السلام عليكم ورحمة الله وبركاته

صبحكم الله بالخير

عندي بعض الأسئلة الي ممكن تحدد مستقبلي لسنوات، عشان كذا ليتك تحتسب الأجر وتجاوب على الي تعرف الله لايهينكم.

طلع تعييني بمنطقة الرياض ومقابلتي بكرا إن شاء الله، لكن أنا احتمال كبير ما أقدر أتفرغ للوظيفة السنة هذي لظروف اجتماعية.

أسئلتي:
إذا ماحضرت المقابلة تتكنسل الوظيفة؟
إذا ماحضرت هل يؤثر على تقديمي السنة الجاية؟
ماعندي عذر رسمي، هل فيه طريقة سليمة أقدر أكنسل فيه الوظيفية دون تأثير على مستقبلي مع الوزارة؟
هل تعرف أي معلومة ممكن تفيدني بوضعي هذا؟

الله يعتقكم ووالديكم من النار.

حرام عليك

احد يحصل له وظيفه بالرياض ويعافها

انا من ضمن احلامي تكون وظيفتي بالرياض

مااعرف وش ظروفك لكن تراها فرصه وماراح تتكرر

اتمنى الشباب يفيدونك

وعليك السلام والرحمة
أذا ماحضرت المقابلة يعتبر عدول وتقدر تقدم السنة الجاية بس تكون الوظيفة مو مضمونة
حرام تضيعها ماتدري السنة الجاية يطلع أسمك ولا لا الوزارة كل سنة بقرار ويمكن نقاط قياس تدخل ويتلخبط الحسبة

باشر الوظيفة وقدم أستثنائي (أجازة بدون راتب )
تكون الوظيفة مضمونة وأن شاء الله تتحسن ظروفك
المهم لاتضيعها وبالرياض ماشاء الله

الله يعطيك خيرها ويكفيك شرها

اذا تبي منا نصيحه


توكل على الله وأحضر المقابله
لكن قبلها أستخير + تصدق لو بشي قليل بنية أن الله ييسر لك الخير
أستغفر قد ماتقدر ولاتبخل بأستغفارك


الظروف بأمر الله ماتدوم
والله ييسرلك أمورك ويكتبلك الخيره

الله يعين المسلمين

فكر الظروف لابد تيجي يوم وتتغير ما تدري
الوظيفة في الرياض من يلاقيها هالوقت
انته كدا تظلم نفسك
عطي نفسك فرصة احضر المقابلة ادا مارتحت وما عجبك الوضع
كنسلها
بس قبل استخير والله يكتب اللي فيه الخير