السلام عليكم ورحمة الله وبركاته
انا انتظر القبول النهائي في كليه الملك عبدالعزيز الجويه لاكن سمعت انه في الفحص النهائي الي يدخن ماينقبل صحيح الكلام ذا ؟؟ , هم قالو انه فيه فحص اشعة طيب اشعة ايش ( صدر , عظام )

ي جماعه الخير محد عنده رد يفيدني فيه ؟

مالي علم بس ماعتقد بيبقى احد لو بيطردون المدخنين

والاشعه مالها شغل في الدخان لا من قريب ولا من بعيد

ياخي وش دخل ام الفحص في الدخان ؟؟ ماله علاقه وانا اخوك مايقدرون يطلعون انك مدخن لين يلقطون الزقاره معك خذ العلم

الفحص علي الصدر ماهو عشان التدخين الفحص لسلامة القفص الصدر من عيوب خلقية ، ونص اللي يدخلون الدورات مدخنين .

يعطيكم العافيه ماقصرتم , والي عنده كلام ثاني يفيدنا

150 مشاهده و 6 ردود بس !

توكل على الله ولا تخاف ودام انه فيه تشديد جدا وبيفحصون النيكوتين بالدم بواسطة التحليل والأشعه ثلاث أيام طال عمرك لاتدخن ولا زقاره والجسم تلقائيا يصفى من النيكوتين .. هذا اذا كنت خايف وعشان ترتاح ولا هو بالأساس مايدققون فيها .. موفق خير من الله

مثل ماقال اخوي اقطعه 3 ايام ويتصفا الجسد من النيكوتين

واصلا التدخين ماهو من المعوقات للفحص