السلام عليكم ورحمة الله
صباح/مساء الخيرااات
تقبل الله طاعتكم وجعلنا من من ادرك رحمته ومغفرته والعتق من النار
اخواني اللي مقدمين على الوظايف العسكريه "افراد" نصيحه من قلبي لقلوبكم اتمنى التفكير فيها وعدم تجاهلها
اول شي انا جندي في الامن العام وظيفتي لاتغني ولاتسمن من جوع تدخل فيها مفلس وتموت وانت مفلس الا من رحم ربي
و نصيحتي بقدمها لفئتين
الفئه الاولى الناس اللي عندها قدرة ماليه وصغيره في السن
اذا توفرت الشيئين هذي فيك ابعد عن العسكريه ادرس وشد حيلك بدراستك واذا قدرت تطلع بعثه لا تنتظر اطلع وجيب شهاده وادخل مجال تستفيد ماديا ومكانه لان الافراد مالهم مكانه في العسكريه ويمكن حتى في المجتمع بشهادتك ترفع مكانتك
الفئه الثانيه اللي مجبورين على الوظيفه
حبايبي اللي مجبور على التقديم اول شي ربي يوفقه وثاني شي لاتغلط الغلط اللي انا طحت فيه لاني ندمان
الغلط هوا اول ما توظفت خرجت قررض من البنك اشتريت سيارهه ما استدفت ولا حاجه لاجمعت فلوس تزوجني والراتب طارت منه البركهه
اذا توظفت وخلصت الدوره العسكريه واخذت قرض من البنك فاحرص انك تسوي مشروع يدخل عليك فلوس والمشاريع كثيره لاتشتري سياره او تضيعه في شي ما يفيدك واذا استفدت من القرض بشكل صحيح خمسه سنوات وتصير تاجر صغير وتغتني عن العسكريه
كلامي هذا نابع من القلب وابغاك بس تفكر بمستقبلك اغلب الافراد يدرسون في الجامعات عشان يلقى له وظيفه غير العسكريه
ربي يوفقنا واياكم ويرزقنا من واسع فضله
نصيحه من محب لكم