ينقل للواحه

عليكم لسلام ورحمة الله وبركاتة


كان الله في عونك ..


مقدر وضعك تماما الي اشتغل تصعب علية قعدة البيت ..


انا ماخذ الحين أجازة في رمضان حاس ان ودي اروح اداوم مدري ليش ...!



بس لعلها خيرة وانا اخوك ..


استغلي رمضان في طاعة ربك والصيام والقيام وكمان تكونين كسبتي طاعة أهلك ..


وبعد العيد ما لاهلك عذر ...



موفقة ..

وعليكم السلام ورحمة الله وبركاته
اول شي هذي يا اختي مو مشكلتج بروحج اغلبنا نعاني منها وانا واول وحده سواء شخص توظف وترك عمله او تخرج وقعد بلا وظيفه والانسان بطبعه وفطرته اجتماعي وما يحب يعيش بدون ما يطلع ويخالط الناس
وانتي تركتي عملج بالرغم من انه زين لظروف وسبحان الله انتي ما تدرين عن الخيره ودايم الله يختار لعبده الانسب له فلا تضايقين

وانا ابي اقولج لازم تكونين اقوى تو ما صار لج الا فتره بسيطه جدا تاركه العمل اجل شلون لا صار لج سنه او ثلاث سنوات نفسي من تخرجت من الجامعه
وترى كل الامور بيدج انتي اقصد نفسيتج انتي بنفسج تقدرين تكونين سعيده وان كنتي بالبيت
والله انا مثلج وحاسه فيج ولا ابي اسوي روحي المثاليه عليج
وتمر علي اوقات انام واقوم وصارت لي هالوظيفه هاجس ومليت من البيت
لكن اذا حسيت روحي حيل متضايقه ونفسيتي تعبانه
اذكر كلمه لامي دوم تقولها لي وابي اقولها لج والله اهم شي الصحه والعافيه
ولمن اتذكر ان انا بخير وصحه تروح الضيقه
انتي بعد لا تعبين روحج بافكار وتعبين نفسيتج قولي انا بخير وصحه وهذا اهم شي
واذا ع وقت الفراغ الكبير لا تقعدين اشغلي وقتج باي شي سوي اشي تحبينه او اقري كتب روايات المهم حطيلج برنامج لكل الامور اللي تحبينها
ونصيحه لا تقولين هلي وهلي ما يحسون بالعكس مهما يكون الاهل اكيد يبون مصلحتج ويشوفون امور ولهم نظره لبعيد فلا تخلين الشيطان يوسوس لج باشياء غلط عن اهلج
وتالي عقلج الباطن يقوم يشتغل ع هالامور ويخليج تصدقين ان اهلج ما يحسون والواقع غير تماما!
اخر كلامي سواء ربي كتب لك وظيفه بعد رمضان او صار شي او هلك ما رضوا
لا تتكدرين اولا وتذكري كل هالامور قسمه ونصيب واهم شي شيلي اي فكره سلبيه عن اهلج
وقولي انا بخير وصحه وعافيه وهذا اهم شي
عسى ربي يوفقج والسموحه ع الاطاله بس لان انا حاسه فيج والله وعارفه اللي تحسين فيه ولمن صرت اقول لنفسي اهم شي الصحه وانا صح قاعده بالبيت بس بعافيه هذا اهم شي

مادام اهلك يقولون بعد رمضان الحمدلله شيء زين
احسن من انهم يمنعونك...أنتي استغلي هالفتره
واقلبي محنتك لمنحه من رب السماء اللي قدر لك
بهالوقت بالفراغ وعدم الإنشغال بالوظيفه اشغلي نفسك
وعقلك بالطاعات قراءه القران وصلاة التراويح وروحي للمسجد
وسوي اعمال خيريه ولو بسيطه تحسين براحه ووناسه ممكن
تفقدينها لو انك مرتبطه بعمل

__________________
"لله دُر أمي إذا ابتسمت
تهادت جروح قلبي والتئمت"

اعتبريها اجازه ...؟
مقطوعه بدون راتب ..!
في احد يتعب من الاجازه ..؟ وخليها فترة استجمام

أولاً ..قولي أعوذ بالله منك يا أبليس
ثانياً : بالله بالله مين يبغى يشتغل في رمضان !!!!!!
أنا مع أهلك رمضان للراحة والعبادة والإجتماع الأسري
والوظيفة بإذن الله بتكون لك لو لك نصيب فيها مالك نصيب فيها ماهي لك مايبغالها نفسية تتحطم ولا تسوء

قولي يارب