ايش رايكم في محل كوفي نسائي هل له سوق وماشي عند النساء أو لا وايش المطلوب لفتح المحل.
أرجو ممن لديه معلومات مساعدتي لاحرمكم الله الأجر.

السلام عليكم

مرحبا اخوي

سبق ورديت على العضوة داليا .. واسمح لي بقتبس ردي لان كان الموضوع مقارب

السلام عليكم


بخصوص المشروع .... دائم اذا كان مشروع يستهدف فئة معينة بهالطريقة محتاج اجتهاد مضاعف ...
يعني بالنسبة للشرقية المشاريع اللي زي كذا تستهدف النسائ فقط ما شفتها حققت نجاح كبير لان يغلطون غلط فادح
- الجودة ما يهتمون لها بتاتا
- المكان يكون مغلق لدرجة مخيفة لكونه قسم نسائي
فيه عبارة دايم اسمعها ... ( الاكل الحلو ببيوتنا .. بس المطاعم والكافيهات تكسبنا تجربة مختلفة )
فانتبه لنقاط معينة
- موقع المشروع وين بيكون . يفترض يكون في مكان حي ويسهل الوصول له ..
- نوعية الاكل ... اكل شعبي .. اكل ايطالي... او غيره
- ايش العناصر اللي تستقطبهمم فيه او ايش الخدمات الاضافية اللي تقدمها


كافيه اوتاكوشي ( ان شاء الله ما كتبت الاسم غلط )
كانت فكرته تستقطب الناس انها تايد القراءة ومملوءة بالكتب وجوها هاااااادئ وتصميم حميمي وكله دعم قدرات الشباب حتى اللوح المعلقة من لقطات شبابنا
فالجو محفز للغاية .... وكثير من صديقاتي وقت الامتحانات يذاكرون هناك او لو حبوا جو مختلف يروحون هناك وهو مطعم عوائل عادي

مطعم بياتو الايطالي
فكرته بالتصميم ان المطعم يعيشك جو كانك بحديقة بايطاليا والموسيقى الايطالية والنوافير وغيره .. اكله جدا عادي ...بس دايما مكتظ بالناس لانه يعيش الناس تجربة تحسسهم انهم مسافرين برى


كافيه باباروتي ..
طق عصي عليه بالعربي ما شاء الله لانه مختص بصنف واحد اللي هو خبزة الباباروتي والناس منجنة عليه لانه يقدم طبق واحد فقط !!! مختلف عن اي كافيه ثاني .. والموقع بمجمع الظهران مول ايضا لاعب دور قوي


( الكافيهات المذكورة .. عوائل وعزاب) بس اكتب لك من وجهة نظري كامراة .. ورأي النساء في محيطي
احدى الامثلة اللي اعتبرها فاشلة نوعا ما
كافيه زي زون بالشرقية
التصميم جدا متعوب عليه ... والأكل حلو .. لكن القسم النسائي مغلق كاننا بصندوق حتى نافذذة ما فيه شي اسمه اضاءة ما فيه .. للاسف ما قد شفت عليه نسبة اقبال نسائي ..

الخلاصة المشروع مستوى نجاحه محدده الاساسي انت وايش اللي بتقدمه للزبونة بحيث يكون ممييز...
ابسسطها سو استبيان فيه مواقع متخصصة لعمل استبيانات وانشرها واحنا بنساعد بنشرها بعد عشان تعرف ايش رغبات النساء في هالنوعية من المشاريع لان المنافسة عالية وعالية جدا

وان شاء الله يفيدونك البقية في ايش المطلوب لفتح المحل