السلام عليكم اخواناسعد الله ايامكم وع البركة الشهر عساكم من صيامه وقوامه
اخوان يقولون من سأل ماضاع ..
انا موظف بهيئة حكومية ع بند الاجور فئة ج راتبي 4 الاف وعليها وزياده سنوية 5 ٪ ماشية لين التقاعد والوظيفه جنب بيتنا مسافتها 10 دقايق كحد اقصى
لكني خريج جامعة تخصص محاسبه وماجاني للان التعديل للوظيفة المستحقه قدمت ع الخدمه المدنيه ولكن معدلي مقبول يبيلي انتظر
قدمت ع مكافحة المخدرات انقبلت مبدأي لكني متردد واحوسها براسي مع ان طولي 180 ووزني 90 ومعي كم دوره وكم خبرة ادارية
ابي شوركم ياخوان اخلص اموري بالمكافحة واطلع من الوظيفة المدنيه ولا !؟؟
واستفسار اخر .. لو رحت الاحوال المدنيه للبرنت ( انا مسجل عندهم موظف حكومي ) هو عادي او فيه مشكلة لازم استقاله وورقه واخلاء طرف ؟
ارجو مساعدتكم ياهل الخبرة

23 مشاهدة ولا اجابه



للرفع

الوظيفه المدنيه راحه نفسيه رائي اذا وضعك كويس كمل بالمدنيه بالتوفيق،،،،

راتبك تربع وبوظيفه مدنية ومسافة الدوام من بيتك عشردقايق ،

ي شيخ وش تبي بالعسكريه ومرمطتها

والله ياخوان مدري وش اقوللكن ( وش حادك ع المر غير الأمر منه
ماخد وده يضيع تعب سنينه هبائا منثورا ويكون مصيره بيد شخص يلعب به مثل العسكرية
لكن ماحدني عليها غير راتبها ربعي كلهم تزوجو اغلبهم مدرسين الا انا لي ٤ سنين من تسجيل لتسجيل وباقي ع هالبند الوظيفه الي انا فيها
هو في امل اكون ع تخصصي اداري ؟
وفي امل انقل لمنطقتي لو تعينت برى مدينتي

يا خوي والله مو عارف ايش اقولك .,!

بس لو كنت مرتاح فيها ومبسوط والمشوار قريب من بيتكم .! ومرتاح نفسياً فيها خلك فيها .!

بس بقولك بشغلة .! شوف الراتب 4 الف تقول راتبك .!
ومع االايام أو بالمستقبل .. ببتزوج وسيارة وعيال .! تعدل 5% سنوياً !
< ويمكن يكون عليك مع الايام قرض ...... الخ < شوف لو مع المستقبل راح تضمن اشياء
تكون مرتاح فيها .!

مكافحة المخدرات بصراحة حلوه ... وانا مخلص فيها ودورتي بعد العيد إن شاء الله

شوف انت جامعي راتبك راح تصك 9000 أو 10000 تقريباً ويمكن أعلى نقول ونفرض 9000 ريال
وتعدل كل سنة فيها .... يعني راتبها ضعف وأكثر من راتبك الحالياً وتعدل فيها كل سنة .!

تبي الشور مني ... روح المكافحة وكمل أوراقك فيها لا تتركها . كمل اوراق فيها
ولو نزل اسمك نهائي بعدها صلى استخارة .. وشوف بعد الإستخارة ايش ربي خير لك
وظيفتك الحالية أو مكافحة المخدرات .. والله يوفقك يا رب

-

تبي راتب قوي و تعب ؟

مكافحة المخدرات

تبي راتب ضعيف و مرتاح ؟

خلك على وظيفتك

أنت الوحيد اللي تقدر تحكم على نفسك

،،

راحه وطفران لازواج ولا سيارة وحتى لو تزوجت بأتوهق اجار بيت وصرفيات لاو والله ما ابيها
يارجال 4000 وانا عزابي وساكن عند اهلي والله ماتكفيني

خلني انكرف على الاقل اضبط وضعي واعيش مثل البشر بعدين انت ان الله كتب لك وتوظفت
راح تكون اقل شيء وكيل رقيب او رقيب بالعكس حبيبي راتب دسم تقدر تسوي فيه اللي تبي

عموما حبيبي ترى الكرف ماهو ذاك الكرف اللي تتوقعه بالعكس عادي جدا

فلذلك لو انا منك بصراحه وانا مغمض بروح للمخدرات

يعطيكم الف عافية اخوانشوركم وهداية الله ومثل ماقال سبحانه ( عسى ان تكرهو شيئاً وهو خير لكم )
ابقدم ع خطوة وبخلص الاوراق ولامن طلع اسمي فيها قبول نهائي ابستخير بالله اما ابقى ع مدني او اروح عسكري
والخيرة فيما اختاره الله سبحانه
وان كان لي رزق وقسمة ونصيب باخذها بذا الدنيا
ع العموم مشكورين ياخوان بعض الردود ريحت بالي كثير

ي حبيبي الحياه اذا كانت كلها راحه والله م لها طعم
بعكس لما تشتغل وتحس انك تنجز وبآخر الشهر يجيك راتب ينسيك تعبك
4000 م تكفي عزابي فما بالك بشخص يبي يكوّن حياته!
10000 راح تعيّشك وتبني مستقبلك واذا ع التعب ترى اذا تعبت مره مره ممكن يكون دوامك 8 ساعات
ولا تصدّق الي يقول لك خلك في المدنيه والله العظيم لو كان في موقفك ليدخل العسكريّه .
وصدقني حلاة الراتب لما يجي بعد تعب واحنا م خلقنا للرّاحه وكل شي يجي لنا
لازم تتعب وتُثابر لتوصل للي تبيه .
كمل اجراءاتك في مكافحة المخدرات وتذكّر انك في زمَن شُحّت فيه الوظائف .
الله يوفقك يارب ويحقق لك اللي تتمناه .