السلام عليكم
عايش في حيره هل اكمل ابتعاثي الى امريكيا
لدراسة الماجستير في تخصصص كيمياء

ام اقبل الترشيح في الحفر الباطن لتدريس مادة العلوم
الرجاء ان يكون الرد في صلب الموضوع
انتم لو كنتم في مكاني
ماذا تختارون ولماذا

انتظر ردكم

اذا جالك التعيين أمسكـ فيه لانك منت ضامن انك لارجعت بعد الماستر بتلقى وظايف
مو كل مين رجع بشهادة دكتوراة لقي وظيفة وشايف كيف وضع الوظايف العدله عندنا بالقطارة
اجل البعثة السنة وكمل تدريسك وبعدين خد اجازة بعد السنة بدون مرتب وروح كمل البعثة
بالتوفيق

انا لو مكانك بتمسك بالوظيفه طبعا سنه واخذ اجازه واروح اكمل الماستر لكن بلعقل هذي جتك وفي يدك الابتعاث حلو لكن مابعد الالتعاث راح تتفاضل مع ناس معهم ماستر زيك والاوليه للافضل اما لو توظفت وبعدها كملترجت بنفس وظيفتك لكن مستوى اعلى ماتتفاضل مع احد هذا رايي والاستخاره اولا واخيرا

انا لومكانك اقبل التدريس بدون نقاش
لانو اعرف كثير ناس تعينو ماجستير ورجعو وللحين عاطلين للاسف بالخدمه المدنيه مايقبل الا البكالريوس
وكثير معهم ماجستير وقدمو بشهاده البكالريوس وجامعتنا واسطه ماتقبل احد الا بواسطه يدرس فيها
انت ضامن الوظيفه لرجعت ..؟
راتب مدرس 8000 ريال ويزيد سنوي ومرتاح ومستقر ولا تروح تكمل وماتظمن تتعين اولا
والعمر يمشي بسرعه وراح نص عمرنا بالدراسه وليتها نفعتنا الا تخللنا بالبيت
انا اشوف انو تستخير + اقبل الوظيفه مدرس
الحين بالسعوديه احسن وظيفه هي وظيفه المدرس
بالتوفيق لك ..!

الابتعاث على الاقل بيكون تغير للافضل من جميع النواحي
لكن التدريس الاغلب لاجل المال فقط. وللاسف وظيفة مثل التعليم ويكون الهدف منها مادي بحت .
الشباب توظيفهم جدا سهل ان ماجاتك اليوم بتجيك بكرة وكمان المكان في الحفر
الافضل حدد هدفك من الوظيفةو من الابتعاث وبعدها قرر

لو مكانك باختار الوظيفه طبعا
تدري ليش . ؟
لاني بالوظيفه باضمن باذن الله وظيفه + ماجستير
تقدر تخذ تفرغ وتدرس على حسابك باي وقت
لكن لو كملت الماجستير ما راح تضمن الوظيفه
الا في حالة انه ما بقى لك شيء على التخرج ممكن تحاول
تكمل اوراقك وبعدين تقدم اجازه او شيء وتضبط وضعك

القرار في النهاية سيكون لك .. وأنت من يعرف مصلحة نفسه..

أحد أقاربي مثل حالتك بالضبط عُين معلم انجليزي .. بعد ذلك قدم إجازة من التعليم وذهب إلى استراليا ..

البتعاث فرصة لن تتكرر .. وستوقف يوما ما .. وسيندمون من أتت لهم الفرصة ولم يستغلوها..

الأرزاق بيد الله .. أول ما تخصصت في الجامعة كثير حطموني بسالفة ما فيه وظائف..

وراح تجلس في البيت لسنواااات .. ولا يعلمون بأن الأرزاق بيد الله ..

وها أنا معلم بعد مرور سنة ونصف من التخرج ..

استخر واستشر .. واقرأ عن تجارب من هم مثلك..

وفقك الله..

وعليكم السلام ..... راي في الابتعااث
مميزاته.. تتعرف على اماكن جديد.. وتاخذ لغه ..وترتفع في المؤهل الي ماجستير.. واكيد بعده دكتوراه حتى لوبكره مالقيت وظيفه يكفي ان معاك دراسسات علياا وكمان هم يصرفواا مكافات ياثناء البعثه زي الراتب اللي حتاخذ من مهنه التدريس
واي شي يرفع من مؤهلك يطورك ويرفع مستواك التعليمي ويفتح لك افاق اوسع وافكار اشمل اذهب اليه .
طبعااا اذ كان هدفك من الابتعااث هو العلم ثم العلم ففقط وليس هدف مااادي علشان بوكره ما تنصدم لو مالقيت وظيفه وتندم انك ما اخترت التدريس
والقرار بيدك

لو مكانك بدون تفكير باتوكل على الله واتمسك بالوظيفة
هالايام مهم جدا استقرار مادي في وقت يصعب وجود فرص وظيفية هالايام
بعدها خذ اجازة وكمل دراستك تكون ضامن الاثنين
انا قدمت في الديوان ومرشحة للابتعاث من سنة ومحتارة لكن للحين مانزللت اسماء المرشحات عشان اعرف لو نزل اسمي اجل قبولي في المعهد

واستخير وبتشوف الافضل لك

شكرا لكل من رد
اتمني لا اخطأ في الاختيار
ولا استغني عن مشورتكم