اخي الفاضل ماشاء الله درجاتك جدا رائعة ومثل ماقالو الشباب كمل الجامعة وبعدها اذا تبي عسكرية تقدر تروح الامنية والامنية غنية عن التعريف

وبالنسبة لراتب الملازم تختلف حسب القطاع والتخصص ولاكن تبداء من 11 الف وانت طالع وهذا اول مربوط

واستخير والخيره فيما اختاره الله

اعتبرها نصيحه اخ لاخوه كمل جامعه وبعدين ادخل اللي تبغاه عسكريه ولا شركات

ومن المعرووف ان رواتب الشركات عاليه وحوافز تامين طبي وبدل سكن ومواصلات الخ....
نصيحتي لك كمل هندسة وادخل سابك
وبالتووفيق ياررب
ومثل ماقال اخوي لك لاتنسى صلاة الاستخارة وتوكل على الله ....

اذا جتك كليه عسكريه لاتفوتها واذا ماجت كمل جامعه

انا جامعي توي متخرج والرزق موجود وواجد ماعليك من كلام الناس


اما دورة الاركان لازم من رتبته نقيب او رائد وفوق وترشيح يعني مو اي واحد يدخلها لها شروط

الله يوفقك

دعواتك

شوف اخوي .. انا الآن طالب في أرامكو السعودية ..

درجاتي 93 وقدرات 84 .. اول ماتخرجت دخلت جامعة عبدالعزيز بجدة ومن اول سنة رسبت بخمس مواد !!! وثاني سنة فحطت فيها شوي لكن عديت ودخلت ادارة واقتصاد لين الله افرجها وانقبلت بأرامكو ولله الحمد وسحبت على الجامعه وهالتخصص الخايس .. السبب الحقيقه اني اهملت شوي وماشديت من البداية ..

عموما من النهاية اقولها لك" اذا تبي تدخل الجامعه حط براسك انك في الـ 5 سنين هذي تضغط نفسك قد ماتقدر عشان تدرس .. يعني تترك السربته والسهر والدشرة تخليك بالدراسة خاصة السنة التحضيرية لو عديتها بمعدل عالي ودخلت تخصص كويس زي طب او هندسة هنا عديت نص الطريق يبقى النص الثاني ..

عموما انا انصحك تدخل الجامعه لانه بعد ماتتخرج العسكرية سهلة قدامك وبرضو الوظايف المدنية متوفره قدامك ( اذا كان التخصص قوي زي طب او هندسة ) ..

ما ادري ليه انت تقول سابك افضل من ارامكو لان ولد عمتي بسابك واخوه معي بارامكو ويقول ارامكو افضل لاسباب كثيرة ابرزها قرض السكن بارامكو تحصل عليه بعد سنتين من التدريب فقط اما سابك بالدور وبرضو التامين الطبي ارامكو مستمر بعد التقاعد اما سابك ينقطع وبرضو سابك تاثرت بالازمة العالمية عام 2009 وطردت عدد مو هين من موظفينها بينما ارامكو خفضت الزيادة السنوية فقط وليس الراتب ..اسباب كثيرة مافيه مجال اني احصرها الآن ..

عموما ارامكو فيها برنامج ابتعاث تدخله عن طريق اختبار لكن للأسف الاختبار انتهى وقته الآن .. درجاتك كانت تؤهلك انك تدخله ولو نجحت فيه يبتعثونك على حسابهم وتتخرج مهندس .. لكن فيه برنامج ثاني ما انصحك فيه الآن .. لأنك لو لاسمح الله تعثرت بالجامعه تقدر تدخله ..

بالتوفيق بالجامعه ونصيحه شد حيلك من البداية عشان تاخذ تخصص كويس .

ويينك عن كلية القيادة والاركان لازم تصير رائد وفوق عشان تدخلها ولا لك 5 سنوات نقيب وما تدخلها الا بتزكية من ظابط كبير

اذا في راسك دراسة ادررس واذا لا ادخل عسكرية