بسم الله الرحمن الرحيم
لن اطول عليكم
لكل المقبولين الف الف مبروك واعذروني ع القطعة منشغل شوي والحين فضيت لكم

الي خلص المواعيد والخرابييط ذي خلاص بقي لك الملف بسيط جدا........


اقول لكم



من اول يوم تدخل ال45 يوم (نصيحة محب لااكثر ولا اقل)
تعرف على اخوياك زملاء دورتك 74
لا تكون بثر ولا تكون نشبة اعرف فنون التعامل مع الناس .(راح اتكلم عنها بعدين)
كن صاحب وجه واحد لا تتقلب الاقنعة لاارضئ الجميع
كن صاحب شخصية
راح تقابل العينات الزحيفه والمهايطيه وراح تلاحظ العنصرية بشكل ووووووووووواضح


اتركها والله انها سببت الفرقه والكراهية بين الزملاء

من ان تصلي الفجر
اكثر من الاستغفار
ف الهرولة ردد الاهازيج مع المدربين
خل همتك عالية

التمارين الرياضية (الهرولة وتمارين تكوينية)
لاتشد على نفسك تتعب ولا ترخي ماتستفيد
خلك معتدل
حااااااااااول ان تطلع من الاستجداد وعندك لياقة لنفسك انت الي بتتعب
----------------------------------------------------------------------------
لا تخاوي *النفسيات*(وهم الي يعدون الايام ع نهاية الاستجداد)
يجيك يقول مثلا^لو انك بالجامعة الحين ولو ان توك طالع من دانكن^الخ وكذا

كل يوم تعلم شي جديد
الخطا لايتكرر منك
احترم الاقدم و تعلم من القسم المتوسط فهو اقدم منك وافهم منك ومر بالي مريت فيه
راح تلقى ناس ماكانوا يدخنون طاحوا ف الدخان وهذولا والله امعااات وتيوس

خل لديك صديق وكون علاقات
-----------------------------------------------------------------------------------

اذا حسيت نفسك طاحت ونفسيتك تعبانه
علااجها ركعتين وقل اللهم اعني فيما انا عليه
اللهم اعني ووفقني ويسر لي مابداته
__________________________________________________ __________
اذا جاءت الوجبات كل كل شي قدامك
جتى لو ماتشتهيه
اذا ماشتهيته ترى جسمك يستفيد منه مو لا زم تحبه
__________________________________________________ __________
بعد3 اسابيع راح يبدا التعليم(الدراسة)


وهي سهلة ولكن كن حاضر الانتباه
اذا كنت من اصحاب النسب العالية ايام الثانوي شد حيلك وكن من الاوئل
هذا فيما يخص التعليم
__________________________________________________ __
هذا الي كنت ابي اقوله والي عنده سوال يسال


*لكم ودي

السلام عليكم يا شباب الجامعات تفتح اليوم ولا لا ؟؟

الشاطر يقول .. اذا سلمت الملف بدون اخلاء طرف .. يمديني ارسله فاكس لهم ؟ ولا لازم اجيبه مع الملف ؟؟ يا ليت ترد

والله مشكله بس اعرف واحد سلم ملفاته بدون الاخلاء وارسل الاخلاء فاكس للكليه وقبلوه

السلام عليكم و رحمة الله و بركاتة
اول شئ حبيت اسلم عليك يا الشاطر يقول و انت معروف ما شاء الله عليك كلن يذكرك بالخير عما فعلتة لزملائك العام الماضي
عندي كم سؤال في راسي و الصراحة كنت انتظرك

1 _ بالنسبة الاغراض انا عارفها بس فية شئ ما ادري اجيبة ولا لا القماش اللي يكون مكتوب فيه كلية الملك عبدالعزيز الحربية و الثاني اللي مكتوب فيه الاسم اجيب ولا هم يعطوني ؟!

و هل هم يعطوننا لبس الجيش ولا اشترية

2 - بالنسبة لي بطاقة الصرافة اجيب لهم ورقة الايبان و مختوم في الورقة ولا اجيب بطاقة كشف حساب احسن ولا كل الثنتين ؟؟ وهل لازم بنك محدد ولا أي بنك

3_ بالنسبة لاول 45 يوم هل يكون النوم و القعدة مع الطلاب المستجدين ولا يوزعوننا بالغرف مع المتوسط و النهائي من اول يوم

4_ طالب المتوسط يقدر يعطيني عقابات ولا ما علية كلمة علي و اقدر ارد علية هل زية زي النهائي ولا لا وش يفرق بينه و بين النهائي من ناحيت العقوبات

5 _ طالب النهائي لو عصيتة ايش بيدة من العقوبات هل يقدر يفصلني او ينقص من السلوك ولا ايش بالضبط يملكه

و ايضا بالنسبة للمتوسط و النهائي له الحق يمد يدة علي ولا يبطي ؟

6_ هل يكون بيننا و بين المتوسط و النهائي تمارين جماعية ولا ما لنا دخل فيهم ولا نشوفهم الا قليل

7 _ عادي اجيب قفل معي للشنطة

8 _ بالتمارين عادي يكون بوكي معي علشان مقدر اخلية بالغرفة وهو فيه الهوية الوطنية و بطاقة البنك و الرخصة و القرنقش الزبدة اللبس اللي يعطوننا اياه فية مخبات

وبسسسسسس

معليش طولت عليك بس هذي الاسئلة كنت مجمعها من زمان اتوقع ما خليت للشباب اسئلة هههههههههه
و يعطيك ألف عافية و ما قصرت يا الشاطر يقول الله يوفقك قسممممم اني اتمنا و ادعي ربي انك تكون معي بالغرفة القعدة معاك و مخاوتك تنشرا

المُحترم يُحترم

قاعده معروفه وشهيره

بالتوفيق لكم

شكرًا على الأجوبة يا غالي وماقصرت وبالنسبة للبس الدخول والخروج (زي اللي لابسه حسان الله يرحمه ويغمد روحه الجنة ) متى نستلمها وهل عليها لوحة تفتيش وبالنسبة المغسلة كيف خدمتها وتسلم خلال كم يوم الله لا يهينك وعذراً على كثرة الآسئلة

السلام عليكم

الله يحيي زملاء الدفعه شباب انا عندي سؤال
انا سحبت ملفي من الجامعه وماختمو على شهادتي ولا شي مافي شي يوضح اني مقبول في جامعه
هل يدرون هم ولا