سلام عليكم اخباركم عساكم بخير

حبيت استفسر اللي اتخرجو من كليه التقنيه ض1

الاغلب قال لي ادخل تخصص المحاسبه

صراحه شايل هم الانجليزي + رياضيات

والمواد حقتها

ياليت اللي طلع منها يعطينا رأيه

وكيف نظام أول ما يقبلوني احدد تخصص ولا هم يخترون لي ؟

وياليت تقولون لي وش المواد + كيف سهله ولا صعبه

لاني دجه ف الدراسه

ولها مستقبل ف الوظائف ؟

انا متخرج من التقنية تخصص ميكانيكا محركات ومركبات من الاحساء طبعا اول فصل في مواد عامة يعني مشتركة مع باقي الاقسام التخصصية المقصود انك مراح تبدا تدرس تخصصك حاسب الي في فصل الثالث تقريبا طبعا حاسب وادارة مكتبية سهلةمطلوبه في ارامكو طبعا بدون عندك لغة انجليزية مالها فايده لان اختبار ارامكو انجليزي والمعدل مهم يعتمد علي الفصل الاول لازم ماينزل عن 4.50من 5 وعلي حسب المدرس الي يجيك يسهلها او يصعبها طبعا في المواد المشتركه عندك رياضيات عامه الي هي كثيرات الحدود والجمع والطرح فيها معادلة سهل بس يبقالها تركيز اما رياضيات تخصصية صعبه شوي لان فيها معادلات صعبه لازم تحفظ القوانين من اول مايعطيك والمثلثات والمربع والمستطيل والمعين وغيرها تحفظ قوانينها االرياضيات التخصصية كلها حفظ قوانين وطبق عليها اما الانجليزية العامة سهل يعطيك كلامات وارقام وتواريخ وايام وتكتب قطعه احلا حصه عندي انجليزي حنا الميكانيكا في انجليزي تخصصيه1 وانجليزي تخصصية 2 اذا مثلا جبت في نهاية الفصل مثلا رياضيات 59 من 100 ولا زادك درجةوحده تحمل المادةيعني تدرسها من جديد لازم من 60 وفوق اذا تبي تعرف موادك ادخل موقع الكلية وادخل تخصصك وتحصل او موقع المؤسسة وعذرا علي الاطالة وشكرا دعواتك ان الله يوفقني ويسهل امري

وانت ماعليك من الي يقولك هاذي صعبه ولا سهله شي اكيد الي مايذاكر بيصير عليه صعب نسية اقولك المواد العامة الباقيه الي اذكره لغه عربية سهل بس يبغالها تركيز كله حق متوسط وثقافه اسلامه 1 وثقافه اسلامية 2 سهل مرررررررررررره ركز مع المدرس ولا يحتاج تذاكره بس وقت الاختبار اقراء فيزياء عامه تقريبا مايدرسونك انت حاسب اذا حطوها لك متوسطة الصعوبه معادلات وانشالله مايحطونها لك امممم هاذي الي اذاكره في ناس مغامرين ياخذون 7 و8 مواد ويجبون معدلات قوية ويتخرجون بسرعه بس انت لاتضغط علي نفسك لاتخذ مواد واجد 5 -4 كذا علشان تلحق تذاكر وتحافظ علي المعدل بتوفيق

أنا متخرج كلية تقنية تخصص محاسبة بتقدير ممتاز وللله الحمد مع العلم اني ماني كويس في الدراسة ولا شيء بس الحمدلله تمشي معك .. وصدقني هالتخصص مطلوب أكثر شيء عند الشركات من بين التخصصات الإدارية الثانيه وخاصة ً لانويت تكمّل بكالوريوس إن شآء الله فيه نظام تجسير في كذا جامعة يعادلون لك ساعات التقنيه وتكمل بكالوريوس مجانا ً مثل جامعةا لمجمع وتبوك والباحة وغيرها ..

وبالنسبة للإنجليزي والرياضيات مواد عامة كل الأقسام يدرسونها المحاسبة والإدارة مكتبية والتسويق

وبالنسبة للمواد الثانيه مو ذيك الصعوبه والله سهله بس يبغى لها تركيز يعني ماتستاهل تشيل همها .. والمدرسين أغلبهم عسسل نادرا ً يجيك واحد يدمركم بالدرجات ..

نصيحتي لك توكل على الله وادخل محاسبة وراح تدعي لي بعدين ..

وآآسف ع الإطالة ^_^

يعطيكم العافيه ^_^

طيب اول وسنتين وش ادرس قبل ما أتخصص ؟

شايل هم اكثر شيء الانجليزي والرياضيات

انا من سكان جده

وانا ودي اتوظف على طول ><

اقصد ثقافه اسلامية سهل وقت الاختبار اقراءه مايحتاج تذاكره اما الفيزياء مادة علمية وانت حاسب احتمال مايحطونها لك لامايوظفونك عليهم بس يرسلوك رسايل تقريبا مدة شهرين عن الوظايف وبعض الاحيان تدق عليك شركة خاصه خذو رقمك من الكلية بس