السلام عليكم

اسعد الله صباحكم. بكل خير.

اعمل بشركة لااكثر من 5 شهور ولم اسجل بالتأمينات الاجتماعيه وكل ماكلمتهم قالو بنجمعها لك لاتخاف. المشكله الوظيفه. سواق وكرف وحصلت لي شركة احسن منها. بس براتب اقل 800 ريال. اسحب عليهم. يمكن خيره انهم ماسجلوني. اتمنا احد يفيدني عنده خبره بالموضوع

لا يسجلونك بالتأمينات وحتى لو سحبت عليهم هذا حق من حقوقك اذهب الى مدير شؤون الموظفين وقل له كيف تسجلوني وتجمعونها لي انا ماني مستعد يدفع من راتبي اشتراك بأثر رجعي ترى الاشتراك يدبل عليك

مو من حقهم مايسجلونك بالتأمينات روح لشؤون الموظفين واطلب منه يسجلك بالتأمينات الأجتماعية
ولو مانفع روح للتأمينات وكلمهم بالموضوع واعتقد يراسلون الشركة

اهم شي اخوي تنتبه لنقطه الي هي تاريخ تسجيلك بالتأمينات اذا سجلوك لاتروح عليك الشهور الي قبل تأكد اهم شي من النقطه هذي عشان مايروح حقك
واذا سجلوك ولا حسبو لك الأشهر الي قبل اتوقع معك نسخه من العقد ومسجل فيه تاريخ التوقيع وروح مكتب العمل وقدم شكوى

800 ريال كثيرة .. انت ثابر في عملك هذا .. اصلاً التامينات الاجتماعيه ما تأخذ كثير يعني بالشهر

بالكثير 150 .. 800 نعمة لاتغير شغلك الا اذا كان مجال يفيدك بالمستقبل .. ..

أو شوف وظيفة اعلى راتب مو أقل وتتورط

انت معك العقد اخي.... ولست ملزم بالتسجيل... والنظام ضمن حقك بالكامل حتى لو خرجت من هذة الوظيفه ورحت لوظيفه اخرى حقك مضمون ترفع عليهم شكوى بالتامينات الاجتماعيه وتحصل على كافه الاشهر الغير مسجله بالكامل ولو كانت سنين وليست اشهر... المشكله الوحيدة اخي في حال المرض لاقدر الله او مايسمى الاخطار فهو مهم لعملك ..........والله الموفق

حياكم الله

أنت معاك الحق وبالنسبة للتأمينات إذا معاك عقد مافي مشكلة ان شاء الله هم الي عليهم غرامة
كلم مكتب التأمينات وهم بيرسلوا معقب يضمن حقك حسب العقد أهم شيء يكون معاك عقد


وأنا والله أبحث عن موظفين سائقين سعوديين براتب 3000
وساعات العمل 8ساعات
اذا عندك أحد دلني عليه


وفقنا الله

السلام عليكم

باك بعد انقطاع

تذكرون يوم كنت أقول لكم محتار بين الشركة الي أنا فيها والشركة الي بأقل ب 800 ريال ؟

الي حصل اني أخذت اجازه بدون براتب فتره أسبوع من وظيفتي ورحت جربت الوظيفه الي باقل راتب الي حصل

أستقلت من الشركة الأولى وجلست بالشركة هذي يومين وما أدري وش جاني و أستقيل منها فجئه نفست

حست بالغبنه راتب أقل والعمل ممل مافيه أي شغل وحسيت بالاحباط يقولون لاتفكر بالزياده الا بعد سنتين

بس يمكن يقول واحد اني اسئت التصرف وربي كلهن (زفت ) وربي الاولى سواق واطلع بالمهندسين واستناهم بالشمس 3 ساعات تحس انك جوهر كذا والثانيه راتب ولا شي ومدير حقير وملل


ولا قالو 3500 فتره التجربه وديون قله حيا المهم قدر الله وماشاء فعل



والحمدلله على كل حال