السلام عليكم ورحمه الله وبركاته

ياخوان ابي النصيحه منكم بكل امانه وبدون ومجامله

انا خالي عميد بالحرس الوطني وقالي بعينك وين ماتبي

وقالي بعطيك وكيل رقيب لان معي دبلوم من الكليه التقنيه


لاكن الشلغه كلها انحاست لان التقديم فتح على جنود مشاه وخالي غير كلامه قالي مافيه الا ارقام جنود اذا تبيها ابشر والمشكله جندي مشاه يعني مافتحو تخصصات ولافتحو للجامعين واللي معاهم دبلوم وكلامه لي انه مايقدر يدخلني وكيل رقيب لان الارقام كلها جنود

قالي اذا تبي وكيل رقيب اصبر اللين يفتح تقديم ثاني فيه ارقام غير الجنود

وانا محتاس اتوكل على الله وادخل جندي ولا اصبر اللين يفتحون تقديم ثاني والله اعلم متى يفتح
ولا اكمل دراستي واخذ بكالوريوس

ابيكم تشورون علي الاهل يقلون ادخل جندي وانا طموحي اعلى من جندي

وش رايكم اكمل دراسه ولا اصبر اللين يفتح تقديم فيه ارقام وكيل رقيب ولاادخل جندي مخي ضرب من التفكير

-


بصراحه ماقدر افيدك
لان هذا مستقبلك والي ترتاح له انت سويه لا تسمع كلام احد
عموماً الله يوفقك ويوفق الجميع

يارجال لو اني مثلك معي دبلوم والله ما ادخل على جندي التقديمات العسكريه اكثر من شعر راسك واذا تبي الحرس الوطني اصبر لين يجي تقديم خريجي الدبلومات ياشنب انت معك دبلوم يعني بالراحه تنقبل لو بالامن العام .. بالتوفيق ياوحش

اقول لوتخش جندي بتهاوش معك
انتبه انت معك دبلوم في قطاعان تعطيك عريف وفي قطاعان تعطيك وكيل رقيب
وش تبي في جندي بتندم على شهادتك
لاتستعجل اصبر وكل تاخيره فيها خيره

قطاعات *معليش على الكلجه

والله انا راي انك لو تقدم زي الخلق كان ازين لك ..

وبكل فخر منزل موضوع وخالي وخالي ترى انتا وخالك وكثير مثلكم الي عادمين البلد

ع العموم اتمنى يكون رزقك خالك حلال وبتوفيق لك ولخالك ..

هههههههه ياخي برب عطاله انت ويش فيك ياخي عااادي وشجره الاي متظل اعروقه قطعه ابرك ونت لو عندك احد يقربلك ماتخليه يتوسط لك ياخوي فكر في المنطق والله يرزقكم جميعنااا

برررب عطاله معصب ... شكله ما تسحر خخخخخخخخ..المهم يالذيب اللي مانزل الموضوع اسمحلي اقول انك انسان غبي لو دخلت بالدبلوم كاجندي حسرررره كبيره يروح التعب كلها اللي درسته في غمضه عين ... نصيحتي لك قل ال خالك مع نفسك، والرزاق فووووق والوظايف واجد لاتستعجل

يمكن انك متحمس تبي تدخل لو جندي
لاكن بتمر الايام ويفتح للرتب الاخرى وبتقول لو انتضرت

من راايي تصبر وقدم بالتقديمات الجايه وكمل دراستك << كلها حلوه
لاكن انك تخش جندي حتندم كثير