حسبنا الله سيؤتينا الله من فضلة انا الى الله راغبون

ياااارب يااااكريم يافعالاً لما تريد ارزقنا التعيييييين على الرغبة الاولي وفرح قلوبنا ياااااكريم ....

صباح الخير على الجميع
والله يتقبل صيامنا ويغفر لنا ويرحمنا ويعفو عنا ياكريم ويحقق لنا كل اللي نتمناه ويعوض صبرنا خير
انا نقاطي بالسبعين احياء وكل مااتذكر ان هالمفاضله راح تكون نقاط الاحياء عاليه من بين كل التخصصات لاننا حُرمنا من مفاضلات سابقه يصيبني احباط شديد ماني متخيله نفسي بعد العيد الكل بيسافر عشان الدوامات واللي يعود نفسه على النوم بدري عشان الدوام وانا حالي ماتغير من خمس سنوات ووبعد العيد ماقابله امي وابوي الله يخليهم لي بس سوالفيهم سواليف شيبان يعني احس نفسي بعد التخرج جاني تقاعد وجالسة بالبيت هههههههههههه
بس بقولكم شغلة عن التفائل والحمدالله بعد هالشغلة نسبة الاحباط واليأس قلة بشكل كبير
طبعا مثل منتو عارفين كان تخصص الاحياء بسبب التصنيف مستبعد ووعدتنا وزارة التربية والتعليم برمضان الماضي انهم راحو يلغو التصنيف ابتداء من عام 1434 طبعا كل هذا موثق بمعامله ولها رقم وفرحنا ولله الحمد انه انلغى واختبرنا قياس واجتزنا على اساس اننا راح ندخل وبعد تسجيل الشباب بالوظائف التعليمية وخلاص راح تنزل اسماء المرشحين قبل رمضان اكتشفنا ان التصنيف لم يلغى وراحت وحده من البنات الله يجزاها خير تقابل الوزير بالخدمه المدنية وبالفعل مانلغى التصنيف وقالو راح نحل الموضوع لان على كلامهم وزارة التربية والتعليم هي اللي ارسلت دليل التخصصات والتصنيف موجود وراحت البنت لتربية والتعليم وكل مين يحطها على الثاني تخيلو يابنات مابقي غير اسبوعين وينزل الاعلان حق التحديث وعلى كلام منتظر واحساس صادق ان دليل التخصصات والاحتياج خلاص وصلهم ومابقي الا الاعلان بعد ترشيح الشباب ولمى قالت الاخت اللي راحت للخدمه المدنية ان الوزير قال راح نحل الموضوع قلت خلاص هذول 3 شهور اقل شي يبغالهم مثل البديلات سنتين وعيلها لانهم مو بس الخدمه المدنية حتى التربية والتعليم لازم تكون معهم والله يابنات اني كنت مستبعده دخولنا هالمفاضلة وكانو صحباتي يقولون بدل ماتحبطينا معك استغفري وادعي بقيام الليل بيقين ان الله راح يكتب لنا نصيب وندخل هالمفاضله والله يابنات بيومين البنت بشرتنا والخنين رد على البنات بالغاء التصنيف من بعدها مالي حجة ان يصيبني احباط

الله لا يضيعلنا تعب ويرزقنا ويجبر قلوبنا ويفرحنا .. ياااااارب لا تردنا يااااااااارب

فعلا يا أخوات الاستغفار هو سر السعااده وسر النجاح بالتعيين وسر الزواج وسر الأرزاق
أكثروا من الاستغفار وسترون عجبا ،،، عندي قصص كثير كانت مستحيل أنها تتحقق حسب الظروف اللي عايشتها ،، وفيه أشياء راحت مني وكان من سابع المستحيلات أنها ترجع ،،، ولكن والله والرب شاهد عليا أنها مع الاستغفار وحسن الظن بالله شفت المعجزات
الله قريب مننا ويعلم مافي قلوبنا ويريدناان نكون اقرب ،،،لكن البعض منا. الله يهدينا نعرفه وقت الشدائد ،،،ورغم هذا يغشانا برحمته ويفرح برجوعنا اليه وإلحاحنا بالدعاء له،،، سبحانك ربي انك قادر على كل شئ ،،،يامن تقول للأمر كن فيكون ،،،، حققا أمانينا واغمر قلوبنا فرحا وسعاده وارزقنا التعيين ان كان خيرا لنا وفرح أسماءنا يوم نزول الترشيحات بفرحه تجعلنا نخر لك ساجدين شاكرين ويسر أمور المطابقه والمقابلة وإتمم علينا بالمباشره ،،،وبارك لنا في رواتبنا لنتصدق منها ونكفل الأيتام ونسعد والدينا واحبابنا ،،فانك انت وحدك تعلم بحاجاتنا لهذه الوظيفةا ،،،انك. مجيب الدعوات والعالم بكل حال ((امـــــــــــــين ))

احلي تجمع والله وان شاء الله نفرح ب التعيين بس انا لفت نظري وحده من الا خوات قالت النسخ المختومه يعني لازم صوره الشهاده مختومه وحسن السيرة والسلوك طمنوني انا ما عندي مختومه

يارب توفقنا وترزقنا بالتعيين في المناطق القريبه ياااارب وكل من قال اميين

رساله الخدمة بالترشيح توصل قبل تنزل الاسماء ؟؟