السلام عليكم
بنات بستشيركم ياللي تعينتوا بالجنوب او احد تعين لكم او عندكم أي معلومه عن الجنوب
انا نقاطي 67.48
سجلت جميع مناطق الشمال والغربيه والوسطى ومقتنعه فيهم واهون من الجنوب
بس محتاره بالجنوب سجلت بيشه وصبيا
بيشه وصلت ل 68 نقطه ومأمله فيها
وصبيا قريبه من المطار ومنطقه سهله بس مااعرف عن قراها شي وهل هي صعبه
ودي احط محايل عسير بس خايفه
وكل يوم اقول ودي احذف صبيا احس جازفت لان بعيده حيل عن القصيم وقراها فوق 200
ومرات اقول ماادري عن هالوزاره وقراراتها اخاف تطلع لنا شي جديد غير قياس
ونقاطي ضعيفه ولا ابي اعيد قياس بعد 3 سنوات
بعد كل هالفضفضه سؤاااالي
عطوني كل معلوماتكم عن محايل عسير وصبيا وكم وصلوا بالنقاط وهل يتعين بصبيا انجليزي كثير من برا صبيا

الانجليزي في كل المناطق وقف على 73 يا عزيزتي
هذا بالمفاضله الاخيره
بالنسبه للجنوب ماعندي معلومات وخايفه منه
استخيري ورتبي رغباتك والله يكتب لك اللي فيه خير
اذا عندك امكانيه تروحين حطي كل مناطق الاحتياج
واذا ما تقدرين مالك الا تحطين اللي حواليك
وهالشي يعتممد عليك وعلى تحملك وصيرك
لان في أشياء وقرى ما ينصبر عليها

محايل عسير اخر منطقه بس فيها عقبه شعار تخوف تمشين على حدود الجبال خطره وكذلك رجال المع فيها عقبه توقف القلب اسمها عقبه الصماء فتحي اليوتيوب وكتبي عقبه شعار و عقبه الصماء وشوفي نفسك تقدرين تخاطرين بنفسك ولا لا والله يكتب الي فيه الخير

وصبيا كذلك فيها عقبه بس مدري ايش اسمها اذا تعينتي في قرى جبليه وصديقاتي من الشرقيه متعينات في الجنوب لهم سنه وماجاهم نقل بقعدون سنه ثانيه هناك الله يكون في عونهم.

هي ما تخوفهم بقدر ما توضح لهم الوضع
ترى فعلا في ناس ما تصبر فالوحده تستخير
لانه ما يندرى كم تجلسين مو شرط انك تنقلين بعد سنه
فالوحده تحط كل الاحتمالات ببالها واذا ما تقدر لا تضيع الفرصه على وحده تقدر تجازف وتروح
بالنسبه لي : حطيت كل الجنوب عدا سراةعبيده ومتردده احطها ولا لا
انا للاسف دلوعه واخاف اني ما اتحمل وهمي كله بعيالي لكن لو الوضع مو مناسب ممكن اتركهم عند امي
وش اسوي لازم نصبر والله يارب عساها تجيني بجنب بيتي وعيالي يا حي ياقيوم ولا اروح للجنوب

فتحت اليوتيوب وشفت العقبه توقعتها اسوء
ذكرتني بطريق الكرا اللي في الطايف
بس الكرى احسن سيدين
هذا سايد واحد مدري بصراحه ليتني ما شفته احس خفت
كل اليوتيوب حوادث :/ يالله بس