السلأم عليكم ورحمه الله وبركاته

أخبآركم . أن شاء الله بخير


شبآب انا عندي أرض وابي أستفيد منها ..؟


أرض مو على شآرع تجاري جواء حي .. بس حي بعيد عن المدينه وأكثر شي الحي كلها أستراحات مو سكن

قلت أستفيد من أرض اسوي مشروع ملاعب صناعي

وأرض مو مره كبيره

س1 هل يجب ان استخرج تصريح للملعب..؟

س2 كم سوفى يكلفني المشروع..؟

الي ابي اسويه


عشب اصطناعي + 2 مرمى + كهرباء + شبك على الملعب + دورة مياه فقط

والي معي فقط 25 الالف ريآل

هل تسوي مشروع هذا ولا خلاص أنسي مشروع هذا

السلام عليكم

انا اشوف الملاعب ماشيه في الرياض

بس ماادري عن الموقع في المدينه

اول شي محد راح يقدر يفيدك كم يكلفك

انت ابحث في نفسك وشوف الاسعار اللي تناسبك

- شوف اسعار العشب الصناعي شوف مساحة ارضك واحسب كم تحتاج من متر
- المرمى شف المتر اللي تبيه واسأل في ورش الحديد ويمديك تحطه بلاستيك
- الشبك شوف المسافه والارتفاع اللي تحتاجه واسأل عن الشبك
- الاناره والكبس شوف كم تحتاج من كبس واحسبها
- ونفس الشي دورة المياه

لان انت لو سعرت افضل لان فيه شبك رخيص وشبك غالي وانت اختر المناسب
وقس على ذالك العشب يمكن الصناعي اغلى والعادي ارخص
مب شرط انك تروح وتسأل يمديك تستفسر بالاتصال بس الافضل تروح

وبالتوفيق ان شاء الله

25 الف !!

لاحد يكذب عليك يقولك تكفي

النجيل الصناعي اللي ياخذ 8 لاعبين لكل فريق يكلفك فوق الـ150 الف

مع الشبك والكشافات ودورة مياه .

شف وأنا أخوك يبي لها زياده بسيطه

الانجيل فيه امريكي المتر المكعب منه حوالي ٩ ريال

وفيه نوع ثاني اتوقع سعودي ٦ ريال انت حط متر مكعب انجيل واترك متر ع الاقل فاضي

لانه هو يمشي ويكبر مع الارض يصير شابك فبعضه وعندك المويه بتكلف بعد حط نظام الري

وبالنسسبه للرخصه مايحتاج بدون وفيه شركات متخصصه لانششاء الملاعب وتجهيزها من الى بس غالين

انت روح سسعر وسسجل ومخمخ ع قولتهم وحسسب حساباتك وترا فيها ذهب والله والله يرزقك

نصيحتي
دور على مكتب عقاري نشيط قريب منك . وعطه صورة صك الارض وقول له ابغى اأجرهها وبتجيك العروض والله يوفقك
ممكن يجيك مستثمر يتفق معك انه يبنيها استراحه اذا كان الحي مصرح ويتفق معك على عقد مدته حوالي عشر سنوات بحيث انه يبنيها ويشغلها المده المتفق عليها ويكون الربح له + مبلغ ايجار سنوي لك لا يقل عن 50 الف والله اعلم بالاسعار عندكم بالمدينه
ولاتنسى انك بعد نهاية العقد راح تملك الارض وما عليها

لو انك بالخبر او الدمام كان اشتغلت لك عليها عندي خبره بهذا المجال

مايكفي المبلغ يحتاج الى زيادة في راس المال

وهو مشروع ناجح

فيه مشكله انتبه منها انه العمال بعضهم وليس الكل يستغل غياب صاحب الملعب ويلعب باالأسعار هذا اذا ما اكل من الفلووس وغير كذا صعبه ادارتها , اخبر واحد من الشباب عندهم استراحه عائلية مره طبوا فيها وسط الأسبوع حصل الحارس مأجرها !!!! يعني بالأخير سرقه في سرقه