صح دوامك قريب من بيتك واللحين الامور طيبه ، بس فكر بكرة وراك زواج وبيت وعيال وسيارة .
انصصصحك روح عسكرية راتبها حلو والكرف مو انت لحالك تبي تكرف نص الشعب عسكر ومكروفين والقرار لك وربي يوفقك

المدنية اجازات رسميه الاعياد واضف الى ذالك اجازة شهر باي وقت تخذها وطبعا انت بالمدنية طليق وين ماتبي تروح تروح امين تروح الى المريخ مايردونك

بالنسبة لراتب ترى مع مرور الوقت يتم تثبيتك وتحسب خدماتك ويحطونك بالمرتبه اللى تستحقها ويمكن يحطونك بالمرتبه السابعه او الثامنة ويكون راتبك حلوا وتتحسن العلاوة
وترى موب انت راتبك 4000 فيه ناس رواتبهم 3500 ويكد على عائلة واموره ماشيه على افضل مايكون
اهم شيء البركه بالراتب مايهم قليل او كثير

طبعا اخوي قبل نفس وضعك على بند الاجور وراتبه 3500 وشهادته تقنيه وجلس بها تقريبا اربع سنوات وثلاث شهور
والان على المرتبة السادسه الدرجه الثالثه ومرتاح على الاخر

اما العسكرية صحيح ان رواتبها فله وكثيره لكن انت مقيد
اجازه مافيه الا بشق الانفس حتى اجازة الاعياد دوام مافيه اجازه وحتى سفر خارج المملكه انسى
وتعينك مستحيل يكون جنب بيتك يبيلك سنوات وواسطه علشان تنقل عند اهلك
رح شف قسم المداقشات العسكرية بعضهم يدفع 100 الف علشان يجي عند اهله وماحصل من يداقشه
اضف الى ذالك المرابطات اذا حصل شيء لاسمح الله انسى انك تطلع يمين او يسار
وطبعا مكافحة المخدرات خطره مررره مررره لانه كل يوم مداهمه يعنى نفسك ما تأمن عليها
لو انها الامن العام ماقلنا شيء لكن المكافحه خطره بالحيل

وبالاول والاخير انت حر لكن فكر فكر فكر ذا مستقبلك

4 الاف ماتسوي شي انا وراك زواج واقساط سياره واجار بيت .. تدري بحسبها لك حسبه رقميه ..

وظيفتك الحاليه
( 4000 + العلاوه 200 مدة خمس سنوات 1000 ريال يكون اجمالي الراتب بعد خمس سنوات 5 الاف وعليها )

العسكريه
نقول يعطونك وكيل رقيب ممكن رقيب بس بنحسبها وكيل رقيب

( الاساسي 4455 + بدلات لاتقل عن 4000 ريال = 8455 اول مربوط .. العلاوه السنويه 210 بعد خمس سنوات راتبك يكون 9505

وانت اختر الي تبي ..

ملاحظه : الارقام العسكريه تقريبه وليست دقيقه حدا ، لا احد يجيني مدرعم ويقول انت تحطم خله بالمدنيه ممكن يترسم باكر وممكن بعد سنه وممكن 10 سنين مايترسم .. هو يختار الي يبي يبي يظمن مستقبله او يبي يحط مستقبله على كف عفريت ..

http://www.moi.gov.sa/wps/portal/spe...69592318784954

هذا رابط تسجيل قوات الامن الخاصه يعطونك رقيب و راتبها عالي جدا .. والله يوفقك يارب

مشكورين اخوان يجزاكم ربي كل خير وعسى مثواكم الجنه ان شاء اللهاستخرت بالله وبطلت العسكرية صحيح انها حلوه ورواتبها حلوة لكن اتخذت قراري اني خلاص بسحب ع المكافحة وهذي خيرة من ربي ان شاء الله وعسى ربي يكتب لي رزق افضل منها
ومثل ماتفضلو بعض الاخوان واعطوني مشورتهم بعقلانيه وبحكم بعض التجارب وماقصرتو جميعاً


عسى وبي يوفقني ويوفقكم الى كل خير
ورُب ضارة نافعة مدري وش الخيرة فيه
موفقين جميعاً ، وفمان الكريم