السلام عليكم ورحمة الله وبركاته




الشهر مبارك علينا وعليكم*


اخواني في راسي مشروع له فتره يفتر براسي*الا وهو السكراب وطريقة تجميعه ومن ثم تصريفه*( كيف، اين، لمن )طبعارأس المال عندي تقريبا 70 الف*اللي عنده معلومه ولو صغيرة راح يفيدنا كثير وﻻ يبخل علينا*والمشروع مافيه مانع من طرحه للمناقشه



الله يوفقكم وصياما مقبولا

ليه ولا رد

افا
معقولة محد يعرف بتجارةة السكراب

اتمنى احد يفيدنا

[align=center]وعليكم السلام ورحمة الله وبركاته ..
مبارك عليك وعلى كل من يقرأ ..
بخصوص السكراب ..
أنت من أي مدينة .. ؟؟
وما هو مدى استعدادك للمغامرة ..
لأن تجارة السكراب مربحة ..
الحديد + الألمنيوم+ الكرتون+ النحاس هذي لدي عنها معلومات تفيدك ان شاء الله ..
أما بخصوص الاسفنج والبلاستيك لدي معلومات انهم يجمعونه ويقومون ببيعه .. لكن اين وكيف .. الله أعلم !

[/align]

انا لي فترة اتابع السوق فيه ارباح مخيفة ، بس متردد كثير

اعطيك مثال عندنا حارس لاستراحتنا الاخ يشتري الحديد والخشب والالمنيوم واي شي يخطر في بالك
الكيلو ب نص ريال
ويبيعه على واحد من اصدقائه باكستاني ب ٦٠ هلله = مكسبه فقط ١٠ هللات !!!
جلست اراقب طريقة البيع والشرا واتضح لي ان بالفعل يشتري بنص ويبيع ب ٦٠ على صديقه
قمت سآلت الباكستاني بكم تبيعها انت ومشتريها ب بنص وعلى كلامهم انه فايدتهم قليله ب الالف عشر ريال وخرابيط
قال يبيعها ب ٧٥ هللة بجده ( ما اقتنعت كل هالتعب ودينا ومشواير وبالاخير الفايدة ١٥ هلله )
قلت للحارس خلاص اي شي يجيك انا اشتريه منك بنفس سعر الباكستاني وازيدك عليه ٥ ريال
انبسط ويجمع لي تقريبا ٣٠٠ كيلو حديد شريتها منه ب ١٨٠ وزودته ٥ ريال
اخذتها وعلى الميزان قلت يا تصيب يا تخيب هذي ١٨٥ ريال مو مغامرة
سالتهم فالبداية بكم الكيلو قالو ثقيل ٩٠هلل خفيف ٨٠ المنيوم ٥،٥٠
مافهمت بس سويت نفسي مصحصح وقلت طيب شف ذي كم تسوا
قال ٢٧٠ ريال !!
يعني ربحي تقريبا ٨٥ ريال
اي ما يعادل ٤٠٪ ربح ب اقل من ساعه !!!

حتى هذولاء نصابين انا مستعد اعطيك ريال على الكيلو بس اقل شي 1000 كيلو الي هو طن الطن بالف موافق انا.

يمر علي تسويق السكراب لوتبغى اتواصل معاي واشوفلك ان شاء الله..

اخواني الله يعطيكم الف عافيه على الردود

طبعا انا من الرياض ونسلة المغامرة 80 % طبعا هي شغله جدا مربحه

واذا ابى ابدا ببدأ في الحديد والنحاس من دون البلاستيك وكذا وابي استاجر لي مستودع وتجيب لي هايلوكس وكذا
بانتظار ردودكم اخواني

تقبل الله منا ومنكم صالح الأعمال

اول شي توكل على الله ..
ثانيا يا بطل ابعلمك ..
روح مجمع السكراب على طريق الدمام (٦٠ كيلو) بعد الرياض
ومر المصانع واحد واحد قول لهم عندي ١٠ طن حديد بكم تشتروا ؟
كل ما زاد الوزن ارتفع السعر ..



الحديد = ١١٠٠ الطن الكيلو ب ريال
الألمنيوم = الطن ب ٦٠٠٠ الكيلو ٥ ريال
النحاس الطن ب ٣٥ الف والكيلو ما بين ٢٥ الى ٣٥ ريال
الكرتون ب ٤٥٠ الطن الكيلو ب ٤٠ هللة ..
شوف لك أعلى سعر للمصنع و بع لهم ..
بخصوص الوزن للحديد والنحاس .. اذا كانت الكميات كبيرة .. لازم ورقة معتمدة من الشرطة أو مختومة بختم مؤسسة سكراب و الا ما يشتروا منك .. وبعضهم متساهل عادي
والكميات القليلة ما تفرق ..
وسلامتك واي استفسار
راسلني خاص وأنا اشرح لك أكثر وأكثر ،،
واذا تحب اقابلك في الرياض ما عندي أي مشكلة
تحياتي لك ..

الله يعطيك الف عافيه ولك رساله على الخاص