السلام عليكم ورحمه الله وبركاتة ...أخواتي وأخواني أنا مثلي مثل أي شابه تطمح أنها تكون في مكان الأفضل بعد ما تخلص دراستها الجامعية
أنا ولله الحمد تخرجت من جامعه الملك سعود تخصص أداره أعمال و لكن قدر الله أني أتخرج بتقدير مقبول .. المهم أتلطشششت مابين التقديمات وأستقر بي الحال في مستشفى د.سليمان الحبيب منسقه خدمه عملاء أنا بحكيلكم وضعي عشان أبغاكم تكوني معاي في الصوره الحين كملت سنتين تقريبا في عملي ولكن تعبببت من دوام الشفتات وقوانين العمل الصارمه من عدم أستخدام الهاتف الا بعد الأستئذان والأستئذان من المشرفه قبل الصلاه و على أتفهه الأمور مثل الذهاب لدوره المياه اكرمكم الله !! والجلوس على الكرسي و الانتباه للهاتف وربي مدرسه ووو.....القائمه تطول حاولت في أماكن عده ولكن ربي ماكتب مع العلم أن وظيفتي حجز مواعيد !! فكرت وفكرت وفكرت ,اخر ماتوصلت اليه أني أقدم على بعثه الملك فســــؤالي الله يرضى عليكم هل سمعتم احد تم قبوله فيها وتقديره مقبول ؟طيب في أمل أطلع على حسابي وأدرس بعدين التحق بالبعثه وهل هذا الموضوع بياخذ وقت طويل؟ .. فرجوا همي عسى الله يفرج همومكم



وربي مو كل من تقديره مقبول فاااااشل يا مجتمع أرحم

وَ عليكم السلام ..

الله يعينك يَ جميله , التقديرات أبداً ماكانت معيار لـ قياس مدى نجاح الإنسان من فشله
بِ النسبه لـ البرنامج للأسف الناس إللي معدلهم أقل من الشروط بيتم إقصائهم إلكترونيا , لكن تقدري تطلعي على حسابك كلها 3 أشهر أو أربع إن شاء الله وَ بتنضمي لـ البرنامج ..
الله يوفقك و ييسر أمرك ..

انا مثلك معدلي مقبول


بس ناوي ادرس ماستر في مصــــر


بس مشكلتي علي مخالفات والجواز منتهي > عشان اكمل ماستر لازم اسدد مخالفات

وعشان اسدد مخالفات لازم ادفع 13000 ريال


هالحين العائق الوحيد دون الدراسه هو ( 13000)


ما اقول الا حسبي الله ونعم الوكيل

الله يفرج همي وهمك أخوي ربي كريم واكيد ما ضاقت الا إنها قربت تفرج ..بس عفوا عالمداخلة تتوقع في خضم الوضع الحالي ينفع تكمل في مصر ؟

السلام عليكم

بالتوفيق لكم

انا كمان معدلي جيد مرتفع واتمنى أكمل الماستر بس مو عارفه أي جامعه بتقبل معدلي ..

سبحان الله اخيرا شفت احد نفس معاناتي
للأسف هذا وضع اي احد معدله مقبول ياقلم وكأن الوحده مننا اختارت هذا المعدل برغبتها مع انها كانت امتياز بالثانويه بس وش نقول جاتنا ظروف صعبه جدا وتعرضنا لظلم كمان لكن مهما حكينا وتكلمنا
لامجيب لنا ؟؟ وش ذنبنا؟؟؟؟؟؟؟
انا معدلي مقبول كمان ومابقيت مكان ماقدمت عليه لكن دائما أملي بالله سبحانه كبيير
واظن الابتعاث يطلبون معدل جيدجدا
بالتوفيق لك

طيب دبلوم الامام حق اللي تقديرهم منخفض ويبون يقدمون للماستر ما يفيدك !!؟؟

انا ثاني سنه اداره اعمال
واول سنه مستواي زفت
اذا اجتهدت بالجاي ممكن اجيب معدل مرتفع ؟!
معليش صاحبه الموضوع طلعت عن الموضوع شوي بس والله خفت لاني ناويه اكمل ماستر.

الكثير يعاني مثلك
و يزداد الوضع سوء
لو كان تخصصك ماله داعي
مثل تخصصي لغه عربيه

انا نفس المشكلة بكالوريوس بتقدير مقبول .. !!

اخذت دورات وتنقلت من شركة الى اخرى لعدم الاستقرار الوظيفي ,, وقدمت على برنامج الابتعاث وعلى جامعة الامام والملك سعود وغيرها ولم يتم قبولي نهائياً لاكمال الماجستير .. ولكن الحمدلله على كل حال