[align=center]
السلام عليكم ورحمة الله وبركاته

رمضان كريم


أنا معلمة في احدى المدارس الاهلية . لا أظلم جميع المدارس بتجربتي في مدرستي ولكن سأخبركم عما واجهت :

بدات اجازتنا في اواخر شهر شعبان وفي شهر رمضان انا أبحث عن عمل وأرغب في التخلي عن المدرسة التي أعمل بها .

السبب

المديرة الله يهديها أسلوبها جداً غير لائق تربوياً


(( تخيلوا تصارخ علي قدام طالباتي ياليت اذا خطأ مني أو تقصير بس عشان تناديني أو اذا
الطالبات عندهم نشاط ويمرون من عندها وهم معي طبعاً تقول وش عندكم وتصارخ عليهم
وتقول يلا عالفصل وانا اقول لها انا عليهم عندنا نشاط وتقلب وجهها ولاترد . أحس شخصيتي
انهدمت قدام طالباتي .. اهانات كثيرة احتفظ فيها لنفسي ..))
حتى كذا مرة اسلوبها بكاني , مرة من المرات بكيت ورحت حصتي والبنات جالسيين يراضوني وجابوا لي حلى وقهوة


طالباتي صاروا يخافون منها علي .. ولا هي تعاملها مع الطالبات أحسن بكثير
وصارحت لها قلت عامليني كاني طالبة ماعد استحمل اسلوبك الي يوقف قدام ابداعاتي


ومافي فايدة أبداً

وحدة من الطالبات راح تدافع عني عندهم وانا ما أدري وش السالفة
لا وغير هذا كله الحصص كثيرة وكلفوني باشياء ادارية انا مالي دخل فيها



وصدقوني أنا ما أقصر في امانتي وما أغيب .. وكل يوم الطالبات يراسلوني بالواتساب
أستاذة بتتركين المدرسة وأنا ماقلت لهم أبتركه يمكن هم لو بمكاني ماقعدوا
وأنا تخصصي الحمدلله مطلوب وكثير مدارس دقوا علي


يمكن محد فيكم يصدق الي كتبته بس هذا واقع


وأنا حالياً أفكر أترك المدرسة بس عندي مشكلة تتوقعون اذا رحت مدرسة ثانيه ماراح يدعمني الموارد ؟؟



انتظر ارائكم في موضوعي

وأي معلمة عندها مشاكل مثلي ياليت تطرحه


شكراً ..
[/align]

هلا اختي نفس معاناتي مع المديره , ماقدرت اتحمل اسلوبها وتعاملها واهاناتها فقدمت استقالتي .. وابحث عن عمل جديد و الله الموفق ...

لكن هدا ع الموارد البشريه تتدعم المعلمه اكثر من مره اما غير المعلمات فيتم الدعم مره واحده ...

تفاصيل كلامي في موقع الموارد من خلال السؤال و الجواب ...

تسلمين عزيزتي على الرد ,, فعلاً التعامل السيء موجود بس ترى في مدارس اهليه راقية جداً في التعامل

وان شاء الله الموارد يدعموني أكثر من مرة


شكراً لك ....





انتظر البقية

الله يسخر لنا المدارس الممتازه في التعامل ...

اللهم آمين ....

السلام عليكم ..
اولا اختي وعزيزتي ازهار الربيع
مافيه مكان سليم من كل المتاعب والصعوبات
واذا مشكلتك بس مع تعامل المديره يمكن هي انسانه فضه وتعامل كل الناس بهالاسلوب واذا كذا شخصيتها يعني مع كل المعلمات كذا مو تتقصدك لشخصك
اشوف انك تكبرين عقلك وتخلين اذن من طين واذن من عجين

ماله داعي البنات يعرفون مشاكلك مع مديرتك او تبين لهم انك متضايقه اذا تبين تشكين او تتكلمين
اختاري من المعلمات وحده ترتاحين لها او كلمي صديقه لك او اخت وقولي الي بخاطرك
بس مساله تكبين العشا عند البنات اشوف انه يقلل من هيبتك ويشوفوك شخص ضعيف بالتالي ماراح تكونين القدوة لهم قد ما يتعاطفون معك ويرحمونك

عندي ملاحظه مو لك تعليق فقط ( احس سالفه بترك المدرسه ما اتحمل )كثير معلمات يقولونها من اول السنه لاخرها ولايسوونها يمكن يحسونها تنفيس عن نفسهم او يحبون ان الناس يقولون لا اقعدوا نبيكم او ما ادري وش يبون من هالحركة لاني عجزت افهمها المشكله ان اكثر ناس تعيد وتكرر هالموضوع هي اكثر ناس تقعد اطول مدة


اذا استخرتي تتركين ووجدتي بديل حطي ايجابيات وسلبيات للمقارنه وبعدها قرري
عشان مو اذا طحتي بمديره اقشر قلتي ليتي متحمله قردي
الله يوفقك

مشكورة أختي منى الروح على ردك

هي المديرة تعاملها السيء معي قدام الطالبات وهم عارفين من قبل لأشتكي بلهي تتشكى مني عندهم

والسبب لأني جديدة بالمدرسة لي سنه معهم والمعلمات الي معي كلهم قديمات أقدم منها , والمعلمات مو مقصرات

هي تعاملها حتى مع الجهات الرسمية كذا , ما تعرف تتفاهم تصارخ بالوجهه كاننا مو في مدرسة

أنا اشتغلت في اماكن ثانية وأعمل متطوعة ماشفت اداره اسوء من الي اشوفه في مدرستي


مع العلم أنا ممتازة في تخصصي وتربوية والحمدلله الموجهات ما انقدوني


انتي تدرين مرة صرخت علي وقالت روحي جيبي فطور الاداره من الباب هذا غير الـ .....

وانا بالعكس أول ما القى مدرسة محتاجين تخصصي بطلع


بس قلت انا ماني خايفة الا من الموارد اخاف مايدعموني

بس لما سألت يقولون عادي بيدعموني باذن الله



شكراً حبيبتي على مشاركتك ..