرق ياشباب بين القرض والتمويل ولا كلها نفس الشي؟

يا اخي اشررررررررررررررررررررررررررد من القرض بكل قوتك ... خذها نصيحة مني وحاول تسلك امورك حبه حبه

انا اخذت قرض علشان زواج وسيارة على طول من غير ما اخطط صح والحين اكلت خابور وتبهذلت اوراقي .

واذا انت مصمم على القرض فلا تاخذ قرض الحين وبعدين ترجع تاخذ واحد ثاني لانه راح يدبل البنك عليك النسبة لما ترجع تطلب قرض مرة ثانية ويسمى تكميلي ..

لا تنسى تفكر 99 مرة قبل تاخذ قرض ..

ياخوي الفائدة بياخذونها بياخذنها غصب..وصراحة والله مااااااااودي اخذ قرض..لكن شلون اشتري لي سيارة وشلون اكون نفسي؟ اقعد اجمع راتبي 10 سنوات قدام ؟ صعبة ياخوي..القرض رح يختصر لي كثير اشوف

مدري وش اقولك .. المهم لا تروح للقرض الااذا انزنقت مره

واذا قررت خليه قرض واحد يغطي لك زواج وسيارة وبيت كل الي تبغاه مرة وحدة بحيث انك ما تضطر ترجع تاخذ قرض مرة ثانية علشان البنوك تدبل النسبة في حالة طلبت منهم قرض ثاني .

انت كم عمرك ؟ اذا لسه صغير حاول تجمع سنتين اكيد بتلم الي فيه بركة اقل شي حق السيارة

25 سنة ..ولسى ماكونت نفسي الى الحين ..ابدا اجمع ؟؟ صعبة..الواحد يبي يختصر على نفسه

هو انا ماخذ القرض ماخذ ...للحاجة مو لأي شي ثاني والله ..

صعبة والله اني اكون نفسي من الراتب فقط..مايكفي صعبة..لكن الي انا فهمته من كلامك ان البنك رح يعطيني قرض اخر (الي انت اسميته قرض تكميلي..ياريت تكلمني عنه وعن ابرز سلبياته وايجابياته ..

لاني سمعت ان قرضة رح يبدا ينحسب علي بعد ما انتهي من تسديد الي علي الان ..واذا بالهشكل صراحة ممتاز جداً

السلام عليكم

اخوي اذا اخذت قرض الحين اغلب البنوك نسبتهم في حدود 1.8% وبعد تقريبا ماتسدد 9 أقساط تقدر تاخذ قرض اضافي بس حط في بالك ان النسبه راح تكون قريبه من 5% لكامل المبلغ ولا راح يطلع لك في القرض الإضافي مبلغ كبير يعني اذا وصل 50 ألف فيعتبر شي زين, لكن مثل ماقالوا الاخوان الي فوق الحين عمرك 25 حاول تمسك على نفسك 5 سنوات والقرض الي بتاخذه بتقدر تطلعه وزياده في هالخمس سنوات وانت مرتاح وبدون قروض وبدون فوائد .

الله يفتح عليكم ويرزقكم