الحين احد يفهمني ليش يطرحون وظائف في الخدمة المدنية وفيه ناس مااختبرت قياس ولا ترشحت له؟؟؟
ويشترطون اجتياز قياس بعد؟؟
طيب اللي ماترشحت وش مصيرها مثلا ؟ تموت وهي تنتظر او تنقهر على عمرها اللي يضيع بدون اي ذنب او وش تسوي بالضبط؟
اسلوب جدا قذر وحركة ظالمة لأبعد الحدود
حسبي الله عليهم وعلى أنظمتهم الغبية الظالمة
حسبي الله على كل من تلاعب بالآخرين وفرض سلطته الجائرة عالناس
حسبي الله عليهم بعدد كل نفس يتنفسونه وكل خطوة يمشونها وكل حركة يتحركونها حسبي الله عليهم
حسبي الله ونعم الوكيل

هدي نفسك اختي اول شي

كل عام وانتي بخير ومبارك عليك الشهر

للأسف اجتياز قياس صار شرط اساسي لدخول المفاضله

بالاول كان يطبقونه علينا احنا الشباب والحين طبقوه عليكم

...

الخدمه المدنيه كل سنه تطرح وظائف ومفاضلات

والي مختبر قياس ومجتازه راح يكون له نصيب ان شاء الله فيها

انتي شدي حيلك وان شاء الله تجتازي قياس وتقدمي على المفاضله القادمه

والصبر زين وانا اخوك ولا تيأسي وحاولي تشغلي نفسك في اي شيء لحين وقت اختبار قياس القادم

الله يوفقك ويحقق لك كل احلامك

الحين مايبون قياس مع انا عملنا الامتحان
الحين الزمونا بدخول اختبار كفايات المعلمين
ولا يمكن ادخل جداره الا بعد اجتازه
حسبهم الله الله لايسامحهم مايكفي 12 عام انتظار
اروح احرق وثيقتي احسن لي ..صلاحيتها انتهت .

والله مالومك صارت شروطهم تعجيزيه كانهم ماودهم يوظفون احد

الله يكون بالعون

الانسان عدو مايجهل اختي لاتخافين من قياس قياس ماهو الاختبار بسيط جدا بإذن ربي تجتازينه لاتفتحين إذنك للمثبطين إنتي راح تكوني مربية الأجيال وقياس حتى الأطفال يختبرو فيه كيف احنا يأخريجات بكالوريوس معنا خبره تأهلنا لمثل هذه الاختبارات إنتي توكلي على الله وأختبريه واهم شيء الاستعداد قبل الاختبار وربي بيسهلها عليك والرزق والوظيفة عند ربي مهما تأخرت راح تجي بإذن الله
وان شاءإلله تبشرينا بتوظيفك

الاداري لازم قياس؟!؟! انا للحين مو مرشحه لقياس الله يحرق دمهم على هالظلم

الوزاره كل يوم لهم قرار ....
عمرهم ماثبتو على قرار ...
وقراراتهم دايم تكون بصالح ناس ضد ناس ولا مره اصدرو قرار ينفع الكل ....
قياس ..
الغاء اثبات الاقامه ...
وتثبيت العقود ....
تثبيت البديلات ...
احتساب الاقدميه لثلاث سنوات ...
احتساب نقاط الاقدميه لعشر سنوات ....
وكل يوم قرار ينفع ناس ويضر ناس ...
ماتدرين بكرى يصدرون قرار ويكون بمصلحتك ...
توكلي على الله ....













اما قياس الهدف منه تصفيه الخريجات لان عددهم هائل بدل مايستحدثون وظائف صار يصنعون عقبات ...









نريد حل لبطالتنا وليس عقبات ....
ع الاقل عطونا مكافئه بدل بطاله نمشي فيها حياتنا ..

انا عندي دليل قاطع على ظلم مركز قياس والدليل هو : انا ودفعتي كانت اخر دفعة كلية معلمين في جامعة تبوگ بتخصص رياضيات والتعليم الله يخلف عليه هيئة التدريس معهم بكاليروس اللي معه دكتوراه مخلينه رئيس قسم... بعدين تحول اسمها {كلية التربية والاداب} وكنا اخر دفعة فيها المهم صرنا احنا الدفعة حوالي 30 واحد ونعرف بعض كويس واعرف مستوياتهم وكنا نداوم مع بعض ونذاكر مع بعض واغلبهم داجين .. اختبرنا قياس مرتين ولانجحنا وهالمرة سووا استثنائي ولكني لم اختبر معهم مادريت انهم راح يختبرون حظي العاثر .. المهم راحوا واختبروا ونجحوهم كلهم بدون استثناآء وسحبوا على المناطق الثانية .. قالوا خلونا نخلص من اخر دفعة في هالكلية وانا اللي اكلتها .. معقولة يعني هالداجين ينجحون واهل الرياض وفيهم دوافير يرسبون .. لكن حسبي الله فيمن ظلمني وانا خصيمة يوم القيامة.