ياجماعة الخير ياليت تفيدونني بالموضوع الي بتقرأونه الان
انا ترشحت وطلع اسمي في الحدود الشمالية وطابقت بياناتي وكل شيء سليم ورحت موعد مقابلتي في الحدود الشمالية بعرعر يوم الاربعاء وعديت المقابلة تمام ولكن المشكلة مكتوب عندي متوسط وثانوي وأنا خريج كلية المعلمين بالدمام تخصص دراسات قرانية الي تابعه لجامعة الدمام الان فقالو لي بعرعر حنا مانحتاج ابتدائي وسحبو مني اوراقي وقالوا راجع الوزارة وتفاهم معهم واعطوني خطاب ورحت للوزارة في الرياض وقالو لي الخطأ من ديوان الخدمة المدنية هو الي اخطأت لانهم كاتبين لك متوسط وثانوي وانت ابتدائي ويوم رحت للديوان قالوا لي نرجعك في القائمة حتى ينزل احتياج لتخصصك جديد وماعطوني حل لحد امس
علما بأنني معي جميع اوراقي وكل بياناتي سليمة ومافيه خطأ يوم سجلت وكتبت كلية المعلمين من جامعة الدمام ( كلية التربية يسمونها الان) فلم يحدث مني أي خطا في تسجيل البيانات و نقاطي 64 وكسور
فما العمل لان ديوان الخدمة يقول تعال الاسبوع القادم نشوف حل ويقولون يمكن نرجعك للاحتياجات القادمة فهل هذا حل وهل حصل مع واحد نفس الطريقة وانا اخاف يروحون علي التعيين

حسبي الله عليهم ونعم الوكيل

اخوي لا تسكت عن حقك الغلط منهم مو منك وهم يتحملون اغلاطهم واكيد انهم عينوا ناس اقل منك نقاط والاولويه لك يصلحون وضعك مو يلغون ترشيحك ويرجعونك لقايمة الانتضار والله يكون معك وينصرك عليهم.

ياخي خلها على فالها متوسطه ولا ثانويه دامك وصلت للمواصيل هذي وخلصت

أنا ماعندي مشكلة ابتدائي او متوسط او ثانوي لكن هم الي قالوا لي انت ابتدائي ونريد متوسط وثانوي وقلت لهم بعرعر بدرس أي شي قالو لا وطلبو بديل عني فالمشكلة مو مني

لا تسكت عن حقك راسل صحيفة سبق

لا تسكت عن حقك الغلط مو غلطك غلطهم

واذا بيوجهونك لمتوسط او ثانوي عاادي اما يلغون تعيينك لا تسكت

فعلا اخوي

انت رجال قوم الدنيا عليهم
وربي اذا صرت جاد يخافون
هذا لاقين لهم احد بدالك ويصرفونك باي تصريفه

انت مترشح واكيد في اقل منك نقاط متوسط وثانوي
بعدين مافي فرق ابتدائي او متوسط مادام انك عديت كفايات



لاتسك مدامها وصلت للأعذار كلم محامي او استشاري بالقضايا الليمثل كذا

هم عندهم حجج قويه تقدر تستفيد منهم ويصير الخطأ عليهم

وبشرنا وش يصير معك بعدين