السلام عليكم

وحدة اعرفها تبي تتخصص في الخدمة الاجتماعية وهي تحب طبيعة عمله لاكن ما نصحتها فيه لأن وظائفها نادرة جدا جدا او مافيه من الاساس وظائف له وبس هي محتارة تقول ما تقرأ عنه الا كل المتخرجين منه عاطلين

وش رأيكم فيه ؟

ووين تتوظف وهل توظيفة سرييع؟

انا ادري ان الوظائف رزق من الله بس ذا التخصص ابد ما فيه احد متوظف اخصائي اجتماعي ابدا ما شفت


ولا تروح للتخصصات الادارية والمالية ازين لها ؟ خاصة عشان مدينة الملك عبدالله الاقتصادية تفتح ويقولون تتوفر وظائف كثيير ؟
بس عي حابة الخدمة الاجتماعية اكثر

ياليت تردون

الا ومين قال انه مافيه اخصائي ًواخصائيه اجتماعيين

ف المستشفيات مايقلون عن 5
ودار الرعايه والمدارس والضمان والجمعيات الخيريه........وغيرهم


انا تخصصي علم اجتماع وخدمه اجتماعيه بعد التخرج راح اصنف شهادتي من هيئه التخصصات الطبيه واتوظف بإذن الله اخصائيه اجتماعيه في احدى المستشفيات
وتقدر تكمل ماجستير


تخصص ممتع جداً


موفقه

في التعليمي صعب لانه حصة واحدة في الاسبوع اي كل مدرسة تكتفي بمعلمة واحدة.
اذا هدفها التوظيف اعتقد صعب
ماعندي علم بتوفر الوظائف لخدمة الاجتماع في مجال غير التعليم

انصحها نصيحه لوجه الله لا تدخل هذا التخصص

كل من دخله ندم اشد الندم خريجات متكدسات من سنين وانا واحده منهم بتقولون كل الاقسام كذا

باقولكم نعم ولكن بنسبه تختلف عن تخصص الخدمه الاجتماعيه اقل شي حتى وان تاخرت وظيفتها تعرف وين موقعها بالنهايه يعني تعليمي وبتتوظف مدرسه ا لكن الخدمه الاجتماعيه وش بتتوظف بتقولين مرشده باقولك المرشده بالمدرسه وحده فقط وياليتهم ياخذون الي تخصصهم خدمه اجتماعيه لا اي مدرسه طفشت من التدريس وحبت ترتاح قالو خلاص يلا صيري مرشده
وهذا واقع شفناه بعيونا

اتفق معك انا حبينا التخصص والدراسه حلوه ولكن انصدمنا من الواقع بعد التخرج لاحنا تعليمي ولا اداري !

ومع التطبيق سنتين اخر شي احتسبنا اننا غير تربوي ليش ما ادري طيب ليش بعثتونا تدريب ميداني !


ذكرتيني بنفسي يوم جيت اقدم كنت اسال الناس وش رايكم بالخدمه الاجتماعيه الاغلب اثنى ومجالات التوظيف وسيعه وكثيره وتقدرين تتوظفين بالمدارس والدور والسجون والمحاكم ومدري ايش حسسوني اني ممكن اخذ الشهاده اليوم اتوظف بكره

وهذا طبعا نفس كلام الدكتورات والاستاذات طوال فترة الدراسه هذا غير رفع في دور الاخصائي الاجتماعي وان دوركم مهم بالمجتمع وانتي اخصائيه وخرابيط غير صحيحه وانصدمنا فيها يكفي انك اذا قلتي تخصصي خدمه اجتماعيه قالو يعني ايش وش تصيرين ؟

يتقولون مو شرط بالمدرسه توظفي بالاماكن الاخرى باقولك يقدمون على تخصص الخدمه تخصص علم نفس وعلم اجتماع

عزيزتي كل من اعرف ودرس الخدمه الاجتماعيه لم يتوظف من الي اعرفهم وياليت كان فيه بوقتنا انفتاح على الانترنت عشان اعرف وابحث زين قبل اقدم ولكن قدر الله وماشاء فعل

معاناتنا مع التخصص والديوان مريره جدا وقضايانا واوراقنا تثب ذلك وعشان تتاكدين ادخلي تجمع طلاب وطالبات الخدمه الاجتماعيه وشوفي حجم المعناه بنفسك وخريجات قديمات جدا جدا
وضع ماأساوي لابعد لانا مانعرف مصيرنا بس لا يتم تعيينا لا بالاداري ولا التعليمي وين نرووووح شهادتنا غير معترف فيها

كتبت لك ردي هذا لاني ابي افيدك ومابي احد يصير له نفس ماصار لنا ويالنهايه الله يوفقك حبيبتي ويكتب لك الي فيه الخير