23-08-2013, 08:09 AM
|
عضو جديد
|
|
تاريخ التسجيل: Jun 2013
المشاركات: 22
معدل تقييم المستوى: 24
|
|
يسعد أوقاتك . .
انا سبق أن قابلت وكانت هذي أسألتهم...
اول ماتدخلين يقولون لك عرفي بنفسك
ليه بتصيرين معيدة ؟؟؟
إذا صرتي معيدة وش خطتك بعدين ؟؟
ماهي نقاط قوتك وضعفك ؟
تقدرين توفقين بين دراستك العليا والعمل كمعيدة والعمل الاداري .؟
وش بتسوين للقسم اللي بنوظفك فيه ؟
اسالوا لو جاك ابتعاث بتوافقين او لا ؟
و شو تخصصك الدقيق >> يعني فقه تفسير و هكذا و إذا جاوبتي يسألونك من التخصص اللي اخترتي .
تعرفين انقلش ؟
تعرفين للحاسب؟
عندك دورات ؟
يسألون آخر كتاب قرأته وماأهم الكتب التي قرأتها؟
و شو الشي المميز فيك ممكن ينفعنا يعني ليش نختارك من بد العالم
و لازم يسألون في اصول الفقه مهما كان تخصصك الدقيق
و لو انتي تشرحين وفيه بنات يهذرن وش تسوين معهن ؟؟
و يقولون لك عن كتب من ألفهن او انتي تذكرين اسامي كتب ومن المؤلف يعني احفظي كذا كتاب خصوصا" في الاصول وفي المذاهب الفقهيه الأربع
كمان يسألون عن علوم الحديث >> الصحيح الضعيف و و و.
ويسألون عن آخر الاحداث في المملكه او في العالم.
وهنالك جامعات تحدد مقابلة شخصية فقط حيث يحدد نسبة لكل معيار كالتالي :
55% على المعدل
10% على أسئلة في التخصص
5% على مهارات استخدام الحاسب الآلي (أو اللغة الإنجليزيه) أو كلاهما
10% على الثقافة العامة
10%على المظهر العام المحتشم والثقة بالنفس
10% على الجامعة التي تخرجتي منها (يعني إذا من نفس الكلية ومن نفس الجامعه لك أولوية على اللي جايين من خارج المنطقة ).
عااااااااااااد اهم شي في المقابله عدم الارتباك واظهار الثقه بالنفس مطلب مهم جداً جداً.
هذا اللي اقدر افيدك فيه .
منقول.
|
العرض العادي
