السلام عليكم

اخواني احتاج نصيحكم و وشوركم ضروري وبدخل بالموضوع فورا قصتي هي كالتالي

قدمت على احد الوظائف في طاقات وظيفه "مديرة معرض" واتصلو علي مكتب التوظيف وقالوا رشحناك لوظيفه بائعه بأحد الشركات والماركات وقلت انا جامعيه وما ابغى وظيفه بائعه فسكت وقالي مسجل عندي شهاده ثانويه قلت لا جامعيه فبدأ يحاول يقنع فيني وياخذني بالطول والعرض وقالي بكره تاخذي اوراقك وروحي لهم وتفاهمي مع الاستاذه الأن اتصلي عليها-الساعه 12 الا ربع بالليل -, اتصلت على الموظفه وقالت ندربك فتره مؤقته ماتتجاوز الشهر وبعدها نسلمك الاداره ورحت ثاني يوم واخذو الاوراق وحضرت دورات وكان المكتب جدا فوضوي وبعدها بكم يوم اعطاني الموظفه صوره من العقد وقالت يله وقعي عليه قلت ابغى اقراه اول قالت طيب ودقايق مامداني اخذ الا رؤوس اقلام من العقد الا جاتني موظفه ثانيه-المدربه- وقالت تعالي الكلاس فيه كلمتين بقولها مهمه قلت بقرأ العقد قالت دقائق ماراح نطول فرحت حضرت التدريب وكل ما احاول اقرا بالعقد تقولي الموظفه يافلانه خلاص العقد سليم وركزي معي بالتدريب وبعده مباشرة رحت ووقعت بضغط منهم وفوضويه بدون مااركز بالعقد ووقعت على نسختين واحده لهم والثانيه للموارد وقعتها بكاااامل اوراقها حوالي 10 ورقات والنسخه الثالثه لي لاهي مختومه ولا موقعه!!

رح للبيت ولما قرات العقد لقيت بلاوي اولا الوظيفه مدعومه من الموارد البشريه وانا للان ماعندي الفكره الكافيه عن دعمهم وعن المستقبل الوظيفي معاهم
ثانيا مسمى الشركه غير المسمى اللي متفقين عليه -شركه ثانيه-
ثالثا النسخه اللي عندي لاهي مختومه ولا موقعه
رابعا المسمى الوظيفي المفروض يكون مديرة معرض ولقيته كاشيرة
خامسا والاهم ضربت بشهاداتي الجامعيه ودوراتي عرض الحائط ولم يعطو لها اي اهميه

رحت لليوم الثاني وقلت لهم انتم ورطوني بعقدكم هذا مااعطوتني فرصه اقراه وهذا من حقي المسمى ماقلتو ان الوظيفه مدعومه من الموارد وانا احتمال تجيني فرصه وظيفه افضل من هذه اللي اجبرتوني عليها المهم حاااااولو معاي يقنعوني حوالي 3 ساعات وبالاخر اعتذر الموظفه انها ماقالت لي ان الوظيفه مدعومه من الموارد وقلت لهم اعملولي اخلاء طرف والحقو اسمي لاينضاف للموارد بسرعه وكلام كثير بالاخر قررت اخذ الوكيد اند هذا افكر فيه واستخير

اسئلتي اعزائي ياليت القى جواب لها

بحال انضاف اسمي للموارد ايش العقوبات اللي تواجهني بحال حبيت اغير العمل وحصلت فرصه وظيفيه افضل؟ وليش اغلب العروض الوظيفيه يطلب لم يسبق له الدعم؟

اقدر اكمل دراسات عليا بالخارج بحال دعمت بوظيفه مدعومه من الموارد؟ وان كان الجواب لا؟ ايش الحل وايش تنصحوني؟

على حسب ما خبروني اعتبر موظفه عندهم من اول يوم تدريب -تقريبا لي اسبوع- فهل يكون لي مستحقات؟ خبرتني الموظفه ان التدريب عليه 700 ريال 4 ايام ان حضرته كامل!! فهل تدفع لي؟ وان انكروا ما العمل؟

واسفه على الاطاله

استغفر الله ربي واتوب اليه

استغفر الله واتوب اليه

لو دعمك الصندوق مره واحده خلاص لايدعمك مدى الحياه ( الصندوق الأسود )

بس من شروط الصندوق أنك لازم تستلمي راتب 3 شهور يعني معاك وقت تطلعين ولاتعتبرين مدعومه


عادي الدراسات العليا ملها دخل بصندوق الا أن كان جامعه أهليه بالمملكه متعاقده مع الصندوق

بأتفاقيه بينها وبين وزارة التعليم العالي


أخيراً أختي

لو قدمتي على شركه وأتصلو وقالو مسمى وضيفي غير الي بالأعلان

على طول نشرشحهم ونقفل الجوال بوجيههم النصابين

هذا أسلوبهم ينزل مسمى وضيفي مدير وهو طالب بائعين

وينزل راتب عالي وعند المقابله الراتب يختلف


لاكن لو تقلب الدنيا عندك المره الثانيه ناخذ وقتنا بقراءة العقد


أي أستفسار أنا حاضر وأنا أعتقد بأننا نتكلم عن شركة الشايع ولا الحكير

صباح الخير

الف شكر اخوي على التفصيل والتوضيح جزاك الله خير وربي يرزقك بالوظيفه اللي تقر بها عينك بحق هالشهر الفضيل

الشايع والحكير وهل يخفى النصب , لكن الشايع نفذت منهم قبل 6 شهور وبسبب نفس المشكله, لكن الحكير بفوضيتهم خلوني اوقع على العقد بقمه الخبث

عندي استفسار اخير كيف اسوي معاهم بالنسبه لمكافئه التدريب وانا اعتبر موظفه من اول يوم توظيف فهل استحق المكافئة ؟ وان نكروا ما العمل؟

سؤال ثاني ماقصه الارتباط بالموارد لمده لاتقل عن 5 سنوات وهل استطيع التنقل من وظيفه لاخرى وانا مدعومه منهم؟؟

واشكرك على تعاونك مره ثانيه ربي يجزاك خير

الله يعينك أختي ويوفقك