السلام عليكم بدايتي قبل رمضان بأسبوع طبعاً قبل مابدا اروح يومياً الفجر وحياناً المساء فيه حراج يبدا الفجر وحراج المساء شاهدة كيف طريقة البيع والشراء من الحراج تشتري من الحراج اي خضار تبسط ساعتين او ثلاث ترزق الله بعدين تجيك البلديه تقولك رفع شيل البضاعه عشان النظافه ممنوع الأجنبي يبيع في الساحه مسموح للسعودي وهو تسامح من قبل البلديه ولا نظاماً ممنوع المهم تعرفت ع كم عاامل في الحلقه قالوا اشتغل معناا بس اوقف ع البضاعه وندفع لك 100ريال خايفين من البلديه لأن اي عاامل مامعااه سعودي تتصادر بضااعته المهم رفضت قلت اشتغل بالربح يعني الريال بنص بيناا وبشركم الحمدلله شغاال زي الحلاوه اقل شي اطلع يوميتي انا 150 ريال واكثر الأيااام 250 و 200 لاكن مع الوقت ان شاء الله بيرتفع الدخل هذي تجربتي وفيه سعوديين ماشاء الله قبلي في الحلقه يوصل دخلهم 1000 في اليوم بس يبيلهااا شوي صبر

ما شاء الله تباركـ الله
الله يسعدكـ يا اخ يزيد

ويرزقكـ من واسع فضلهـ
تقبل تحياتي

طيب وين هالحلقة بالرياض لو سمحت؟

ممكن تفيدنا اخوي باي حلقه اشتغلت والله يرزقك وييسر امرك

ماشاالله تبارك الله

انا عند استفسار يعني تشتري من الحراج خضرة ثم تبسط في اي شارع تبي بالسيارة ولا تبسط في نفس الحراج وهل فيه رسوم

اخوي وين مكانك إذا في الرياض مستعد أجي معك

يا اخواني المكان ( العزيزية ولا منفوحة ) اقوى موقعين بالرياض للخضار
والفواكة والعزيزية رقم 1 واعتقد خوينا فيها الله يرزقة بس علشان الحسد
التزم الصمت اللي يبي فلوس وبركة يدور زيية

عزيزي كاتب الموضوع في شايب عنزي سالفتة قديمة كان بالسوق زيك ونفس الموضوع
قال له عامل تعال حرج على بضاعه جايية من برا بثلاجة واخذها وكل يوم بعد الفجر
لك 500 ريال المهم راح يسولف بها عند حقين الخضار وقالوا يامهبووووول انت عرفت الشغله
وتقدر تطلع اكثر من 15 الف شهري وش ينقصك عن العامل قال الشااااايب فقط محل بالحلقة

وقام استأجر محل وضبط امورة والان يقال انة من اثرى اهل السوووووق واعتقد العزيزية

صلوا الفجر حول السسسوق وخذو لفة استكشافية لمدة اسبوع كل يوم تحضر كأنك طالب مستمع

وبعد اسبوع استخر وشف طريقك وميزتها هالشغلة ممكن تدخل ب500 ريال

تحرج على جح ( بطيخ ) وتاخذها من 4 او 5 ريال يجيك بطل يشيلها ب7 ريال ونشتريها حنا مدرعمين ب10 و15
نوديها للبيت وناكلها يعني والله لو ماني موظف لاتجة لحلقة الخضار بالعزيزية واشوف حظي

بالتوفيق للجيمع