الله يوفقك ان شاء الله
فكر و شوف احتياجات الناس واستغلها
مثل اللي فتحوا محلات الملابس و محلات الجزم واللي اشتغل بالمكياج و العطور
ومثل ماتفضلوا الاخوان اذا بتشتري من برا بتاخذها بميلغ قليل و تبيعها بارباح مضاعفه

المبلغ كويس صحيح مو مرررة كبير لكن يقدر يسوي شي تبدأ منه الخطوة الأولى
حتى لو 500 رال وتصرفت فيها بشكل جيد رح تعود عليك باضعافها

الافكار كثيرة ويمكن انا مالي خبرة فيها كلها لكن انت شوف وش ميولك وين تحب تشوف نفسك
وشوف من حولك اش احتياج الناس .. وكبداية ابدأ بالبحث عن احتياج السوق في امازون او المواقع الموثوقة
وجيب بضاعة بسيطة وبيعها
والله يرزقك ويبارك لك ..
ولكن نصحية لا تسلم فلوسك لاي احد مالك ثقة فيه او يوفر التزامات موثقة وموثوقة

تحياتي

[align=center]الله يوفقك ويرزقك مشروع

فيه مشاريع صغيره تمشي وتنجح ولكن يبغى لها حركة وتصريف

مثل دهن العود الاكسسوارات الجوالات الخ ..

فكر ابتدى مبلغ بسيط لعلا ربي يفتح لك باب الخير [/align]

عندي مشروع يكسبك ذهب ومضمون مية بالمية
لو حاب نتفق ارسل لي الاسكاي بي تبعك

اخي الكريم ... مافي افضل ولا احسن من انك تحط يدك وتشتغل بنفسك .. تخسر .. تتعب تتعلم نعم .. تربح وتكسب في النهاية .. المبلغ اللي معك زوين وانا اخوك .. اخوك دلني عالسوق بدا مشروعه ب 1800 ريال فقط والله على ما اقول شهيد كنت مجمعها من مصروفي .. وكنت حزتها طالب في اقل من سنة تضاعف هالمبلغ حتى وصل لأكثر من 12000 (بتوفيق وبركة رب العالمين وبفضل التخطيط السليم والدراسة والتأني في بعض المواقف). طبعا اول ما بديت استوردت من الصين ع طول وسويت موقع احترافي وعملت دعايات واعلان .. كل هذا ولله الحمد ب 1800 ريال .

ما راح اقول لك عطني فلوسك استثمرها لك ولا عندي ادوات سحرية تربحك ملايين ..
كل اللي اقدر اقوله اني اقدر افيدك في الأمور التالية .. اغلب المذكور تحت اشتغلت فيه
شخصيا وبعضها جديد علي بديت فيه من فترة ..

1- اكسسوارات الجوالات ..
2- اكسسوارات اللابتوب والكمبيوترات والآيباد .
3- منتجات الUSB
4- فلاشات ميموري أشكال وألوان.
5- عطور ماركات شبه الأصلية 100%
6- شنط ومجوهرات ونظارات رجالية ونسائية ماركات عالمية ..

حدد المجال اللي تبغاه وانا بحاول اعطيك ما عندي من معلومات وخبرة بسيطة اكتسبتها خلال كم سنة من تعاملي مع الصينيين ..

عندك تجارة العطور والبخور
أبدأ بمبلغ ( 3500 ريال ) مثلا
لاتغامر بالمبلغ كامل 7000 ريال

استغل الفرصة من الآن عشان العيد وتروح تبيع بالسوق بنفسك
واذا تبي رح اعطيك بضاعة بخور ومعمول ومرح اخذ منك شيء

أو عندك مشروع التمر
خذ لك كم كرتون ب 3500 ريال
مثلا الكرتون تمر سكري من 50 إلى 70 ريال
وتبيع الكرتون ب 100 إلى 120 ريال

والتمر أعطيك كمية وبدون مقابل ( في سبيل الله )


للطلب ع الخاص

7000 ريال -


-----


لو حاب ممكن اساعدك بما اني لي تجربه بمبلغ 3000
استثمرت منه بـ1500 ريال وحولته الى 3000 ثانيه ,, يعني من 1500 الى 3000 ’ شوف انت الـ7000 كم 1500 فيها؟ وحول كل وحده الى 3000

ولك الحسبه ,

لو حاب اعلمك كيف خبرني

انا ماعندي خبره كثيره خبرتي محدوده على قدي , بس الحمدلله فادتني ,

ه

اقتباس:

المشاركة الأصلية كتبت بواسطة مستثمر مبتدء اخوي انا فكرت في التمر وايضا في العطور ويبدو لي انها مشاريع حلوة انت لاتعطيني شيء بدون مقابل بل فقط دلني على طريقة مثالية للتصريف وانا بعطيك حق الدلالة بس لاتقول لي ابيعه نا في السوق .. انت عارف المجتمع ومكانتي الاجتماعي ماتسمح وش الحل ؟

ابو فلان نصيحة اخ قضية مكانتي الاجتماعية ومن هالكلام ما راح تقدمك خطوه
حسستني انها كارثه وانك مستعيب من التجاره خلك من الناس الناجح نجح لانه لم يلتفت للناس واراءهم السلبيه عشان كذا انت رحت للاستمثار في اموال الناس

انا بعت مساويك عند مسجد والحين ببيع عطور ان شاء الله
وانا مهندس برمجيات ههههههه

صاحب موقع الفيس يقول التجارة تحتاج الجريء خلك جريء يا صاحبي واترك عنك الناس اللي ما تقدم

موفق خير يا صاحبي