السلام عليكم

بأدخل في الموضوع مباشرة
كنت في احدى المنتديات وجتني رسالة على الخاص من وحدة عنونت لرسالتها بـ أمس الحاجة

وكتبت ان زوجها متوفي وان عليها اقساط متأخرة لايجار بيت وعندها عيال

،،،
طبعا انا ما صدقت هالسالفة

وكتبت ان راعي العمارة سحب المفتاح منها اليوم ، ومحتارة وش تسوي وجلست تنتخي قبيلتي ومدري وشو

وكتبت ارقام قالت هذا رقم صاحب مكتب العقار ورقم تلفونه وارسلت رقمها وانا ما ابي منك غير انك تكلم صاحب العقار يكلم صاحب الحلال يصبر علي


قلت دام بس اكلمه عادي جربت ودقيت على الرقم رد علي واحد صوته كأنه شايب

كلمته قلت له ام سالم مستاجرة عندكم ؟ قالت ايه هذي اللي سحب مفتاح بيتها الحضرمي يقصد (صاحب الحلال)

قلت له وش مشكلتها ؟

قالت عليها سبعة الاف ريال وانا سددت الفين ريال عنها لان زوجها متوفي ، وباقي خمسة آلاف لازم تندفع عشان ما يروح عفش البنت

طبعا كان الشايب مفوه بشكل غير طبيعي وكلامه ولهجته قبيلية منمقة

قلت طيب خير رجعت اتصلت على رقمها ورديت علي واحدة حرمة وجلست تبكي وقلت لها صاحب المكتب يقول لازم الفلوس تكتمل

قالت انا توني هالشهر متوظفة قول لهم يصبرون علي وكذا الين استلم الراتب

وكانت تتوسل واسمع صوت عيال جنبها

قلت الفلوس بسيطة نتدبرها وربنا ييسرها

المهم قلت عندك رقم حساب ؟

قالت لا والله

قلت خلاص بأدق على صاحب المكتب اذا عنده رقم حساب باحول اللي اقدر عليه

اتصلت على راعي مكتب العقار وعطاني حسابه

وحولت له 3000 ريال

بعدين كلمته قلت له حولت المبلغ

قال لازم يتحول كامل والا راح ارجعه لك

يوم قال كذا ، هذي الكلمة كسرت كل شيء

قلت له اوكي حول لي المبلغ الحين

قال الافضل نخليه لين بكرة الساعة اربعة العصر اذا ما اكتمل حولنا لك المبلغ ، سكت وقفلت معاه
قلت ما ابي اقول شيء

الساعة اربعة اليوم الثاني دق علي وما رديت

بعدين اتصلت عليه الساعة خمسة

قال لي ليه ما رديت علي ؟ قلت كنت نايم

قال انا اجتهدت ورحت عطيت راعي العمارة الفلوس وننتظر الباقي
قلت ما عندي باقي ولا يحزنون ابغاك تحول لي الفلوس
قال ليه ما رديت علي الساعة اربعة
قلت انا ارد وقت ما ابي
قال للاسف ما في حل الا انك تكمل المبلغ
قلت له انت واحد نصاب اعطني رقم صاحب الحلال لو انك صادق
قال ما اقدر اعطيك وفلوسك انساها اقول لك عند الرجال ما راح ترجع

سبيته وقال
طس عن وجهي
قلت له بيني وبينك المحكمة
قال روح للمحكمة وقفل في وجهي

رجعت اتصلت على الحرمة تعطيني مشغول


وش مشورتكم يا الربع ؟؟؟


انا مقهور مو عشان الفلوس بس ، ما توقعت فيه ناس من ربعنا بهالطريقة والله ما توقعت

طبعا هالكلام البارح واليوم

اكيد معاك رقم حساب اسم الشخص
روح البنك وخذ معلوماته كامله وورقة الحواله وأشتكي عليه ل شرطه
وان شاء الله حقك ماراح يروح كذا

هذا اللي باسويه كحل أخير

المشكلة اني ادق عليه يرد ويقول لي نفس الكلام ، كيف اجيب لك الفلوس وهي عند الرجال
يبغاني بالغصب اصدقه

المشكلة هو ساكن بالشرقية وانا بالغربية يقول انه بالخفجي

ياحبيبي انت مستعجل ومتسرع
وكانت نيتك صدقه وتبتغي الاجر
انت اخطاءت في استعجالك واخذتك العاطفه وصدقة العجوز

والله الان ما تقدر غير تنسي الفلوس وتعتبرها صدقة ع نيتك

اعتبرها لله

وفوض امرك لله

انا جاني واحد طرار في تويتر

يقول لي انا في الربع الخالي ويحتاج شاحن سوا عشان يتصل على اهله

طلب غريب وفي تويتر

ي اخي استغرب منكم انتوا ياللي تصدقون اي احد يتمسكن قدامكم

اذا تبون الاجر بنفسكم روحوا لاقرب بيت من عندكم اكيد في ناس تعرفونهم حق المعرفه
ان هم احق بالصدقه ...

الله وكيلكك انا اللي عند الاشاره م ارفع لها ريال لو نزحف ...

انا شخصيا اعرف اناس جيران اقارب ... هم اولى من هذولا النصابين ....؟


وانت اجركك ع الله


اهم شي نيتككك وربي يعوضككك كل خير ي رب

ياصديقي كثرة الطرارة وتعددت الاساليب

عموما الله يعوض علينا وعليك باختصر لك قصة شف الاساليب

الموقع بيت الشواية في الرياض محاكيك دابغن في النعمه واطلع ناسفن الشماغ والظاهر العقال مايل تلقائيا لاشعوريا
من الدووخه الحاصل الله يسلمك ويجيني واحد في منتصف عمره سيمات العقل والوقار

المهم كني سمعته قال انت من ال فلان قلت خير انشالله قال العلم سلامتك وانا وعايلتي

ويأشر لي على كابرس بوقس فيه بزران وحرمه راكبه قدام قلت من الاخير الي بحسابي مية ريال

وانا عاطل ومعي الحين خمسه وثلاثين ريال حقت حبة مع الرز وببسي عايله وصحن مشكل مقبلات

والله ماجاكم الا الصدق يا جماعه المهم قلت له ولا الحقني الصراف اذكر فيه مية ريال كان ماسحبها الراجحي

الرجال الظاهر يوم درى ان فيها مقبلات حسب لها صح هههههههههها قال جب العشاء وخل مييتك

وراح بستيرة الله واجي بعدها بكم يووم واخوي نفس الحكاية وشوي اسمع المنتدى يتكلمون عنه

يعني ياخوك لانويت فانووها لله

المعذرة وانا ذكرت باول السالفه اني بختصر وطوولتها سامحوونا