ﻵتفكرون بشي وهو مجرد كلام يابنات هونوها وتهون الدنيا ماتسوى نعقد الموضوع ولاتنسون الاحوال تتغير والناس تتغير بمناصبها وربكم كريم يغير من حال الى حال توكلوا على الكريم وماخاب من قال يارب

اتمنى منك عدم الدعاء على الآخرين

رمضان كريم.

نصيحة بنات .. (حب لأخيك المسلم كما تحب لنفسك) .. ليه الدعاء على أختك المسلمة؟ لاتمكني هالأمر من نفسك وقلبك.


هي مب صاحبة قرار ولا لها أي علاقة في رزقك. ليه هذا اليأس والدعاء يا أخوات؟

وهي برضو مب مقترحة.. من أيام قياس وواضح من أجوبة الخنين إنه مستقبلًا رح يكون فيه تغيير في معيار أو آلية الكفايات. والله أعلم.



وأهم شيء يا أخواتي الكريمات .. إن الله يوفقكم وماتحتاجوا للاختبار .
والأهم لاتستخسروا أنفسكم. وقدراتكم. الأغلب كان متخوف من فكرة الاختبار، وماشاءالله اجتازت الاختبار بكل جدارة.

لاتسمح للتعليقات السلبية تحبطك أو تقلل من عزيمتك. خلي شعارك مهما وضع من شروط إنتِ قدها. وتوكلي على الله في كل حال وثقي ثقة تامة إن الرزق من الله. ولعل هذا الاختبار مسبب في توظيفك ( الله أعلم صح؟)

بنات الله يسعدكم لا تدعون على احد الأرزاق بيد الله ومافي أحد حياخذ رزق الثاني .

أتمنى من بنات المرحلة الثالثة ان هدفهم يكون الحصول على نسبة عالية وما يكون الهدف مجرد اجتياز تحسبا لأي قرار . الموضوع لمجرد التنبيه . عموما لما درجة قياس يكون عليها نسبة الكل راح يدخل المفاضلة بغض النظر عن درجة قياس وما حيصير زي التقديم الحالي بنات يدخلون وبنات لا . أتمنى التوفيق والخير للجميع .

اتمنى منكم التعاون مع بعض

بالتوفيق

انتو بس تدعون والحجة انكم مظلومين !؟

ديحن اتنفذ القرار حتى تتظلمون ..؟؟

لاحول ولا قوة الا بالله ..

ادعوا لأنفسكم بالوظيفة العاجلة افضل لكم

شوفي بصراحه بقولك شي ..
اساسا القياس ظلم .. لانه يحدد دخولك المفاضله من حرمانك منها
والا وين راحت 4 سنين دراسه ؟
طيب طبقوه .. بأمانه الظلم التساوي بالدرجات فعلا
تدرين ليش
لاني اعرف بنات فعلا معدلاتهم عاليه جدا وهم أكاديميا سيئات جدا جدا جدا
بنتي تدرس وتعذبت من هالنوعيات الفاشله
واللي معدلها عالي بتعبها وجهدها من الطبيعي انها تتجاوز قياس تراه مو بهالصعوبه ونصه معلومات عامه
مراة ااخوي لها 15 سنه رياضيات وتجاوزت الاختبار ودرجتها بالثمانين
بس البنات حطوا ببالهم انه صعب ومعقد طيب شوفي اللي تخرجوا ممن الثانوي كلهم تجاوزوه وجابوا درجات عاليه
وانا اختبرت قدرات وكفايات معلمات القدرات اصعععب بكثير من كفايات مافي مقارنه

الحين نقاطك هي هي م اتزيد لو تعديتي 10 سنوات ؟ ! ليش
المفروض في اشياء تقدر الوحده تسويها ترفع من نقاطها
اولا انهم يحتسبون الاقدميه بدون حد اعلى حرام في بنات لهم 15 سنه او اقل ما توظفوا !
والمفروض اصلا يحصرون القديمات ويوظفونهم لان اعتقد المتبقي منهم مو كثير
الشيء الثاني انه تحسب لك نقاط مثل نقاط المعدل من درجة قياس ترفع نقاطك وانه الاختبار يكون 3 مرات يالسنه ويسمح لك تدخلينه عشان تعدلين درجتك
يعني تخيلوا معاي .. انا تخرجت عام 1431 ووحده تخرجت وراي لكن انا جيد جدا وهي ممتاز نقاطها اعلى مني .. مع انها اخذت بقياس 51 وانا اخذت 90 _ مثال فقط مو درجاتنا الحقيقيه) مو من الظلم اتساوى معها ؟
لازم ما يكون كل شيء على المعدل يكون شيء على قدراتك الاكاديميه الحقيقه وشيء على معدلك عشان يكون فيه مقدار من العدل
لان في ناس كفاءتها عاليه ومعدلاتهم منخفضه يعني في كثير يتعرضون لظروف قويه وفي كثير كليات متساهلين وكليات معقده انا درسوا معاي ناس رسبوا بكل المواد ونقلوا لكلية بنفس المنطقه تخرجوا ممتاز @ بالله هذا وش يفسر لكم ؟

وبحكم تخصصي .. وحده من زميلاتي تقديرها جيد .. نقاطها منخفضه والله انها تتكلم مثل الاجانب تبارك الله وكفاءتها جدا جدا جدا عاليه ولو تدرس اي جيل راح يكونون واو بالانجلش .. واعرف في دفعتي ناس تقاديرهم اعلى بكثير والله ما تعرف تقرا كلمتين

الحق يقول من العدل عدم المساواة بالدرجات زيها زي اي اختبار .. والعدل يقول ان اختبار قياس برمته ظلم للقديمات خصيصا المفروض يسقطون الشرط عنهم بصراحه لان لا مناهجهم ولا ودراستهم ولا السنين اللي جلسوها تخلي من العدل انهم يختبرونه

كان في قياس ظلم اشوفه على القديمات فقط لا غير وبصراحه معروفه دراستهم شلون طلعوا ناس صح
لكن الاجيال والخريجات الجدد اقول بكل قوه قياس مطلب بصراحه لان مو كل من تخرجت قد التدريس

واتمنى لو في مفاضله سنويه للوظايف الاداريه للفئه اللي ما اجتازت قياس بس تتفاضل عليها لانها الانسب لهم

لحد يزعل هذا رايي ووجهة نظري لا تزعلون احنا نتناقش

انا اكثر مو حاز في خاطري الا بنات المرحلة الثالثة على اعتبار ان نقاطهم اقل من المرحلة الثانية يعني وحدة مثلا تخصصها عربي نقاطها ٨٣ ترشحت في المرحلة الثانية في حين وحدة نقاطها ٨١ ما ترشحت وما اختبرت بالتالي ما قدرت تدخل المفاضلة وهما كلهم قديمات لنفرض ان اللي نقاطها ٨٣ أخذت في قياس ٦٠ في حين اللي نقاطها ٨١ أخذت ٧٢ بالتالي لو كان لقياس نسبة في المفاضلة كان دخلوا ثنتينهم وممكن تتعين الثانية اللي استبعدت يا حرام من هالمفاضلة . بصراحة انا كنت مع رأي ان قياس يكون مجرد اجتياز بس بحاول افهم وجهات نظر البنات من غير تعصب علشان ما اكون مشاركة ولو من خلال رأي في ظلم أحد . شوفوا معظم تحليلاتنا لفرصنا في التعيين فرحانات بأن لنا الأولوية يالتربوبات ونسعى علشان نعرف عدد المجتازات في تخصصنا وفي نفس الوقت نبدي تعاطفنا معهم انا أشوف هذا تناقض بصراحة . يمكن لاني انظلمت في السابق من خلا ل التصنيف لتخصصي وحسيت بالظلم علشان كذا بحاول أتفهم موقف هالبنات . ولا. تنسون لما بنات المرحلة الثالثة سووا حملة لتأجيل الاحتياج كلنا ما رضينا علشان ما تروح علينا سنة من صلاحية قياس في حين هم راحت عليهم سنة من عمرهم لأنهم بس ما اختبروا بسبب قرارات للأسف ظالمة من وجهة نظري . فما دام رضينا بالقياس كمان للزم يكون من مبادئنا الايمان بالعدل بين الخريجات قولا وعملا . وحب لأخيك ما تحب لنفسك والله يوفق الجميع لما يحبه ويرضاه .

وجهة نظر والاختلاف في وجهات النظر لا يفسد للود قضية .

وازيدكم من الشعر بيت فيه واحد في االثامنه ...في احدى مواضيع الخريجيين قال انا اقترح على الوزارة انها تحط افضليات في الجامعات والكليات في دراستها .... عرفتوا كيف يعني مثلا الاول جامعة الملك سعود مثلا ...ثانيا جامعة الملك عبد العزيز وهكذا لازم من القرارات الظالمة تخيلي تكون افضليه جامعتك او كليتك الاخيرة حسبي الله عليهم ...والله يعينا عليهم يعني توقعوا اي شئ

اما من ناحيه قياس والله لو ماعرفنا كيفيه اختبار الرجال والله يكون اكثر البنات غير مجتازات لكن كان عندنا خلفيه عن الاختبار عشان كذا بعض البنات جابوا درجات عاليه وكمان المذاكرة من الكتب الدراسيه اسهل بكثير من مناهج الجامعاات...والله يوفقنا اجمعين