عزيزي بخصوص الراتب بالنسبه للماجستير وبعد إنتهاء التدريب راح يكون الأساسي 12330 ريال مع ثلاث رواتب بدل سكن وبدل مواصلات
مع البدلات الباكج بيكون في بحر 15500 ريال التعديل السنوي بيكون 500 ريال تعتمد بعد تقييم الأداء الوظيفي ..

بالنسبه للتذاكر .. الماجستير له فاوتشر قيمته 9000 ريال بعد خصم 50% على قيمه التذكره بمعنى 18000 ريال قبل الخصم ..
ماتقدر تستخدمها ولا لك أي تخفيض إلا بعد مرور ست أشهر موظف بالخطوط ..
أعطيك مثال :
لو بغيت تسافر من جده للرياض ذهاب وإياب وتكون وقتها خلصت 6 أشهر ونقول قيمه التذكره كامله 500 ريال .. اخصم منها 50 بالميه مجانا والباقي 250 ريال يخصمونه من الفاوتشر ويبقى منه 8750 ريال وهكذا ..

مثال ثاني لو بغيت تسافر جده لندن جده وقيمه التذكره خلنا نقول 10000 ريال 50% مجانا والباقي 5000 يخصمونه من الفاوتشر ويبقى لك 4000 ريال منه ..

الفاوتشر سنوي ولازم تستخدمه واذا ماستخدمته ببساطه يروح عليك .. تاريخ بدايه صلاحيه الفاوتشر بعد مرور 6 أشهر من تاريخ التعيين بالخطوط ..

سلم رواتب الخطوط بالنسبه لطلاب الماجستير يعتبر ممتاز جدا مقارنه بالمؤسسات شبه الحكوميه ..

بالنسبه لطلاب البكالوريوس الفاوتشر 3000 ريال أو 4000 ريال ماني متأكد فرق كبير بينه وبين فاوتشر الماجستير .. بعد التدريب راتب البكالوريوس يوصل في بحر 12000 ريال

بالتوفيق وأي إستفسار انا موجود إن شاء الله

الإداره الرئيسيه اللي في جده فقط .. في الرياض يعتبر ريموت سنتر حتى لو كان كبير ومدري إذا فيه إقسام منقوله للرياض

حاليا الإدارات بدت تتفرق .. التسويق والمبيعات في الاداره الرئيسيه في جده .. الآي تي والحاسب بيكونو في مدينه الملك عبدالله الاقتصاديه .. الماليه والمحاسبه في مباني منفصله في الكندره بجده

ماعندي خلفيه عن اللي موجود في الرياض