بسم الله الرحمن الرحيم اخواني الأفاضل انا ترشحت على وظيفة معلم في منطقة سراة عبيدة
وقالوا ان جميع الوظائف في قطاع تهامه قحطان وقطاع تهامه ظهران الجنوب
وكما هو معروف بان هذين القطاعين تعتبر من أسوء قطاعين تعليمية على مستوى المملكة
وابغى اقدم عذر ؟؟؟ لو قدمت عذر هل ارشح السنة الجاية او يسقط اسمي نهائيا علما باني مادخلت المقابلة الشخصية وانما حجزت موعد ؟؟؟؟ تكفون اللي عنده علم يفيدنا

توكل على الله
ولاترفس النعمة برجلك
غيرك يتمنى هاللحظة اللي أنت فيها لو عينوهـ برأس نخــله ماعنده مشكله


أنت رجل < ولايهمك القيل والقال أعزم أمورك وتوكل على الله وادخل المقابله

ماتدري السنة الجاية وش بيحطون من قرارات

هذي نصيحتي .... ولك الأحقية بقبولها أو رفضها

يا اخي الى تقول توكل وروح

انت عارف نفسيت الاخ ؟

أنت راح تعيش مكانه اذا توظف ؟

يا اخي انا سويت مثله السنه الماضيه و بالرياض و ندمت اشد الندم .

ايجار و نفسيه تعبانه وعمل الحكومة بائس ميت


أنصحك نصيحه اخ لالالالالالالالالالالالالالالالالالالالالالالالالا لالالا تروح الا اذا اقتنعت وخلك من الى يلوموك لاهم ماراح يعيشو الى بتعيشه


اللهم اني بلغت اللهم فشهد

^^

اللي فووق ... أذ الحريم وهن حريم وبعضهن متزوجات وتاركات أزواجهن وعيالهن ( تحملن ) ..لين الله يسر لهم النقل عند رغباتهم ؟؟

تبي تقنعني أن الرجل مو قادر ؟؟ يابوووو نفسيات أنت ؟؟؟

__________________________________________________ _______________

أي واحد يرفض دخول المقابله طبعا َ ما أقصد الشخص صاحب الموضوع ( يا أن عارف نفسة أنهم راح يردونة بالفحص < وأنت فاهم وش أقصد
فيقول أخذها بكرامتي واعتذر من البدايه

أو أن أبوهـ متوفي وهو كبير العائلة وماعنده أخو ثاني يسنده في حالة بعده عن أهله يعني الخلفة كلها بنات
أو إنه ( مقتدر ماليا َ َ ) وماهي فارقة معه الوظيفة جت هالسنة هذي ولا السنه القادمه حزتها يحق لة ينتظر السنة الجاية ويحط رغبته ومدينته اللي هو فيها

..

وبعدين مو شرط إنك ما تأقلمت بالرياض يعني جميع من مشى على دربك بيصير لة نفس الشىء

يا درب الوفى الناس مو سواسية هداك الله وكل واحد وله ظروفة الخاصة
ولاتحط فى ذمتك شئ تتحمل وزره
وبعدين وهو سأل فى موضوع وانت جاوبت فى موضوع ثانى

هذي فرصة جت لين عندك فلا ترفس النعمه برجلك وانت رجال تقدر تروح اي مكان وتدور رزقك وتعتمد على نفسك مهوب مثل الحريم مغلوبات على امرهم ليتني رجال بس اترك كلام النفسيات والخرابيط الي ماتوكل عيش وفكر بمستقبلك اخوي له سنتين متعين بصبيا بالجنوب ممرض وماعنده مشكله قدر يتأقلم وهذا مستقبل الواحد لازم يصبر بالبدايه عشان يرتاح بعدين والنقل بالنسبه للرجال سهل سنه او سنتين بالكثير وانت ناقل عند اهلك وانصحك تستخير قبل ماتتهور وتتخذ قرار يضيع مستقبك تمنياتي لك بالتوفيق

نحنا حريم وتغربنا واللي معاها محرم مثل حالتي والدي كبير في السن وتحملنا وصبرنا مع العلم مكان التعيين صعب وطريقه عقبات
انت رجل مابتقدر تصبر وتتحمل وانت فرد واحد

لو انو اللي تسال حرمه كان بكل صراحه قلت استخير والغربه صعبه ع الحرمه بالذات اذا ماعندها محرم او محرمها كبير في السن

الخلاصه رائي توكل ع الله واستخير وروح لرزقك ترا نااس كثير تتمنى تتعين
وقدم نقل ومو شرط من اول سنه تكون عند اهلك لا حط كل الاماكن اللي سهله ومو طرقها وعره
اما انو تعتذر وترجع لدوامة التقديم ويطلع اسمك ولا مايطلع صعبه
السنوات اللي بتقضيها وانت عاطل عن العمل اقضيها وانت تستنى النقل

هذا رائي خذ واترك اللي مايعجبك

دعواتك انقل عند اهلي

الله يعيينك

شكراً لكم جميعاً ربي يحقق لكم امنياتكم
يا احبه انا عندي فوبيا من العقبات يعني بعد ما اطلع او انزل منها يجيني حاله ولا اقدر اتحكم بنفسي
وفوق كذا انا ما اسوق في العقبات ومثل قرى سراة عبيدة يوجد بها عقبات جلد يعني لابد سياره دفع رباعي
وكذالك الحياة هناك صعبه جداً خاصه تهامه قحطان وتهامه ظهران الجنوب انا مستعد اعيش لو في الخرخير
بس ما اطلع عقبة
***بوركت ايامكم***